دمعتي صارت من أدناة شيٍ طارفه

[سلمى]

لا تجيب لسيرة الحب طاري يا فلان
دمعتي صارت من أدناة شيٍ طارفه

عاد كيف وصاحبي بعد ذاك الود خان
العهود وحزن فقده سيولٍ جارفه

تجرف شعوري والإحساس وتهز الكيان
والدموع من المحاجر عليهم ذارفه

ودي أصبر وأتسلى على مر الزمان
غير حسن الصبر والله ماني عارفه

ويش أسوي كون بدع المواويل السمان
كل يومٍ من بحور القصايد غارفه

عل براق السعاده عقب حزني يبان
وتصبح أغصان الأمل بالأماني وارفه

#سلمى

[محمد الغنامي]

الله الله

شاعرتنا سلمى

صح لسانك واعتلا شانك
مبدعه وجزله شاعرتنا
مروري واعجابي
لاهنتي

[نهر]

شاعره قويه ومتمكنه

صح لسانك مليون ولا يكفون ودام إبداعك

[شيخـــة الغــيــد]

||

صح لسانك مــدد بلا عـــد شاعرتنا
أبيات جزلة ورائعة لاهنتِ

[النجلاء]

الله الله
ياسلام عليك شاعرتنا
صح الله لسانك ملايين يارائعه
دمتي ودام مداد قلمك ورقي حرفك
تقديري لسموك
النجلاء

[ملكة الرواسي]

ابدعتِ حياتي
يعطيك العافية ولا هنتِ

[عاشق]

صح لسانك ويعطيك العافيه
نص جزل شاعرتنا الرائعه
تحياتي

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[مهرة يام]

صح لسانك ياسلمى
واعتلا شانك
تقديري لك

[الجوريه]

صح لسانك شاعرتنا
نص جزل ورائع
تحياتي

[جراح]

صح لسانك واعتلا شانك
ابداع في ابداع يالقرمه
قواك الله,,,,