عسى السحاب اللي ترزم مناشيه

[النايله]

‏اما يجيني وأمسك ايدي ب ايديه
‏ولّا يفارقني و ينسى دروبي
‏ما انت ب حلالي ليه درب العنا ليه
‏يا نفس عن حبه تنحّي و توبي
‏اللي بغيته راح و اقفت طواريه
‏لو انّه اقرب لي من زرار ثوبي
‏عسى السحاب اللي ترزم مناشيه
‏يمطر على داره شمال و جنوبي
‏#النايله

[ملكة الرواسي]

صح لسانك شاعرتنا
نص راقي لا هنتِ وعساك على القوة

[النجلاء]

صح الله لسانك شاعرتنا
مبدعه وجزله وشهادتي فيك مجروحه
دمتي ودام مدادقلمك ورقي حرفك
تقديري لسموك
النجلاء

[رحيل]

صح لسانتس يامبدعة

[مهرة يام]

صح لسانك ملايين
ابيات فخمه وجزله
يعطيك العافيه

[عاشق]

صح لسانك ويعطيك العافيه
نص جزل شاعرتنا
تحياتي

[جراح]

صح لسانك واعتلا شانك
ابداع في ابداع
قواك الله,,,,

[محمد الغنامي]

الله الله

شاعرتنا النايله

ابداع غير مستغرب
صح اللسان وعلى شانك
مروري واعجابي

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي