خلوني اخذ لي مع البر مرماع

[عيد بن بجاد بن شده]

خلوني اخذ لي مع البر مرماع
اضني انسى ماضي الذكرياتي

اليا ذكرت البدو مع ذيك الارواع
اضعونهم واقطاعهم سارحاتي

فزيت مثل اللي من الهم مرتاع
ياعزتي للي يسوي سواتي

لاجلعوا للصيف من عقب مرباع
يحرم على عيني لذيذ المباتي

شالو على بوشً غداء له تمزاع
واهل الهوا والحب جاهم شتاتي

بوشٍ خطاه طوال ونحوره وساع
جلع بعد يبست نوات النباتي

يمسي عروق زرود من نقرة انطاع
يقطع فجوجٍ دارسه خالياتي

تزمي زهازيمه مع البيد نجاع
وراع الغنم جدواه كثر الشماتي

#___عيد بجاد بن شده

[راس الغول]

صح لسانك واعتلى شانك ياشاعرنا

[النجلاء]

الله الله
ياسلام عليك وصح الله لسانك مدد بلا عدد
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك
تقديري لسموك
النجلاء

[عاشق]

صح لسانك ويعطيك العافيه
نص جزل شاعرنا الرائع
تحياتي

[ابوفارس]

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[مهرة يام]

صح لسانك ملايين
نص جزل وفخم
مبدع وجزل شاعرنا
تقديري لك

[روابي]

أبيات رائعه
عيد بجاد
تسلم على روعة الطرح الجميل

[محمد الغنامي]

الله الله
عيد بن شده
صح لسانك واعتلا شانك
مبدع وجزل شاعرنا
مروري وتقديري
لاهنت

[ملكة الرواسي]

صح لسانك ولا هنت
يعطيك العافية شاعرنا

[رحيل]

صح لساااانك شاعرنا
ولاهنت

[عيد بن بجاد بن شده]

صحت ابدانكم
واسعدالله
اوقاتكم بكل خير

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[عيد بن بجاد بن شده]

الاخوه الكرام لاهنتوا وصحت ابدانكم