أشـتـكي عـنِّـك

[عبدالله الصقري]

لا تــدسّ بـ قـلـبـك الـمغـــرم جـــروح
خــآيــف ٍ لا تـعـكـس بـوجهــك ظـلال

الـجَـمــآل مــرآيـــه لـ مـكـنـــون روح
لا تـكـسِّـــرهــــا من هْــمــوم ٍ ثــقــآل

خـلّـنـي عـنّــك و عــن قـلـبـك انـــوح
دآم للــوجـــدآن بـ عـيـــونــي مـنـــآل

أهـتـنـي بك جـرح يا فرحــه شحـوح
واحتـضـن غصنٍ من الأشـوآق مـآل

يكفي الـسِّـتـــر لـ أمـآنـينــا فـضـــوح
و الـصَّــرآحـــه ما لقت معـنــا مجـآل

عـآنــد الـكـتـمــآن يـا خـلِّـي و بُـــوح
دآم عَـلَّـقـت الـحقـــآيــق بـالـخـيـــــآل

يـا غـرور الـصَّـمـت يـا هــم ٍ يـلــوح
يا دقـيـقـــه عـمـرهـــا عَـشــرة ليــآل

يا ســـرآب ٍ لـو تـجَـنَّـى بـي سـمــوح
الـجـمـآلـــه شـوفـتــك قبـل ارتــحـــآل

لا انكسـرشـوقـي وغَـطَّآنـي وُضُــوح
مـا قــوى يـصـبــــر عـلـيّ الإحتمـــال

رُدّنـي في مـهجـــة الـنسـيـــآن روح
و انـزع التــذكـــآر من قـلـب ٍ و بــآل

مـ انت يا مـوج السـرائــر لي طـموح
وقـدّ مـا كـنـت بـ يـديـنـي لـي مـحـــال

أشـتـكي عـنِّـك و هـي فـيـك الجــروح
مـا أبـيـهــا تـعـكـس بـ وجـهِــك ظـلآل

[محمد الغنامي]

الله الله

عبدالله الصقري
صح لسانك واعتلا شانك
مبدع وجزل الله لايظرك
مروري وتقديري

[هزاع محمدالعاصمي]

الاخ والڜاعر...عبدالله
صح السانك على هذه القصيدة الجميله في معانيها
وبناءها وكنت جميل في ختيار الالفاض لحد كبير اسعدني المرور
من خلالها دام النبض والعطاء وكل الشكر

[رحيل]

الشاعر عبدالله محمّد الصقري
لاهنت
وصح لسانك الى مالا نهاية

[النجلاء]

الصقري
صح الله لسانك مدد بلا عدد شاعرنا
مبدع وجزل وشهادتي فيك مجروحه
دمت ودام مداد قلمك ورقي حرفك الفاخر
تقديري لسموك
النجلاء

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[الجووهره]

الشاعر عبد الله الصقري
قصيده جزله وابيات رائعه
صح لسآنك مليوون ولا يكفوون
ويعطيك العاافيه على هالراائعه

[ابوفارس]

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[الجوريه]

صح لسانك ملايين
نص جزل ورائع
يعطيك العافيه

[عاشق]

صح لسانك ويعطيك العافيه
نص جزل شاعرنا المبدع
تحياتي

[ملكة الرواسي]

لا هنت شاعرنا
عساك على القوة

[عبدالله الصقري]

سلمتم و دمتم جميعا

ويظل عبق حضوركم هو الأجمل دوما

لكم ودي و تقديري و جل احترامي