أغرد الأشعار صبح وعشيه

[سلمى]

أغرد الأشعار صبح وعشيه
من خاطرٍ ضايق وقلب كسيري

وتقول ذوق وقلت الأبيات ليه
ماهيب منقوله على لسان غيري

ولا كتبت الشعر لأجل العطيه
من واهج يسكن بقاصي ضميري

غير التسلي مالي أيات نيه
كفيت كل الناس شري وخيري

لا احدن يعاتبني ويشره عليه
ولا يشجعني على طول سيري

لي نفس بدروب المعالي حريه
وأقدر احدد وين وجهة مصيري

#سلمى

[شيخـــة الغــيــد]

\\

ياسلام عليك شاعرتنا
أبدعت وصح الله لسانك ع هذه الأبيات العذبة

[هزاع محمدالعاصمي]

جميل شاعرتنا سلمى
كفو ابيات جميلة ومعاني رائعه
لكي أسلوب مميز في اختيار الألفاظ صح السانك
كما اسعدني المرور من خلال متصفحك كل الشكر وبالتوفيق

[ملكة الرواسي]

الله عليك شاعرتنا
نص جميل لا هنت يالغلا

[الجووهره]

كفوووو سلمى أبدعتي
وصح لسآنك مليوون ولا يكفوون
ويعطيك العافيه على هالرآئعه

[النجلاء]

الله الله
ياسلام عليك وصح الله لسانك ملايين
ابدعتي وامتعتي شاعرتنا الراقيه
دمتي ودام مداد مداد قلمك ورقي حرفك
تقديري لسموك
النجلاء

[محمد الغنامي]

الله الله
شاعرتنا سلمى
صح لسانك واعتلا شانك
نص جميل وابداع غير مستغرب
دمتي بخير وسعاده
ولك اجمل تحيه

[رحيل]

يا سلااااااام
صح لساانك سلمى

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي

[مهرة يام]

صح لسانك ياسلمى
واعتلا شانك
تقديري لك

[الجوريه]

صح لسانك شاعرتنا
نص جزل ورائع
تحياتي