ديوان الشاعر بشير العتيبي ( سفير نجد )

[بشير العتيبي]

بسم الله الرحمن الرحيم
الحمد لله الذي بنعمته عائشين ولرحمته سائلين ولمغفرته طالبين الحمد لله عدد خلقه الحمد لله حتى يرضا والحمد لله بعد الرضا اما بعد..،
اخواني واخواتي الكرام احييكم بتحية الاسلام...،
السلام عليكم ورحمة الله وبركاته
هذا ديواني اسئل الله ان يجعلني عند حسن ظن الادارة الكرما والمشرفين الاعزاء والاعضا الاتقيا
واسئل الله يكون ما اكتبه شاهداً لي لا شاهداً علي
هنا حصاد ما يثمر بهُ قلمي وفكري اتمنا ينال اعجابكم ورضاكم
اخوكم الصغير بشير العتيبي ( سفير نجد )

[بشير العتيبي]

يا شيب عيني من هنوف
فيها الحلا فيها الوصوف
اللي مـا تـوجـد في البلاد

والــعــالـم بـكـلـه حـرام
ما مــثــلـهـا بـيـن الانـام
هـذا هـو الـعـلـم الـوكـاد

من طرفها الروقي مصاب
والقلـب للحـب استجاب
حـتـى حـكـم قـلـبي وساد

قـلـبــي وروحي والعـيون
وهاجـوسي بعذب اللحون
غـنـا وحــرمــنــي الـرقـاد

اسـهـر مع طــيـف الـغـزال
اللي خــذت كـل الـجـمـال
مـن خـالـقـن زيـن الـعـبـاد

جـمـالــهــا مـــالــه مـثـيـل
عند الـبـشـر فــي كل جيل
فـيـهـا الـقـمـر بـ الـزين شاد

بعد الــتـــحـــيــه والـسـلام
واثنا الــتـــغــزل بـ الــكــلام
قــامــت تـــلــوح بـ الـبـعـاد

اقـفــت وانـا كــلــي حـزون
والـدمـع من مــوق الـعـيون
اســقــا ضـــمــا خــدي وزاد

مـن شـفـتـهـا قـلـبـي جريح
ينخا على الـوصـل ويـصـيـح
وعن غـيـرهـا مـن الغيد حاد

حـتـى وهـــو يــــنـــزف دمـا
الـ حــــبـــهـا صــــان وحـمـا
ما سـامــهــا بـ سـوق الـمـزاد

حــتــى رفــيـقـي لــو يـقـول
لا تـحـتــري الـريـم الـجـفـول
فـي رفـقـتـه قــمـت الـحـداد

اعـــطــيــتــهــا قــلــبــي ولا
اعــــشـــق ســوا ريـــم الـفـلا
ركــــاد يـ الـــعــــاذل ركــــــاد

يا غــايــة الـــقـــلــب وهـــواه
يا بــلـــســـم الـــجـــرح ودواه
ارســالـــتــك مــثــل الـمـضـاد

فـي حـبــك اوصـلـت الـهـيـام
فـــي كــــل يـــوم وكــــل عـام
وصــلك طــمــوحــي والـمـراد

زرعــت حــبــك مــن ســنــيــن
واسـقـيـه من مزن الــحــنــيــن
يالله عــســا الـوصـل الـحـصـاد

الـــــحـــــــب والاخـــــلاص لك
اقــــســـم قـــســــم مـا ابـدلك
لك مــوطـــنــاً وســـــط الـفـؤاد

مـــاهـــوب انـا كــــل مــن هـوا
مــثــلــي لو الــقــلــب انـكـوى
فــي الــغــيــر ما يـلـقـا الـمـراد

اشـــتـــاق لك وامـــوت فـــيـــك
وابـــيـــع روحــــي واشــتــريــك
والــمــوت مـــن دونـــك جــهــاد

فــــي غــيـــبـــــتـــك لـولا غلاك
كـــلـــي تــــعـــــرض للـــهـــلاك
يـــمـــدنـــــي صــــبــــر وجـــلاد

يا اعــــز واغـــــلا مـــــن هــويــت
بـعـت الـعـــمـــر لك واشــتــريـت
حـــــــبــــــــك وكــــــــان الله اراد

اقــضــي الـــعــــمـــر كــلــه معك
اتـــبـــع غـــــرامــــــك واتــبــعــك
فـــي الـــكـــر والا فـــــي الـطـراد

والــخــتــم فـــي مــسـك الـخـتـام
حـبـك يـا عـــــشـــــقـــي والـمـرام
مــــع الـــــدقـــــــايــــــق بـ ازديــاد

الشاعر بشير العتيبي

[بشير العتيبي]

يا طـالـبـة عن سـؤالك بـ العجل ردي
اخذي جـوابـي يا عمري والله يعينك

كل الخلايـق عـشــانــك وقفت ضدي
ليتك يانــور العـيــون تشوفي بـ عينك

كيف الخـلايق تــجـــي وتروح وتردي
حتى الذي ما اعترف بسلومك ودينك

ما بين حــاســد وعـــاذل حيل متردي
والحظ والــوقــت عــائــق بيني وبينك

صحيـح دامـي بـ قلبك محدن بـ قدي
وامـاري الــغــيــد يا شيـختهم بـ زينك

مير المـواصل هـواي وحـلـمي او ودي
اقضي العمر معك موب اتنشدك وينك

تـمـر الايـــــام بـ الــحـــرمــان وتـعـدي
متى عيوني تــشــوفـك والمس ايدينك

تـبـي تـشـوفـي يا قـلبي منزلك عندي
انتي قـصـيـدة عـجـزت احزن بتلحينك

من شفتك الـحـزن ما جانـي ولو تلدي
فيني تشوفـي سـجيـنـاً مـن مساجينك

أسهر مـن الـشـوق طــول الليل ما ودي
تغفى عـيـوني واشـيــل النوم من عينك

ليت الـعـمـر يـنهـدى والـعــمـر في يدي
اهـديـتـك الـعــمـر وسنــيني مع سنينك

لا تقولي امــزح ورب والـكـون من جدي
أن الـعـمـر ما يــــســـاوي ظـفـر رجلينك

يـقـولوا الـخــلـق فـــي حـب الغلا هدي
واقـول كــل الـبــشــر ضــدي ومعادينك

اشـوف كـل مـن نــصــح فـ البعد متعدي
لو كـان اخــوي وعـضـيدي قلت يا شينك

كـلـه عـشـانـك حـكـمــتـي جـزري ومدي
اغـرق بـقـلـبـي جــمــيــع اللي مجافينك

صـنتـك وانا مـن لـهـيـب الـشـوق منهدي
واعلنت حـربـي عـلـى خصومك وشانينك

اضــد نـاسـاً مــافـــيــه اللــي لـهـم ضدي
واحـشـم ربـوعــك واصافي اللي مصافينك

الشاعر بشير العتيبي

[بشير العتيبي]

اللـي ليا قام يـوعــد ما وفا بوعده
والخـلـق بـ أفـعــاله الهزله يماريها

اليا تضايق يجي فـ الحـال وبسعده
نفسه عـلى ما تـبــي مـنـه يجاريها

ما فيه شاهــوق لتعـذيب ما صعده
ومـشـاعـري مــن عـرفته ما يداريها

ما يـدري انـه يـخـليـنـي على بعده
احـــن وأشــتـــاق للـفـرقـا وطـاريها

مالي ومـال السحـاب اللي مع رعده
مزن الـجفى والقـطاعه خاب شاريها

ما دام وقــلــوبـنـا عن بعـض مبتعده
رسـايـل الــحــب مــانـي مـنـه قاريها

الشاعر بشير العتيبي

[بشير العتيبي]

سـلام الله على اللي كلها طيب وسمؤ وشموخ
هــذيــــــك الغاليه والفاتنه بـنـت السلاطيني

خلقها الله مـلاك تنومس اللي يلبسون الجوخ
قبيلة تحتمي دون الـخــوي ماضي وهالحيني

واسمها في كتاب المجد نابـع ماهو بـ منسوخ
كـتـاب الـمـجـد لــــولا الغاليه ما شافته عيني

اميره دونها راعي الـردى من ضعف حيل ينوخ
حـفـيـدة مـكـرم الـضـيـفـان ومـذل المعاديني

كريمة نفس شيـخة قـــوم ترجح بالفعال شيوخ
والى قــامـــت تــهــز جـــبــال وتفـجـر براكيني

نعم هـذي هي اللي يحتمي من دونها المطنوخ
ولا يـنـلام الــى مـنـه عـطـاهـا الـقـلـب والعيني

اليا مـرت ما فـيـه إنسـان من كثر الحلا ما يدوخ
والى قـفـت ما فــيــه إنـسـان ما يبكي المقفيني

لها بين الـضـلـوع الـعـوج قـصــر وللخلايق كوخ
وعطيت لها الغلا حـتـى وانا ادري انها ما تغليني

خـلـقـت لها مـراسـل الـغـلا وسـط الخفوق فروخ
وربـيـت الـفـروخ بـحـب لــيـن امـسـت شياهيني

وغدت تحمل رسايـل قـلب فـي نار الغلا مطبوخ
شـواه الـشـوق واللـوعـه بـجـمــر الـحـزن تكويني

الى اللي يوم تزعل في السما تشوف العباد شروخ
وانا كـن الـحـزن والـهـم والـضــيـق اشـتعل فيني

يبيد الـفـرحـه اللـي بـ الحـشـا حزن الألم ويشوخ
عـلـى قلباً مـا يــفــرح كـود يـوم الشوق تـلـفـيـني

عسا رب البـشـر يـحـفـظ غـلاتـي مـن عيون دلوخ
عـصـابـه حـــــاقــــده تــبـغــا تـفـرق بـيـنـها وبيني

الشاعر بشير العتيبي

[بشير العتيبي]

يالله يـ اللــــي تـشـوف بعيـنـك ولا تشاف
يا عالـم الـحـال حـالـي ما وجد له وصيف

أصـيـب واخــيــب لـكـن مـا عـلـيـه خـلاف
من خلقتي ما انـحـنيـت ولا قطعت بحليف

واموت ماطحـت واصحاب العقول الخفاف
تطيح مثل الـــورق لا جــاه فـصـل الخريف

اقدم ولا أهاب مـن ضـرب السيوف الرهاف
وامــاري الـنـاس بـ افـعـالــي وقلبي نظيف

قـالـوا صـديـقـك ولــو طـال الزمن ما يعاف
اقــرب مـن اخـوك لا جـا طـق خنجر وسيف

وصديقـي اللــــي ذخــرتـه لسنين العجاف
كنت احسبـه مـحــزمــاً يا لين شفته ضعيف

يــوم انـتـخــيــتـه تـغــيـر لــون وجهه وخاف
وشلون لا جــيــت وانــا تـحــت حـد الرهيف

ميـر احـمـد اللـــــي خلقني شامخاً ما يطاف
ما طــافـنـي بالـمـراجـــل كـود ابوي العفيف

الشاعر بشير العتيبي

[محمد الغنامي]

وعليكم السلام ورحمة الله وبركاته
الف الف مبروك افتتاح الديوانيه شاعرنا القدير
صح لسانك واعتلا شانك بدايه جميله
سجلني من ضمن زوار هذا الركن
دمت بخير وسعاده

[مهرة يام]

ياسلام شاعرنا
مدونه جميله والف مبروك افتتاحها
ان شاالله اكون من زوارها
انا اشوف مكانها يكون الركن الهادئ

[ملكة الرواسي]

وعليكم السلام
ماشاء الله الف مبروك
يعطيك العافية ولا هنت



متابعة .....

[خيال مطير]

لاهنت يالسفير , وبيض الله وجهك , وغني عن التعريف , أحترامي يالامير ,,

[ريم الفلا]

ماشاء الله متصفح عذب وراقي
لاهنت شاعرنا وصح لسانك

[بشير العتيبي]

يا أيها الشهم المسمى بـ أسم من
قـهــر الــمـلــوك وزلـزل العدوانا

مـحــمـــد الـسـلـمـان نسل زعيمنا
تـاج الـعـبــاد وفـخـرهـم سلمانا

يأمـن حـفـظ نهـج الرسول وأسمهُ
لك حــبــنـــا وأرواحــنــا و ولأنـا

لله درك مــــــن زعــيــم بــظـلـهُ
عـز الــشـعــوب ونصــرة الإيمانا

في ظــل سـيــفـك يا وريث مليكنا
الشرق من خبث المجوس مصانا

ياسـيـف في ظلك يلوذ الناس من
خوف المجوس وزمــرة الشيطانا

فـيـك الأمـان وفــيــك عدل وهيبةً
لن تـخلـق بـ غـيرك مـدى الازمانا

الا فـ سـيــدنــا ونــبــض قــلـوبـنـا
ملك الـمـلــوك حـبـيـــبــنـا وغلانا

سـلـمـان بـن عـبـدالـعـزيـز بحكمهُ
الـشـعـب فـي كـــل الوطن فرحانا

يا شـبـل من ذل الـطـغـاة ولم يزل
يـسـقـي الـطــغــاة مـذلــةٍ وهوانا

جددت عـهـد موحداً شعب الوطن
عــبــدالــعــزيــز مـعـرب الـجـدانـا

الـمـمـلـكـه من عــهـــدهِ لـ عهدكم
فــيــهــا نــمــاري بـاقـي الاوطـانـا

يـأمن جلا لــيــل الــظــلام بـ نـورهِ
لك فـي قـلوب الـمـسـلـميـن مكانا

انـت الـذي عـزيـتـهــم ونـصـرتـهـم
وقـتــلـت حـلـم الـفـرس والإخوانا

ما فـيـه مـسـلـم ما يــحــب محمداً
نـسـل الـملـوك وقـائــد الـفـرسـانا

من خـلـفـهُ جـيشــاً إذا هـب النداء
قــالــوا نــعــم لــدار والـسـلـطـانا

من حربـهـم جـيـش الـغـزاة مزلزلاً
والـخــائــن اللـي بـعـهــدهِ خـوانا

جيشاًُ يـذود عـن الــبــلاد وشـعـبهِ
في الأرض ليثًُ فـي الـوغـا يحمانا

وفـي الســمـاء اصـقـورنا وسيوفنا
تمطر على جـيــوش الـعـداء بركانا

من الصخور قـلـوبهـم وعـزومـهـم
لم ترتـخـي اعزومــهــم لا إنـسـانا

كـم حاول الـمتـربـصـون ولـم يروا
الا جـــنـــوداً لــــنــصـــر عــنــوانا

الشاعر بشير العتيبي

[بشير العتيبي]

عـزاه يا يـمــه بـــرى حـالي الضيق
ومحدن سـوا الخلاق يعلم بحالي

استر حزوني عــن عيون المخاليق
وأضحك وانـا واللي خلقني لحالي

أبكي قهر من جرح وسط المعاليق
من طعنة اللي داخـل القلب غالي

صحيح انا صدري شبيه الصناديق
واقـول للــعــذال صــدري شمالي

واقـول راضـي بـ القـدر والتوافيق
مـن الله الــمـــعــبــود ذو الجلالي

لكن حـزنـي لـو رفعـته على طويق
خـلاه يــتــســاوى بـحـب الـرمـالي

يا يمه اللـي صـابني فوق ما اطيق
واليا شكيت لنـبـض قلبي شكى لي

أهداب عينه مـن دمـوعـه محاريق
ليت الـحـزن ما جـا وليفي وجا لي

اللي من أخــلاقـه اشوف المطاليق
يتسـابــقــوا لـوصــولــه أول وتالي

وانا ادري انـه ما يـبي من المخاليق
غيري وفــي باقـي البشـر ما يبالي

مير الـبـعـد مثـل السيوف المفاتيق
يـجـرح خـفـوقـي كل مـاهـو طرالي

ولا غير اســج الرجـل يــم الشواهيق
اخـاوي اللـــي فــوق هــام الجـبالي

واجــاوبــه لأمـن عـوى والـمـطـافيق
تـشـره على دمـعـاً مـن الشوق سالي

تـدري وش اللي يحرق القلب تحريق
ويـطـيـح لـه راعـي السمؤ والمعالي

الحب واللـي بـ الـحـزن ينشف الريق
الــــشــــوق للـقـا عشقي ورأس مالي

لـو الـولــه رجـــلاً نــخـيــت الـبـراريق
تـاخـذ بـ ثــاري بـ الـسـيـوف الصقالي

يـ الـغـالـيـه صـــــدري يـمـزقـه تمزيق
بعد الـحـبــيــب اللي على القلب والي

انــام واحــلـم فــي هـــوا البال وافيق
واتـخـايـلـه فـي الـبـيت يـطـلـع قبالي

أثـر الـخـيـال يـطـوق الـعـقـل تـطـويق
واللـي حـكـم قـلـبـي يـطـوق خـيـالي

حـتـى غدى لـي مـحزمـاً في الطواريق
ومـر الـبـعـد لـجلـه عـلـى الـروح حالي

ما اشوف غـيـره يـوم بـعـض العشاشيق
لا ذاق جــمـر الــشـــوق شــد الـرحـالي

واقـفـى يــلـفــق فـي عـشـيـره تـلافيق
ما ترضـي اللـي فـيـه زيـن الـخـصـالي

انا عــشـيـــري مـا يـــخــــون الـمـواثيق
والـبـعـد مـو بـ الـكيـف واللـي جـرالـي

جــرى لـه وقـلبـه لـسـجـن الـحـزن سيق
ومـن الــولــي مـا يــطــلــب الا وصـالي

يـمسـي عـيـونـه فـي دمـوعـه مـغـاريق
ســاهـر لـــعـــل تــشــوف عـيـنـه هـلالي

والــحــلـــم يـا يـمــاه يــحـتـاج تـحـقـيق
لـكـن عـسـا اللــي فــوق الأطـبـاق عـالي

اللــي عــلـى صــــدق الـمـحـبـه مخاليق
يــجـمـع شمـلـهـم بـعــد ســــــود الليالي

وتبرى الـقـلـوب اللـــي بـ دمـاهـا مغاريق
فـــي جــنــة الـوصــل الـعـظـيـم المثالي

الشاعر بشير العتيبي

[بشير العتيبي]

سلام لا اغلا الخلق فـ ابداية قصيدي والحروف
اللي كتبت اليوم بعـد الفجر في وصف الهنوف
حتى وانـا ما ودي أن الخلق في أبياتي تشوف
وصـف الهنوف اللي مايوجد فـ الخلايق مثلها

اكتب لها جـزل القـصـيـد اللي مايوجد له سعر
المـفردات إجــزال والمعنى زهــا فـيـه الشعر
لين العذول اللي نوى لي الحزن بأفراحي شعر
وامـسـى يجر الصوت ودموع العيون يهلها

تحسدني الـعـذال في حب الهنـوف الوافيه
اللي لـجـرحـي بـ الرسايل والمواصل شافيه
نـمـســي سـهــارا والخلايق مـن وزانا غافيه
أختار مـن جــزل البحور ارقـا الشعر وارسلها

ونـعـيـش بـ إجـوا مـاعرفـهـا عنتره يوم التقا
عبله بعـد حـزن المفارق والمـواجـع والشقا
شـيـهانـةٍ مــحــدن لـهـا قبلي ولا بـعـدي رقا
هـام الشموخ ودونـه ســيــوف الهلاك تسلها

رقيت لـن الشوق ثـار بـ داخـــل القلب وسطا
والحب يأهل الطيب ماهو بـ لا حرام ولا خطا
دامـه مايخرج عن حدود الدين والخافق عطا
عهد الـوفـا والصدق فــي دق الأمـــور وجلها

وانا أعلن الـبـيـعـه لـهـا في كل عـام وكــل يوم
بالـعـهد موثوقه وبـ أبـيـات القـصـايد والختوم
وامـوت وافـي للـعـهـود اللي قـطـعـة ولسلوم
اللـي هـل الـطـالات جــيــلاً بعد جـيـل اتجلها

فيها الشموخ اللي عجزت القاه في كل الشيوخ
الله خـلـق فـيـهـا الـحـلا والزين كــلــه الشموخ
واليا مـشـت قــدم الخلايق معظم العالم يدوخ
والـيـا صـحـى ما وده إلا أنـــه يـعـــيــش بظلها

مـكـمـلـه والــكــامـــل الله زيــن واخـــلاق وحلا
ما شـافـت عـــيـــونــي مــلاكــاً مثلها بين الملا
الله خـلـق بدرين واحـد فــي السـمـاء مير الغلا
فـي الأرض لـكـن بـ الــحــلا والـزيـن ما يوصلها

الله خـلـق بـ الـحــسـن فـيـهـا للـخـلايـق معجزه
أسـتـغـفـر الله مــيــــر زيـن الـحــور فـيـهـا تكنزه
ومع النساء فــي اسباقها بـ الحسن الاول تحرزه
فـي كـل عــام وكــل يــوم الــمـــركـــز الأول لها

ويـومـاً يــمــر بـدونـهـا يـســرق مـن اسنيني عمر
اونس وســط كـبـدي مـن اللـوعـه مثل حر الجمر
واسـهـر وعـيــنـي تـحـتـري شـــوف الثريا والقمر
فيهم تــشــوف العين خـصـلـه في غــلاتـي مثلها

حـبـيـتـها والــقــلـــب مــن بـــــد الـخـلايـق حبها
واليا تـعـبـت اتـرك عـــــلاج الـطــب واقصد طبها
ولا اطلب مــن الله ياكــود اقـضــي الحياة بـ قربها
بـشـوفـهـا حــتـــى الــحـــزون مــن الخفوق تزيلها

عـز الله انـهـا بـ الـغـلا ســــــوت فـ قـلـبـي سلطنه
واليا ازعلت بـيــن الـضــلــوع الـعـوج قلبي تطحنه
وتـعـذب اللــي بـ الـجــمــال وبـ الـخـصـايـل تفتنه
حـتـى غـــدت فــي نـاظــري تـسـوى الخلايق كلها

اغـلا مــن اللــي تـتــعـــب الـبــحـار الــى منه مشا
في بحر مــن صـغـره على أمــواجــه وبـ اخطاره نشأ
اما خــــذاهــا أو غـــــــــدى للـبـحـر وأمـواجـه عشا
وانا ورب الـــكــــــون ابــيــــع الــعــمــر كـلـه لجلها

الشاعر بشير العتيبي

[بشير العتيبي]

( بعض الصبايا )


يـالله يــا عـالـم جـمـيــع الخفايا
يا واحـــدن كــل الملا تحت ظله

في الضيق تلجا لك جميع البرايا
احدن لجا مـن هجر وافـراق خله

واحدن لجا من فـقـر واللي معايا
يـرجـاك مـن هـذا الـزمـن لا يذله

في هالزمان نشوف بعض الصبايا
اطلق من شيوخ العرب يشهد الله

يـوم الـشـيـوخ مـهـمـلـيـن الرعايا
بـعـض النسا تـزهـا الثقيل وتشله

واسـواد الأوجـه والـفـعـل والنوايا
عقب الـتـغـربـل بالــردى والمذله

تـامـر عـلــى رؤس القـروم الشوايا
والكـفـؤ مــحــدن فــي زمنا يجله

فـي هالزمـان اللــي كثير الخطايا
لــه مـنـزلاً فـوق الـجـبــال المطله

والـقـرم فــيــه الـوقـت سـوا سوايا
وفــي خـافـقـه بالحزن مليون عله

الـوقـت لــه يرمـي بـسـهـم المنايا
والـحـزن يــوجـد وســط قلبه محله

الله يــا وقــت الــفــخــر والـحـمـايا
لـيـت الــزمــان يـعـود للـخـلـف كله

ويبعث لنا اللي فـي المقابـر ضحايا
حـقـد وخـيــانـة واحـدن فـي سجله

هــزل الـفـعـايـل مـن جـمـيع النحايا
مــا عــنــده ســلــوم وشـهـامــه ومله

يـشـري حـشــوده بـالـذهـب والهدايا
وسيـفـه على أصـحـاب الفضيله يسله

وأرواحــنــا صـــــارت بــكــفــه سـبـايا
وفـي أيـديـه صـــــار حـال دقــه وجله

الشاعر بشير العتيبي

[عبدالله الصقري]

ألف صح لسانك اخوي بشير
و بيَّض الله وجهك على هالدر النفيس
دمت بكل خير و محبَّه
و الف مبروك الديوان و الله يوفقك
لك مني كل التقدير والاحترام

[بشير العتيبي]

للاذيكاء

انشدك عن شيئاً اليا غاب مفقود
في كل بيت وكل موطن تشوفه

طول السنه حاضر وزاهب وموجود
وما فيه يوماً بالعمل ما يطوفه

بشير العتيبي

[النجلاء]

صح لسانك يابشير
تصفحت واستمتعت بما خطه قلمك من ابداع
كنت هنا
النجلاء

[النجلاء]

للاذيكاء

انشدك عن شيئاً اليا غاب مفقود
في كل بيت وكل موطن تشوفه

طول السنه حاضر وزاهب وموجود
وما فيه يوماً بالعمل ما يطوفه

بشير العتيبي

اول رمعه ان شاء الله تصيب
اتوقع الكهرباء

[الجووهره]

صح لسانك بشير العتيبي
على القصآئد الجزله
والديوآن الرآئع
ويعطيك العافيه على اللغز
والحل
امممم ما ادري ههههه
ممكن مثل ماقالت نجوله
الكهرباء

[رحيل]

صح لسااانك بشير

ويمكن النت (:

[النجلاء]

وينكم يالرواسي نبي تشاركون بحل اللغز

[مهرة يام]

هلا يابشير وصح لسانك
يعطيك العافيه
اعتقد الكمبيوتر هههههههههههه

[الشامخه]

صح لسانك بشير،،
والله عجزت الاقي اجابه بشوف احد ،،
يغششني وارجع لكم:)

[الشامخه]

الهجري:)
أجابة امي وان شاءالله تكون صح.

[بشير العتيبي]

اول رمعه ان شاء الله تصيب
اتوقع الكهرباء



مالك لوا فيه بعض البيوت ما عندهم كهربا

[بشير العتيبي]

صح لسااانك بشير

ويمكن النت (:

مالك لوا بعض البيوت مافيها انترنت

[بشير العتيبي]

هلا يابشير وصح لسانك
يعطيك العافيه
اعتقد الكمبيوتر هههههههههههه

مالك لوا بعض البيوت ما عندهم الكمبيوتر ههههههه

[بشير العتيبي]

الهجري:)
أجابة امي وان شاءالله تكون صح.

ونعم منك ومن امك مير مالكم لوا

[بشير العتيبي]

صح لسانك بشير،،
والله عجزت الاقي اجابه بشوف احد ،،
يغششني وارجع لكم:)



هههههههههههه حل اللغز يكمن في شي يوجد في كل بيت وفيه مليار يخافون منه ورغم هذا يتواجد معهم ويتقربون منه

[بشير العتيبي]

حل اللغز النار

[بشير العتيبي]

شفـت الـوداع المصور في ملامحك
شـ اللي جـــرى يا فـضـا حبي وقاعه

حنـا اتـفـقـنـا تـصـارحني واصارحك
ولاعــاد لك في مـصــارحتي شجاعه

ارجوك قل وش جرى وانا باصالحك
لا يـخـدعـك كــــل غـــدار بـ قـنـاعه

وإن كان تبغا والـفـراق الله يسامحك
ودعـتـك الله ومــــعـــك قلبي وداعه

ماني لك مــخـاصــم ولاني بجارحك
دام الغلا يـجــلـي اجـروحك شعاعه

من وين ما الــد انـا بـ العـين لامحك
فـي صـحـوتـي في منامي كل ساعه

أن جـيـت مـاني على الفرقا بناصحك
غـيـر الـوصـل والله أن مـالـي طماعه

ابا أبـتسـم لك وأهلي بـك واصافحك
وافـتـح لك الـقـلـب قــدر الاستطاعه

وإن رحت مـاني مـن الهجران ذابحك
والقلب مـا أســدل على الفرقا شراعه

يا بـحـر مـوجــك ما يثني عزم سابحك
أصــارع أمــواجــــك بــعــزم وقـنـاعه

سـاعـه بـسـاعــه تـطـارحني واطارحك
وأفـوز واخــســر وقـلـبي الـشـوق لاعه

يا زيـن وقـتـن تـمــازحـنــي وامـازحك
ويا شـيـن وقــــت الـتـجـافي والقطاعه

الشاعر بشير العتيبي

[النجلاء]

صح الله لسانك شاعرنا
من جد حل اللغز ماكان متوقع خيرها بغيرها

وفي انتضار لغز جديد شاعرنا

[مهرة يام]

من جد ماتوقعت انها النار ههههههههههه
صح لسانك شاعرنا

[بشير العتيبي]

صح الله لسانك شاعرنا
من جد حل اللغز ماكان متوقع خيرها بغيرها

وفي انتضار لغز جديد شاعرنا

صحت انفاسك يالاميره ابشري ما طلبتي شي

[بشير العتيبي]

من جد ماتوقعت انها النار ههههههههههه
صح لسانك شاعرنا

دووووم هالضحكه وصحت انفاااااسك يالاميره خيرها بغيرها ربي يسعدك

[بشير العتيبي]

ياهموم الـقــلــب والـجـرح الخطير
شــاعــر الـعــشــاق طــالــت حيرته

كيف ابا افرح واطرب الجمع الغفير
والألـــم للــقــلــب اخـذ تـأشـيـرتـه

الطرب مـعيـار هـوجــاس الـكـثـيـر
وهـاجـسي حـــزن الـمـحـبـه عيرته

ولا يـفـرج كـربـتي كـــود الـعـشـيـر
والـوصـل حــظــي فـــرض تاخيرته

ليت لـي جـنـحـان تـرفـعـني واطير
لـيـن دار اللـــــي يــجــمــل ديـرته

فـيـه مـنـه جـيــت داخــل مستجير
مــن عـــذاب الـشــوق راجي جيرته

يشـتعل في الـصـدر من بعده سعير
والـدمـع فـــي الـعـيـن مـن تـأثيرته

يا حــيــاة الـــــروح يـ الــبـدر المنير
يـ الــولــيــف اللــي كـريـمـه سيرته

يـ الـعـشـيـر اللي بـحبـك ما استخير
لك هـــوا قـلــبــي الــفـريـد وغيرته

شـاعـرك مــن طـاح في سجنك أسير
يـا مـنــى قــلـــبــي وبـلـسـم ضيرته

للولـه وســط الـحــشـا صــوت وزفير
ضــاق فـيـني الـكـون مــــن تـزفـيـرته

صــرت اقضي الليل في بـعـدك سهير
أنــكـــســـر قـلـبي بـــعـــد تـجـبـيـرته

بـ الـمـواصـل تـجــــبــر القلب الكسير
والـسـهــر بـ الـــــوصـــــل تلعن خيرته

الشاعر بشير العتيبي

[بشير العتيبي]

يـ الهجوس اللي تـخـاويني وخلق الله انياما
شاعرك من طـنــخ راسـه شامخاً ما باح سده

وافين فعلي وجــاري ما يـخـاف ولا يضامى
يوم غـيري يفتك بجاره والى من جـاه صده

ما هويت الا الـحـــلال ولا شنيت الا الحراما
والـرفـيـق اللـــي رفـيـقـه مـا يبـيه ولا يوده

والله أن بـعــض الرفاقـه ما يجيب الا الملاما
مــن رداتـــه ودك ابـــلا سـعـر للـبـايـع اترده

مفــطـراً والناس مـــن خـلـفه وقدامه صياما
كل يـومـاً يـاكـل مــن افــلان لو ماهوب عنده

مثل تاجر فــوق مـالـه ياكـل احقوق اليتامى
اسـود مـن اللـيـل وجهه يا عسا الخالق يهده

جيلنا جـيـلـ ـن ضعيف بـكونـه يسود الظلاما
والـمـصـيـبـه كل واحــــد شايفاً محدن بقده

نـلعــن الـشـيـطـان ونـبــجـل شياطين الاناما
ننحني من خوف مــدري من ردى فينا نشده

ابـك حـنـا قــبــل نـســجـد لـردي كنا اعظاما
بـعـد كنا ويـــن صـرنــا نـنـحـني ونـبـوس يده

الـفـقـير يـطـيـح لـوه كـفـؤ وأفـعـالـه أجساما
نهضم احـقـوقــه وبـ الفزعه بـ ضيقه ما نمده

والـغـني دونـــه تـقـوم الـنـاس عاماً بعد عاما
تـحـتـمي دونــه ودايـــم في لـزومـه مستعده

والــزمــان اللــــي بـلانـا بـ الـمـقـاريـد للئاما
النشامـا فـيـه مـن راعـي الـهـزايـل مستضده

فيه صار الحر يسجد خوف من بطش الحماما
وايتباهى وايـتـفـاخـر فـي فـعـل ماضي لجده

والتـبـاهـي مـا عـطـالـه شـان مـرفـوع ومقاما
لو تـشـوفـه عـيـن جـده طـاح دمعه فوق خده

ما يـجـد لـه فـي الـزمـان الشين قدراً وحتراما
مـن حـنـا راسـه وهـزلـيـن الـفـعـايـــل تستبده

ولـو يـدور الـــوقــت مـن جده وربـعـه ما يراما
قـبـل كــل الــخــلـــق جـده ينبذه ويقوم ضده

يا زمــان اهــل الـشـجـاعـه والـمـيـامين الكراما
عن زمـنـا هـاجـسـي في الشعر سطر مستجده

من كثر مـا شـفـت بـ عيوني على الدنيا السلاما
والله أن الــمــوت اخـيـر مـن الحياه المستعبده

الشاعر بشير العتيبي

[بشير العتيبي]

انا يا حظي وقلبي مـــن الماضي غدينا إخوان
اليا اتـكــدر مـا يـشـكي لرخوم وسيئ السمعه

يخفي حـزنـه اللي مـا عرفـه بها الحياه إنسان
مثل ما أخفي اللي في خفوقي يشعل الشمعه

ولا زلـنـا نـســوق اعــزومـنـا بالـصبر والكتمان
مـدام الذيب الى مـنـه عوى لـذيـب ما سمعه

نحب افـلان ونـقــدر افــلان ولا نــخــون افلان
وعلى تـحـطـيـمــنـا تلقا فلول الناس مجتمعه

ياكم شفنا المواجـع والشقا والضيق والأحزان
ولا طحنا مـــدام الـصـبـر نجماً ما اختفا لمعه

تـعـودنـا عـلـى طـعــن الـرفـيـق وخيبة الخلان
وتـعـودنا على كـتــم الـجـروح ومسحة الدمعه

نعيش أيامنا بـ الصـبـر والحكمه وصمت السان
ولــو خـاب الـزمــان وفي رفـاقي خـابـت الرمعه

ابـد ما اطــيـح دام ان لي مقام ولي مكان وشأن
ولا لي غـيـر كـسـب الـطـايـلـه والـكـايده طمعه

الشاعر بشير العتيبي

[بشير العتيبي]

يا ثـقـل ليلاً فـيـه الــمــواجـع علي شنت
حـربـاً ضـروسـاً مـا بــيــن قلبي وشريانه

لين ارتكا الفكر واجراس بوح الشعر رنت
القاف مـحـبـوك والنظم موزون بـ الحانه

يا مل عينن مـن شـوف الاحباب مااتهنت
الناس تـــرقـــد والـعـيـن للـفـجـر سهرانه

ولدمـع الازرق فـي داخـل الموق ما كنت
تبــكــي عـلـى دار ما هـمـنـي كـود سكانه

ويا بـري روحـاً من بـعـد شان الزمن ونت
ونة سجيـنن قــضــا الـعـمـر وسط زنزانه

كـنـي غـريـبـاً لا ايــام فــي فـرحـتـه منت
حــده زمــانــه لا افــــــراق داره وخــلانه

والا يتيـماً فــــي ضــيــمـه ايــامــه اتعنت
لا دلـهـم اللـيـل يــمــطـر عـلـى الخد هتانه

لـو نـصــف حــــزنـــي زار البشر كلها جنت
فـي داخـل الـجــوف مـثـل البراكين نيرانه

قـد قــالــه اللــــي مـعـه الـبــشـر كلها غنت
اللــي بالابداع حــلــق ورفـــرف بجـنـحانه

بـيـتـن يـعـبـر عـن لــهـفــة الـروح لا اتمنت
تـحـقـيـق حـلـمـاً الــحــزن صــدع بجدرانه

واويـح نـفــســي لا ذكـــرت اوطـانها حنت
حـتـى ولـو هـــي فــي مطرح الخير رغبانه

الشاعر بشير العتيبي

[بشير العتيبي]

يا نبيل الصــفـات وياكريم الخصال
ليت للـعـشـق ديــن وللمحـبه رسول

نرسله لـتـواضـــع والـوفـا والوصال
وينبذ الـكـبـر ويـكـذب كـلام العذول

كـان خليت عنك الكبر فـي كـل حال
ولا تعذب خفوقن يرتجـيك الوصول

من عرفتك وقلبك مثـل صـم الجبال
كل ماجيت صـدك عن وصالك يحول

ما يهزك قـصـيـدي والـقـصـايد جزال
كل يوم اشتـكـي منك لطيفك واقول

راضـيـن بالـتــغـلـي والــدلــع والدلال
دام تبقا يا عـمـري في محيطي تجول

وكل ما جـيـت في بالـك تـدق اتصال
لو دقـيـقـه ولـو ودي اتـصـالـك يطول

الـرقـم فـي يديـنـك واتـصـالك محال
لـو يصـلـي الـيـهـود ويعـقلون الخبول

شاعرك عـايــش بحلم وطموح وخيال
كـنـي اللـي يـحــده عــن مـنـاه القفول

ذاق مـر اللــيــالــي بـعـد عــذب الزلال
غـربـلـه حـظـه الـعـاثـر وطيش العقول

واشهد ان الفرج لا قلت يا ابـن الحلال
يصهل الشوق في قلبي صهيل الخيول

لا تـطـول يا نــور الـعـيـن تـكـفـى تعال
والله ان احبي لوصلك واشيل الحمول

لجل عـهـدن قـطـعته لك يا رمز الجمال
ولايـخــون الــعــهــود الا قليل الاصول

ادمح اللـي مـضــا لعـيـون صعب المنال
واطـوي ادروب يـخــشـاها كبار الزحول

لـو تـصـد وتـهــاجــر مـن تـلال ال تلال
مـن خـفـوقــي غـلاك ومـنـزلك ما يزول

منزلك في محـيط الصدر باقصا الشمال
حاكماً تـحــكـم الـخــفـاق فـي كـل حول

الشاعر بشير العتيبي

[بشير العتيبي]

يا صاحبي احــذر عـذولي يغرك
تــراه والله مــا يــدور فــلاحـك

واحــذر تـبــدي للمـخـاليق سرك
ترى اقرب الخلان يكسر جناحك

واحذر اليا من دجت بحرك وبرك
تبخل على جــدك وتكرم امزاحك

ما كل مـن يـجــرحك يبغا يضرك
ولا كـل مـن يسعدك يبغا صلاحك

احدن لـمـجـدك بالنـصـايح يجرك
واحدن يـحـارب بالتسلي نجاحك

خلك جـبـل ريــح الـزمـن ما تفرك
ولا كل مخلوقن عـن المجد زاحك

وبها الـزمــان اللـي هـمـومـه تمرك
يمـكـن يـثـور فـيـك حتى سلاحك

الشاعر بشير العتيبي

[بشير العتيبي]

بديت باللـي بـسـمـه الـعـالـم اعلن
اللـي عــن الـعـالــم ومـالـه شغلني

هو اللي لـو الايـام بـالـجـود بخلن
عـطـاه قـبل اعـطـاة خلقه وصلني

واثني على اللي فيه الابيات تحلن
الــفــاتــن اللــي بـ الـتـغـلـي قتلني

حملـنـي احـمــالاً عـلـى المتن ثقلن
وعن الـبـشر من يوم شفته فصلني

ريماً اليا جـيـتـه عـن الوصل جفلن
لـيـتـه مـن الـشـوق المـسمى كفلني

اشـيـل مــن بـعـده وفــرقــاه حملن
هـد الـمــتــون وجـاع حزني وكلني

جاعت ذيــاب الشوق والقلب خبلن
لــدروبـهـا مــن دون حيله حـمـلـني

والله لـو اجــروح المـخـالـيـق دملن
ما يـنـدمـل جرحن طـبـيـبـه جهلني

اذبـل كمـا اورودن من الشمس ذبلن
وضـايـق ولا زال الـصـبـر يحـتـملني

اشوف ضـيـقـن مـا دخل قلب رجلن
شلته بـ قـلـبـي قـبل لا يـقـول شلني

وارضـي الـغـلا حـتـى لـو الغيد زعلن
ولا ابـغـا سـواه من الـخـلايق يصلني

ليت الـدروب لـشـوفـة الـشوق سهلن
بالـنـار مــا كـــان الــحــزون اشـعـلني

والا سـنيـن الـحـب بالــعـــفــو شملن
وبـقـلـبـه اللــي صـدنــي يــدخــلـنـي

مير الـسـنـيـن سـيوف بالحزن صقلن
عـقـب الـفرح بـ اهـمـوم بـقعـا ابتلني

عقبه عيوني من ضيا الشوف ضحلن
قـلـتـه لـطـيـفـه يــوم لاح وسـئـلـنـي

اقفا وحــبــه داخـل الــصــدر طـفـلن
وشـيـب وانـا ماخــنـت عـهـدي ولني

لـه بالـــهــــوا والــحــب فــيــاً وظـلن
لـو اللـيـالـــي بـ الــوصـــل يـبـخــلـني

صحـيـح من مده عـلـى الوصل عجلن
لــكــن لـــو الايـــام عـــنـــه جــلــنــي

ما ســمـتـه ولانــي عـــن الـعـهـد غفلن
يا لـيـت عـفـوه عـقـب صده شـمـلـنـي

انا اســـيــر وعــاشــق الاســـر فـعـلـن
حـتـى ولو لــمــواصــالــه مـا قـبـلـنـي

الله خـلـق حــبــه عـلــى الـقـلـب قفلن
واتـحـمـد اللـي فـي غـرامـه جـعـلـنـي

كـل الــمــزايـا الــطــيـــبــه فــيـه كملن
ويـمـوت واللـي فــــيـــه مـا يــهـزلـنـي

يا هــيــه لــولا خــــوفـــي تضيق لعلن
با اسـمـك ولك عـنـي الصحف يرسلني

لـكـن حـشـا مــانــي عــن الاسـم معلن
مـدام طــيــفــك بـعــد نـقـضـك فتلني

بـصـبـر لــو عـيـونـي مـن الـدمـع نحلن
وادعــي عـسـا مـنـك رسـالـه تـصـلـنـي

كـن الــدمـــوع بـمـحـجـر الـعـيـن يغلن
فاحــن بــعــد طـــال الــفــراق وغـلـني

الشاعر بشير العتيبي

[بشير العتيبي]

ازريـت فــي دنـــيـــاي واصغير السن
كـل مـا جـرحـنـي بالـجـفـى ماشفاني

سـفـنـه بمينا الـحب فـي القلب يرسن
وانا مــثـــل مـا كــنـت لا زلـت اعـاني

مـتــعــودن لـجـلـه على خرس الالسن
وهو الـحـقــيـقـه قـبـل غـيـره هجاني

ادوج تــــايــــه فـــيـــه الايـــام يقسن
واتـعـبـت فـي طـي الـفـيافي حصاني

الـكـون كـلـه صــار فـي شـكـل حبسن
با اسـبـاب مــنـــهــو بالـمـحـبـه رماني

في الليل له بـدرن وفي الصبح شمسن
وهــو الــظـــلام اللــي بـحـزنـه كساني

ان قـلـت انا تــايــه يـجـاوبـنـي احسن
والـمـشـكـلـه فـــــي حـــبــه الله بلاني

غــرســت حـبـه داخــل الـقـلـب غرسن
وسـحـبـت لـعـيـونـه عــلــى كل شـاني

لـكـن جــرحــنـــي جــرح والـيـا تحسن
يـرجـع ويـدبــل جــرحــي بـجـرح ثاني

الشاعر بشير العتيبي

[بشير العتيبي]

لا تـلـومـونـي يا ربـعـي واسمعون
من تـدخـل فـي حـيـاتي وش جنا

كود سهم الصمت ودمـوع الجفون
تــعــلــن افـراقن لـه الـقـلـب اعتنا

ازعــلــو والا الـعــنـوا والا اشتمون
ما عــلــي مــن حــب والا مـن شنا

حلمي اللي كـان مــات من الطعون
بين لـيـل ويـــــوم طــاح مـن العنا

لا تـزجـونـي بسـجـن مـن السجون
مـن حـجـار الــكــذب والـغـدر ابتنا

بـعـد مـا افـتــكـيــت مـنـه تعرفون
اني اكـــره وصــلــه وشــوفــه وانا

مـا هــرجــت لذا يـمـون وذا يـمـون
لـغـيـر رب الـــكـون راسـي ما انحنا

ما يـعـود اللـــي يـطـيـح من العيون
لـو يــعــود الـنـاس مــن عـقـب الفنا

اتــركـونــي دام عـنـدي من يـصـون
عـشـرتـي وان جـيت له شاش وطنا

بـعـد عـهـدي لـه حشا وشلون اخون
مـن يــخــون الـعـهــد ما شـاف الهنا

يا حـيـاة الــروح يا الـطـرف الحنون
جـعـل يــفــداك الــخـلايـق والـضـنـا

ما احــب الا انــت لـو مــهــمــا يكون
والله ان مـــالــي عـــن وصـــالك غنا

جـعـل غـيـرك في حـيـاتـي ما يجون
فـيـك قـلـبـي عـن هــوا الـغـيـد اغتنا

الشاعر بشير العتيبي

[بشير العتيبي]

ياهيه انا شـاعـر على الطيب مشهور
والله رفـــع بــيـن المـخـالـيـق شاني

شاعر جزل مـتـواضع ولا بي اقصور
ولا اصد عن من في المواقف دعاني

مـانـي بـ مـتـكــبـر ولانــي بـ مـغـرور
الله عـــلــــى درب الـتـواضـع هداني

سـويـت ما بـيـنـي وبـيـن الكبر سور
ومـن الـعـفـو شـيـد خـفـوقـي مباني

اجـامـل الــعــالــم واحـيـد عن الزور
وافـز فـي مــاقــف افـــلان الـفـلاني

واليا جـرحـنـي صاحبي قلت معذور
حـتـى لـــو انـــي مــن سبايبه اعاني

لـكـن الـيـا مــا صــار للــجــرح دكتور
قــدمـــت للــفــرقــا جــزيــل امتناني

الشاعر بشير العتيبي

[بشير العتيبي]

الـبـارحـه قـضـيـتـها حـيـل مـنـهـار
مـن طـاريـن حـد الكرى عن جفوني

وامسيت اغني من جزيلات الاشعار
اجـر صــوتــي بـيـن عـذب اللحوني

اتـذكـر الـمـاضـي ومكـشات الاخيار
الـرفـقـه اللـي بـ الـخـوي ما تخوني

كـنـا ســوا مـا بـيــن قـانـص وصقار
فـي ديـرتـن يا جــعـلـهـا مـا تـهـوني

ديــره لـهـا عـنـد المـــطـالـيـق مقدار
سـكـانـهـا مــن خـلـقـتـي يـعـرفـوني

يـسـودهـا ربــعــي هــل الـعـز والكار
اللي الـيـا شـان الـزمــن يـحـتـموني

اقـفـيت عـنــهـا والـحـزن للحشا سار
يا ليت ما اقـفــت عن دياري ضعوني

يا طير في وســـط الحشا شبت النار
ومــن الـحــزن ياطـير شـابت عيوني

عـايـش عـلـى ذكـــرى طولين الاشبار
اللي عـلـى طــول الـبـعـد يشـتـكـوني

وانـسـان مــن بـعـدي بـكـا ليل وانهار
كـنـه سـجـيـنـن عــذبــتـه السـجـوني

حبي نـبـت فــي خـافـقـه ورد وازهار
ودمـه نــهــر والــدمــع مـثـل المزوني

لـو فـي يـديـنـه لــي بـعـد غيبتي طار
انا اشــهــد انــه للــمــحــبــه يـصـوني

يـحـدنــي عــن شـوفته حـكـم الاقدار
جـسـرن مــبــــنـــا دون حلـمي ودوني

الـحـظ حــاكـــم والــقـدر جـيـش جبار
من دون شـوفــت غـايـتـي يـمـنـعـوني

الشاعر بشير العتيبي

[بشير العتيبي]

ليت المدين يـتـرك اللـي استدانوه
كان الوفي مـن مـنـة اللاش طيب

احدن خـلـق زيزوم والناس عانوه
والـيــوم ما كـنـه كـــريــم وحبيب

واحدن بني عمه من العيب صانوه
لو ايش لـو فـعـلـه هـزيـل ويشيب

مثل المرض حتى الاجـانب يعانوه
مـا ودك انـه مــن حــدودك قـريـب

الـعـام لـيـه الــنــاس بالعيب هانوه
محـشـوم يا وقـت بـزمـانـك نعيب

الـعـيـب شـيـئـن والـعـباد استعانوه
حـيـه وتــغــرز نـابـهـا فــي القريب

والـلاش ليت ان الـمـطـالـيـق دانوه
ما كـان ضعنا فـي الـزمـان الصعيب

لـكــن ولــو كــل الـخـلايـق يـدانـوه
انا اشــهـد انـي فـي فـراقـه مصيب

واكـبـر دلـيـل لـكــل ما قـلـت عانوه
بيتن على ما قــيـل جـرحـه عطيب

اللي زبـــن بـنـدر مـن الحـقد خانوه
ناســاً بـهـم ظــن الـعـتـيـبـي يخيب

ناس الـكـرم والـطـيـب والعز شانوه
احدن هـنـا مـوجــود واحدن مغيب

الشاعر بشير العتيبي

[بشير العتيبي]

يالله ياللـي ومـــرت العالم ان يعبدوك
لا تحرم العين من شوفة عيون الظبي

اللي غـلاها ما يـســمـح للعواذل تحوك
ثوب الـتـصــنـع ولا يجـهـله كود الغبي

احـبـها حــب شـعـب المـمـلـكـه للملوك
ما اذخر على شانها جهدي واهم اتعبي

وضحا حلاهـا قهر زيـن الحجاز وتبوك
فاقت على الــشـارقـه ودبي وابو ظبي

بالـزيـــن مثل السـعـوديه ولا به شكوك
خصله من اخصالها ترجح خصايل دبي

يا غـايـتـي ماجهلتك لـو هـلك يجهلوك
غـلاك زادي وعـشـقـك يـ الـغـلا مشربي

احبك اكثر مــن امـك وابـن امك وابوك
يا شـمـس ما غـاب نورن لك ولو تغربي

حكمك نفذ واعتلا قدرك بحسن السلوك
والـجـود والطيب شفته منك وانا صبي

الشاعر بشير العتيبي

[بشير العتيبي]

حي الـبـلاد اللـــي سـكـنـهـا الميامين
ويـخـصـنـي فـيـهـا مـن الناس واحد

غـلاه يــجــري فـي عــروق الشرايين
والله قبل خـلـقـه عـلــى القول شاهد

فيه الحجاز يشوش ماضي وهالحين
والله يـحـفـظه مــن بــلا كـل حـاسـد

الله عـطـاه الــمــلـح والـذوق والزين
والحـب لـه مـنـي على الطيب حاصد

ان قلـت شـامـــخ فـوق كـل المزايين
مـانـي بــكــذابــاً ولا احـــدن بجاحد

في وقـفـتـه تـهـجـــد بنات السلاطين
عــريــب ســــاس وللـمـزايـيـن ضاهد

وربـعـه هــل الـطـالــه كـعـام المعادين
تاريخـهم مــــن مـاضـي الوقت صاعد

ان جـيتهـم غـــازي يـجـونك شياطين
ولا ذمـهـم يا كــــود مـــن كــان حـاقد

الشاعر بشير العتيبي

[بشير العتيبي]

يا نو برقن مــع رعـد نجـد اتحد
لو تطلبين الـروح قلت الروح لك

يا اغلا والـذ مـن القرايب والولد
ومنومسة شايب بـ فعله جملك

بطنخ لجل عينك وبا اوقف واستعد
واطا على اللي في الخلايق يجهلك

والله ورب الكون ما يحـصـر عدد
حبي وعشقي لك ولا احب ابدلك

احـد احـد احــد احـد احـد احد
احبك اكـثـر مـا يـحـبـونـك هلك

مـن الـمهـد حـبـك ويوصل للحد
حبن على وضح النقا مخلوق لك

انتي السمؤ حتى عذولك ما جحد
وانا على قـول الـخـلايق كفؤ لك

يا شـبـه لـطـامـه مـنـومـسـة البلد
زيـنـك عـلـى كـل الـمـزايـن فضلك

حتى الـقـمـر لا شـافك بعينه هجد
وانا اشــهــد انـه بالحلا ما يوصلك

بشير العتيبي

[بشير العتيبي]

يا هـيـه لا يلـحــقـك شـكـاً ولا ريب
مانـي بـغــيـرك يـا حـــيــاتـي مبالي

مـالـي بـغـيـرك يا الامــيـره مطاليب
يفداك عـــمـــري والاهـل والـحـلالي

ماخنتك اقسم باسم من يعلم الغيب
بالحـب وابـيـات الـقـصـيـد وخيالي

على الـوفـا يا بــنـت الاجـواد مانيب
خــايـن وحـبـك فـي الحشا لا يزالي

لا ضاق قلبك زاد فــي راسي الشيب
والدمع من جفــنـي على الخد سالي

اي والله ابــكـــي والـبـكا ماهو بعيب
لا طــاح دمــع الـعـيـن لـعـيـون غالي

يا بنـت كـسـاب الـفـــخـر والمواجيب
شيخاً وتـمـدح بـــه شــيـوخ الرجالي

حـراً مـكـانـه فـــوق روس الـمـراقيب
راعـي الـجـزالـه والـسـطـر والـفـعـالي

زيـزوم مـا تـلـحــق فــعــالــه عذاريب
مـقـدام مـا يــخــشــا صـدوف الليالي

واخـوانـك اهـل العـز والجود والطيب
يـفـداهـم اصـحــاب الـسـمـؤ والمعالي

وقـت الـخـطـر ما يحـسبـو للاصاعيب
اصـغـرهـم اللـــي يــرتــكــي للـجـزالي

يعني مـقـامـك فــوق مـافـيـه تـكـذيب
مـن طيـب راس وطـيـب جـد وخوالي

واللـي وصــل لك يا بـعـد نـاظـري ذيب
مـا يــعــرض الــجـــزلـه بـسـوق الهزالي

وافــي وربـــي مـا دخــل قـلـبـي العيب
والــغــدر مــاهـــو يالــغــلا مـن خصالي

لا تـسـمـعـي لــهــروج صـفـر الـعـراقيب
دام ان مـكـانــك بــيــن الاضــلاع عـالي

واللـي بـكـيفـه تـشـرق الشـمس وتغيب
مـا غـيـرك اللـــي داخــــل الـقـلـب والي

ادري انـجـرحـتـي جـرح ما ظني يطيب
لـيـتـك تــشــوفــي يالــغــلا مــا جـرالي

ادمــوع عـيـنـي فــوق خـــدي مساكيب
وحــزونــي اكــبــر مـن جـمـيـع الجبالي

واللـــــي جــرى يا بنت عـكـف المخاليب
خــلا خــفـــوقـــي للــمــواجـــــع موالي

اسـتـقـبـل اجـــروح الـجـفـا بالـتـراحيب
مـن ضـيـقـك اللـــي هــد حـيـلـي وحالي

الـحـزن شــذب ســتــرة الـقـلـب تشذيب
لا تـحـسـبـيـنـي يا هـــــوا الـــروح سالي

الشاعر بشير العتيبي

[الجووهره]

ديوآن رآئع اكتمل فيه الابدآع
قصآئد جزله وأبيآت جميله
صح لسآنك ودآم ابدآعك