اشهد ان الشوق ما عنده مروه

[بشير العتيبي]

يا لطيف الروح يا جرحـي وبروه
بعد عام من الــتــوجد والرسايل

اجتمعنا مــن غــلا مـاهـوب توه
يشعل النيران فـي رؤس الفتايل

من قديم الـعـهـد في قلبي نموه
بالوفا في خـافـقـي والشك زايل

ماخلق حبك ضـعـيـف ولا مشوه
والله انه يـنـطــح امجـاد الحمايل

يا قـمـر يـشـرق على الدنيا بضوه
عن غـرامك والله أن ماني بـ عايل

يا هـــلا يا شـيـــخـة الزين وسموه
ومرحبا يا بـنــت كــسـاب الجزايل

اسفرت يا نسـمـة اللــيــل وهدوه
وانـــورت يا بـنـت ذربـيـن الفعايل

جيتـي مـن الشـوق ما جيتي بقوه
هيبتك تـخـضـع لـهـا روس القبايل

شاعرك فـي غـيبتك ما طاب جوه
خافـقـي دمعـه من الشريان سايل

ذاب قلبي مــن الـبـعـد والقلب لوه
صخر مــا يـقـوا وهـو للـحـزن شايل

اشهــد أن الـشــوق ما عـنـده مروه
منه شفـت الـحزن وصنوف الهوايل

مـيـر لـجـلك راضـي بـخـيـره وسوه
لـو يـوردنـي عـلـى حــد الـصـقـايل

انـطـح الـعـاذل لـجـل عـينـك وهوه
لا نـطـحـنـي مـا يـشـوف الا النكايل

واجـعـل اللـي يضـمر النا الشر جوه
يـنـحـنـي مـن خــوف وأيـامـه قلايل

يا عـيـون اللـي يـنومس في المخوه
مـن سـمـوه مـا يـصـيـد الا الـجـزايل

النساء تـحــت الـحـــلا وانـتـي علوه
فـارقـه بـ الــزيـــن عـن كـــل السلايل

الشاعر بشير العتيبي

[الجووهره]

الشاعر بشير العتيبي
أبدعت وأمتعت
قصيده جزله وأبيآت رآئعه
صح لسآنك مليون ولا يكفون
ويعطيك العافيه على هالرآئعه

[شيخـــة الغــيــد]

/
هالله الله قصيدة رائعة جزلة كايفة
و تستاهل شيخة الزين بنت ذربين الفعايل
صح منطوقك العذب شاعرنا ولاهنت
/
لقلبك الفرح يارب

[الخالدي]

يعـطيك العــآفية
ولآ عـدمنآ تميز انآملك الذهبية
دمت ودآم بحـر عطآئك بمآ يطرح متميزآ
بنتظآر القآدم بشووق

[محمد الغنامي]

الله الله
بشير العتيبي
صح لسانك مليون
نص عذب وجميل لا ابعد الحدود
سجل اعجابي وتقديري
ولك اجمل تحيه

[ملكة الرواسي]

صح لسانك ولا هنت شاعرنا
نص راقي برقيك

[الناقد/عبدالله الروقي]

بشير صح لسانك ودام هذا الحضور الرائع
إسهاب رائع رغم شح القافية لاهنت يالقرم!
ودي أنك شكلت هالشطر هكذا ليتضح للقراء:
ذاب قلبي مْــن الـبـِعِـد والقلب لوه

وتقبل تحيتي وتقديري،،،

[ناصر الهواوي]

صح لسانك يالعتيبي ولا فض فوك
رائعه بالحيل بالحيل
لاهنت وبيض الله وجهك

[مهرة يام]

صح لسانك يالعتيبي
قصيده جزله من شاعر جزل
يعطيك العافيه
تقديري لك

[رحيل]

الله الله الله
رائعة من شاعر رائع ولا تستغرب
صح لسانك حتى ترضى لا هنت

[النجلاء]

بشير العتيبي
صح الله لسانك مليون ولا يكفون
جزل ومبدع ورائع دائما
دمت ودام مداد قلمك ورقي حرفك الفاخر
تقديري لسموك
النجلاء

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي