سبحآن علآم الخفا والمقآبيل

[الجووهره]

الشمس وقت غروبها ما بها حيل
مالت مثل جفنٍ يغالب نعاسه

غابت وطاحت دونها ستارة الليل
والصبح يخلع فوق أمسه لباسه

وخلت مكان للثريا ولسهيل
ونجوم في الظلمة دليل وحراسه

قفّت وصحت في الحناجر مواويل
حطاب شعر وشوفة البدر فاسه

نارٍ تشب ودله تفوح بالهيل
من شمّها يختال ويميل راسه

أو عاشقٍ يطوي الزمن بالتعاليل
إن قام حظه عاجله بانتكاسه

أو شايب تعطر مساه التراتيل
والذكر يرفع بين ذا الناس ناسه

أو شايلٍ هم الحمول المثاقيل
دينه وفقره بين صبره وياسه

أو شاكي لله من الظلم والويل
والشر لو تدري ترى الظلم ساسه

فغروب شمس الكون حكمه وتمثيل
لغروب شمس العمر هذا قياسه

لحظات نخسرها على كل تأجيل
وما هي بتحتاج الذكا والفراسه

ناظرتها وايامنا في المدى خيل
تركض يباريها الكدر والوناسه

والعسر في الدنيا وفيها التساهيل
وبه للسعه كاسٍ وللضيق كاسه

سبحان علام الخفا والمقابيل
سبحان من فوق المخاليق باسه

وسبحان ربي عد ما حدّر السيل
وعداد ما طاب الجنا والغراسه
.
.
#شعر
سلطان آل منيف

[النجلاء]

جوجو
يسلم ذوقك الراقي ياراقيه
انتقاء جميل ومميز كما عهدناك
شاكره لك وجودك ومجهودك
تقديري لسموك
النجلاء

[شموخ المشاعر]

صح لسان قايلها وناقلها
ذوق يا ذوق
سلمتِ الجوهرة

[ملكة الرواسي]

ابيات ولا أروع
يعطيك العافية غلاي

[الجووهره]

نجووله ، ورديه ، ملووكه
تسلموون ومشكوورين
ومنوورين يا الغوآآآلي

[رحيل]

جوجو صح لسان شاعرها
وصح ذوقك وانتقائك ياغالية

[محمد الغنامي]

الجوووهره

صح لسانك وصح لسان شاعرها
نقل جميل وراقي كرقي حضورك

مروري وتقديري

لاهنتي

[سعود العتيبي]

صح لسان الشاعر
وتسلم يد الناقل

[شيخـــة الغــيــد]

||

صح لسان القاائل وسلمت يمين النااقل
لاهنتِ يالذووووق