ياطير تكفى لاتزعلني

[محمد الغنامي]

هذي قصيده قديمه لي كانت في منتدى السلاطين
لصاحبة عبد الله بن طلال رحمة الله عليه رحمة واسعه
ارسلها لي اخوي عبد الله الروقي وانا كنت ناسيها
وحبيت انزلها لكم هنا امل ان تنال استحسانكم


ياطير تكفى لاتزعلني وانا ماني زعول=احرص على صدري من الضيقه ومن مضمونها
لاجبت طاري من تليق بها الخلاخل والحجول=ماكنك ألا تركي الجمره على غليونها
داله وفي لمحة بصر يطري لي الطرف الخجول=واقوم اجاوب نايحات الورق سو لحونها
من عقب ماقلبي عن الخفرات والعشق معزول=استيسرتني بالرموش اللي وساع طعونها
سود العيون الناعسه تطرح رياجيلٍ فحول=والله طرحني بين غرتها وسود عيونها
ماغيرها اللي روحت بالقلب مرواح الذلول=الحره اللي من غوال المال مايصخونها

في حبها ياطير انا تايه ولاعندي حلول=اعنا لها حتى لو ان البعد يزمي دونها

[خيال مطير]

,الله يرحم ابو مشعل برحمته
قصيدة جزلةة من شاعر هامه غني عن التعريف
صح لسانك يابو بندر وصح لسان اخوك الروقي اللي ارسلها لك

تقيييمي ألمذهب لسموك
ولاهنت يالامير

[محمد الغنامي]

خيال مطير
صح بدنك مليون
اخجلت تواضعي بعذب تعبيرك
شاكر لك حضورك وتواجدك الدايم
تقييمك وسام على صدري
دمت بخير وسعاده

[النجلاء]

الله يرحم ابو مشعل ويسكنه فسيح جناته
ابو بندر
صح الله لسانك ملايين
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري لسموك
النجلاء

[ناصر الهواوي]

قديمك جديد يابو بندر صح الله لسانك والله يرحم او مشعل رحمة واسعه

[ملكة الرواسي]

الله يرحمة ويغفر له وأموات المسلمين
روووووعه مديرنا لا هنت على النقلك الراقي

[رحيل]

الله يرحمه ويغفرله ويسكنه فسيح جناته
القصيدة لك ي ابو بندر والا لابو مشعل
صار عندي لبس في الموضوع ):

[عاشق]

صح لسانك ويعطيك العافيه
نص جزل شاعرنا الرائع
تحياتي

[عبدالله الدّنّيش]

معاك حق يا رحيل في الإلتباس .. !!
القصيدة لبو بندر وصح لسانه على هذه الدرة
ورحم الله أبو مشعل رحمة واسعه ،،

[محمد الغنامي]

ياهلا وغلا
صحت ابدانكم جميع
شاكر ومقدر لكم تواجدكم
اعتذر على الاختصار في الردود
دمتو بحفظ الرحمن

القصيده لي للتوضيح

[شاعرة نجد]

فــي حبـهـا ياطـيـر انــا تـايــه ولاعـنــدي حـلــول
اعـنـا لـهـا حـتـى لـــو ان الـبـعـد يـزمــي دونـهــا

الله الله يـ الغنامي
صح لسانك ولاهنت على هـ العذبه والابدااع

والله يرحم عبدالله بن طلال
ويسكنه فسيح جناته,رجل واضح ومحترم وشاعر مبدع
تقديري,’’

[مهرة يام]

الله يرحمه ويغفرله ابو مشعل
صح لسانك يالغنامي
مبدع وجزل
يعطيك العافيه

[الناقد/عبدالله الروقي]

صح لسانك يابو بندر على القصيدة الجزلة
ورحم الله أبو مشعل ،فاقدينه والله ،الله يرحمه ويغفر له!

[سعود العتيبي]

صح لسانك ابو بندر
جزالة متناهية ومعاني عذبة
ابدعت يامبدع

[رحيل]

صح لسانك يابو بندر على هالابيات الرائعة
ولاهنت

[نايف الناجي]

اللهم امين
الله يرحمه ويغفرله ويسكنه فسيح جناته
محمدالغنامي
صح لسانك حتى ترضى
تحيتي وتقديري

[ريم الفلا]

الله يرحم ويغفر لعبدالله بن طلال

وصح لسانك شاعرنا قصيدة رائعة
ولاهنت ولاهان من حفظها وارسلها لك

[محمد الروقي]

قديمك جديد
صح لساااااااانك

[الجووهره]

الله يرحم ابو مشعل ويغفر له واموات. المسلمين

مبدع مديرنا في قديمك وجديدك
وصح لسآنك مليوون ولا يكفوون
ويعطيك العآفيه على هالرآئعه

[جراح]

صح لسانك واعتلا شانك
ابداع في ابداع
قواك الله,,,,