عيد بن بجاد بن شده
24-09-2018, 11:46 PM
خلوني اخذ مع اهل البوش مرماعي
وانا اعرف البوش وافهم في مراميعه
اضني ادله اليا رافقت الاقطاعي
واسج في خايعٍ تلعب جرابيعه
واشوف دارٍ قديمٍ رونقه شاعي
ينعم نباته وشعشع في مرابيعه
فيه البختري يجي له صبح ذعذاعي
ونبت الشمطري تناوج به تناويعه
واشوف حيٍ جماله فيه ماضاعي
يشعف ضمير الهواوي في مراجيعه
قلب الهواوي يقرقع معه قرقاعي
ويذكر غرامٍ كثيراتٍ موانيعه
من حب غرون حداني عنه طمّاعي
لامها مثل السراب بخاطي القيعه
ياشبه ريمر شعاه الصوت وانصاعي
فزت عنوده وخلا الخشف بالضيعه
او شبه شقحٍ شعاها حادي الراعي
اوحت غطاريف راعيها وتشجيعه
وقامت تبختر مع الهوبال وتراعي
تراعي اللي تهيضها مشاريعه
روبع لها الصوت بالمسراح روباعي
عود يبوج الفيافي في مناجيعه
لو سامها التاجر المرموق ما باعي
يقول لأهل الفلوس البوش مابيعه
عيا عليها المخضرم طايل الباعي
ذخاير الجد دوه طق اصابيعه
عيد بجاد بن شده
وانا اعرف البوش وافهم في مراميعه
اضني ادله اليا رافقت الاقطاعي
واسج في خايعٍ تلعب جرابيعه
واشوف دارٍ قديمٍ رونقه شاعي
ينعم نباته وشعشع في مرابيعه
فيه البختري يجي له صبح ذعذاعي
ونبت الشمطري تناوج به تناويعه
واشوف حيٍ جماله فيه ماضاعي
يشعف ضمير الهواوي في مراجيعه
قلب الهواوي يقرقع معه قرقاعي
ويذكر غرامٍ كثيراتٍ موانيعه
من حب غرون حداني عنه طمّاعي
لامها مثل السراب بخاطي القيعه
ياشبه ريمر شعاه الصوت وانصاعي
فزت عنوده وخلا الخشف بالضيعه
او شبه شقحٍ شعاها حادي الراعي
اوحت غطاريف راعيها وتشجيعه
وقامت تبختر مع الهوبال وتراعي
تراعي اللي تهيضها مشاريعه
روبع لها الصوت بالمسراح روباعي
عود يبوج الفيافي في مناجيعه
لو سامها التاجر المرموق ما باعي
يقول لأهل الفلوس البوش مابيعه
عيا عليها المخضرم طايل الباعي
ذخاير الجد دوه طق اصابيعه
عيد بجاد بن شده