سامي المالكي

[نايف خويتم]

نص بمناسبة حفل زواج
''سامي المالكي''



..

يا سلام الله سلامٍ من هجوسٍ ما توانا
هب ريحٍ لا دعا الداعي مشمر عن يمينه..

فوق مهره تطوي الابداع في بيدٍ سمانا
في حشاها قلبها من خفها تسمع حنينه..

شاقها طلق الحجاج الذرب حكمة وتزانا
صافيٍ عرق الأصيلة ما تخالط مع هجينه..

ساميٍ في بيت عز ولا لحق بيتك هوانا
بالوفا والجود من جيلٍ لجيلٍ عامرينه..

والله أنك درع جنب ومحزمٍ مليان وانا
منك ويمينك وفنجال الهقاوي شاربينه..

والله إنا ما ذخرنا طيب ونّكرم لحانا
عن دروب ترخص الرجال وتقصر يدينه..

الف مبروك وعسى تطلق بك الفرحة عنانا
تبتهج صم الجبال وروسها قبل المدينه..

جعل يضحك لك جميل البخت يا ريف الزمانا
وتقبل الدنيا طرب وكفوفها سمن وسمينه..

جعل رب الكون مولانا القدير المستعانا
يحفظك ويتمم أفراحك دهر .. ويعز دينه..



*

[النجلاء]

صح الله لسانك يانايف
ومبروك للعريس والله يوفقه ان شاء الله
دمت ودام مداد قلمك ورقي حرفك الشامخ
تقديري لسموك
النجلاء

[مهرة يام]

يستاهل العريس والف مبرووك الله يوفقه
صح لسانك شاعرنا

مبدع وجزل ماشاء الله عليك
يعطيك العافيه على هالرائعه
تقبل مروري وتقديري

[ملكة الرواسي]

مبروك لهم
صح لسانك ولا هنت شاعرنا
عساك على القوة

[رحيل]

الشاعر
نايف خويتم
صح لسانك ملاييييين
ابداع متجدد وحضور مميز
لاهنت

[محمد الغنامي]

الله الله
نايف خويتم
صح لسانك مليون
الله يوفق العريس ويبارك له
سجل اعجابي وتقديري
ولك اجمل تحيه

[خيال مطير]

صح الله لسانك يانايف
ومبروك للعريس والله يوفقه ان شاء الله
دمت ودام مداد قلمك ورقي حرفك الشامخ
تقديري لسموك

[هزاع محمدالعاصمي]

صح السانك على الابيات المميزه والجميلة
شاعرنا والوفاء لصديق وضح من خلال ابياتك يستاهل
وانت كفوا دمت ودام نبض قلبك ولك اجمل تحية

[شيخـــة الغــيــد]

/

ماشاء الله زواج مبآرك إن شاء الله وعقبال الجميع


و

صح لســانك مليون شاعرنا الجـــزل ع جمال بيت القصيد
والوفاء أنتم له عنوان

أرق التحايا