في خاطري شي

[سلمى]

في خاطري شي ما يدري به إلا الله
عن ساير الناس كنيته ورا اضلاعي

لغير رب الخلايق ما أبدي الذله
شكوى لغيره حشا ماهي من اطباعي

لجأت لله بدق أمري وفي جله
وللبشر كلهم طقيت الاصباعي

يا قابل التوبه ويا غافر الزله
قلبي عليه الهموم أصناف وانواعي

اغفر ذنوبي وفرج همي وحله
يا قاضي الحاجه ويا سامع الداعي

ماعاد بي حيل أواجه وقتي العله
اشكي عليك الظروف وقل الاسناعي


#سلمى

[خيال مطير]

صح لسانك شاعرتنا . وبيض الله وجهك ,


تحياتي لشخصك
دمتِ بود ~

خيال ~

[هزاع محمدالعاصمي]

مافيك حيلة وصح كلك شكوى جميلة
الى الله وهو خير الناصرين والشكوى لغيره مذلة
بت في سعادة ولك كل الاعجاب والمتابعة أيها المتألقة ...اجمل وارق تحية

[محمد الغنامي]

الله الله
صح لسانك واعتلا شانك
مبدعه وجزله

لاهنتي

[ملكة الرواسي]

صح لسانك ولا هنتِ شاعرتنا
نص راقي برقيك

[النجلاء]

ياسلام عليك شاعرتنا
صح الله لسانك مدد بلا عدد
مبدعه وجزله ورائعه
دمتي ودام مداد قلمك ورقي حرفك الفاخر
تقديري لسموك
النجلاء

[عاشق]

صح لسانك ويعطيك العافيه
نص جزل شاعرتنا
تحياتي

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي