الخطـوط الكويتيـه

[نايف الناجي]

في جيرة الله لوان النفس ملهوده=يااللي رحلتم عن ديار السعوديه
مع السلامه عسى في روحتك عوده=بانسى موادعك لبشرت بالجيه
يااهل مطار الكويت العطر والعوده=ودعت روحي على خطوط الكويتيه
مزون غيث(ن)مطرها يسبق رعوده=على النقا والوفاء من ناره الحيه
عوامل الوقت والاعصاب مشدوده=والوقت تسبق سهومه صافي النيه
والله ماهو بذنبي يااهل السوده=ميا سمه بين حر النار والكيه
مع السلامه عسى في روحتك عوده=يااللي رحلتم عن ديار السعوديه

[ملكة الرواسي]

شاعرنا القدير صح لسانك مليون
نص راقي يعطيك العافية

[رحيل]

الله الله
صح لسانك لين ترضى
ولاهنت

[لقيت روحي]

صح لسانك ملايين يا بطل

والله يرد لك كل من يحبه قلبك

تقديري لك

[هزاع محمدالعاصمي]

المشكا لله يانايف
ابيات معبرة وجميلة بها من الشعر الكثير
جاءت في قالب توديع يميل الى الحزن تلامس قلب من يعانقها
صح السانك اسعدني كثيراً المرور من هنا كل الشكر اخي وشاعرنا الجميل وبالتوفيق

[النجلاء]

صح الله لسانك يانايف
ابدعت وامتعت شاعرنا الجزل
دمت ودام مداد قلمك الراقي وحرفك الشامخ
تقديري لسموك
النجلاء

[عبدالله الدّنّيش]

صح لسانك نايف
جزلة وعسى عودته كما تريد
تحية وإعجاب وتقدير ،،

[مهرة يام]

ياسلام ياشاعرنا
ابداع وجزاله
نص جميل وفخم
يعطيك الف عافيه

[محمد الغنامي]

الله الله

نايف الناجي

صح لسانك واعتلا شانك
مبدع وجزل شاعرنا كما عهدناك
سجل اعجابي وتقديري
ولك اجمل تحيه

[عاشق]

صح لسانك ويعطيك العافيه
نص جزل شاعرنا الرائع
تحياتي

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي