عيد بن بجاد بن شده
27-06-2018, 05:34 AM
انا البارحه ما نمت مع هجعة العربان
حصل في لذيذ النوم يا مسندي منّه
تذكرت نقض الجزو لا حنّة الحيران
بعيد الموارد بالتويبع كواهنّه
تلون بشيبٍ من طوال الرقاب متان
سرن مع فجوج الرّيد والفرد تلنّه
على خمس وردن بعد ما نشفت الغدران
تحت راي شغمومٍ يقدي نصدهنّه
على طيّة المنهل يحاضيهن الديقان
قراريعهن بالبير خطرٍ يطشنّه
وتذكرت جو العد لا صك بالمقطان
وذكرت الضعون ولجة البوش مستنّه
على اول دخول القيض مع نزلت البدوان
على العيلم اللي حسك الاوبار يردنه
جنوب الهضاب الشم شرقي جبل نومان
قريبٍ من البكري عسى المزن يسقنّه
ذخاير من الشيبان ما باعه الديان
مواريث قومٍ جعل ماواهم الجنه
عيد بجاد بن شده
حصل في لذيذ النوم يا مسندي منّه
تذكرت نقض الجزو لا حنّة الحيران
بعيد الموارد بالتويبع كواهنّه
تلون بشيبٍ من طوال الرقاب متان
سرن مع فجوج الرّيد والفرد تلنّه
على خمس وردن بعد ما نشفت الغدران
تحت راي شغمومٍ يقدي نصدهنّه
على طيّة المنهل يحاضيهن الديقان
قراريعهن بالبير خطرٍ يطشنّه
وتذكرت جو العد لا صك بالمقطان
وذكرت الضعون ولجة البوش مستنّه
على اول دخول القيض مع نزلت البدوان
على العيلم اللي حسك الاوبار يردنه
جنوب الهضاب الشم شرقي جبل نومان
قريبٍ من البكري عسى المزن يسقنّه
ذخاير من الشيبان ما باعه الديان
مواريث قومٍ جعل ماواهم الجنه
عيد بجاد بن شده