عيد بن بجاد بن شده
03-07-2018, 11:45 PM
يا رجم عطني عن مراعيك تقرير
عطني من اللي صار يارجم صوره
يارجم انا خابرك جوك عثامير
واهل الغنم يا رجم صعبٍ تزوره
واليوم فيك من الشواوي دواوير
يرعا بك الشاوي ويبني خدوره
قبل الشواوي يشترون الحناتير
نرعاك بالملحاء السناد الذعوره
طياحها يارجم قدم المقاهير
في خايعك وقت الشتاء والحروره
وان جا نهار الورد تبعدك بالسير
يركب بها الراعي وتبعد نشوره
يازينها لا صملت بالمعابير
تبى جباء عدٍ قليله نشوره
شرق الهضاب النايفات المزابير
العيلم اللي للجدود مخبوره
عيد بجاد بن شده
عطني من اللي صار يارجم صوره
يارجم انا خابرك جوك عثامير
واهل الغنم يا رجم صعبٍ تزوره
واليوم فيك من الشواوي دواوير
يرعا بك الشاوي ويبني خدوره
قبل الشواوي يشترون الحناتير
نرعاك بالملحاء السناد الذعوره
طياحها يارجم قدم المقاهير
في خايعك وقت الشتاء والحروره
وان جا نهار الورد تبعدك بالسير
يركب بها الراعي وتبعد نشوره
يازينها لا صملت بالمعابير
تبى جباء عدٍ قليله نشوره
شرق الهضاب النايفات المزابير
العيلم اللي للجدود مخبوره
عيد بجاد بن شده