بيوتنا من بينها ينبثق نور

[النايله]

ماعندي اموالً ولاعندي قصور
وابوي مايملك عقار وعماره
ولا أملك املاكً ولاني ب مشهور
ولا سعيت ل مال ولا تجاره
مادامني مرتاح راضي و مستور
ماهمني لاجات ربح و خساره
ماني نسل شيخً خذا طيبه ب زور
انا نسل مكرم قريبه وجاره
على فقار العز ماهو على السور
نقلط و اسامينا ماهي مستعاره
بيوتنا من بينها ينبثق نور
هي وجهة الطرقي سواة المناره

النايله

[النجلاء]

والنعم يالنايله
وصح الله لسانك ملايين
ابدعتي وامتعتي شاعرتنا
تقديري لسموك
النجلاء

[عاشق]

صح لسانك ويعطيك العافيه
نص جزل شاعرتنا
تحياتي

[محمد الغنامي]

الله الله

شاعرتنا النايله

ابداع غير مستغرب
صح اللسان وعلى شانك
مروري واعجابي

[ملكة الرواسي]

يعطيك العافية ولا هنت يالغلا
نص راقي برقيك

[رحيل]

صح لسانكِ

[مهرة يام]

صح لسانك ملايين
مبدعه وجزله ماشاء الله

يعطيك العافيه

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي