حاولت انام ولا حصل لي منامي

[عيد بن بجاد بن شده]

حاولت انام ولا حصل لي منامي
كن النويفج في صبا العين يامنيف

الناس نامت يا حفيد الكرامي
وانا سوات اللي برا حاله الحيّف

فزيت من هفوة ردي الكلامي
وازريت اقاوم زايدات الغطاريف

همي شعا حالي ثلاثين عامي
مرٍ يهيد ومر يرعد كما الصيف

يرف في صدري رفيف القطامي
الراهي الوراد عجل المحاريف

خطو العديم الصيرمي الهمامي
كنه عقيدٍ بالوغى خضب السيف

عوق الخريش اللي غطاها العسامي
ينثر غلبها بالغباء والمشاريف

وعلى النبي صليت عد الغمامي
وعداد وبل المزن من ناوة الريف

عيد بجاد بن شده

[محمد الغنامي]

عيد بن شده
صح لسانك واعتلا شانك
مبدع وجزل شاعرنا
مروري وتقديري
لاهنت

[ملكة الرواسي]

نص راقي
لا هنت شاعرناااا

[خيال مطير]

صح لسانك وبيض الله وجهك

[النجلاء]

ابن شده
صح الله لسانك مدد بلا عدد شاعرنا
ابدعت وامتعت كما تعودنا من سموك الجزاله والابداع والحضور المميز
دمت ودام مداد قلمك ورقي حرفك الفاخر
تقديري لك
النجلاء

[عيد بن بجاد بن شده]

اسعدالله اوقاتكم بكل خير. وعافيه
وصحت ابداكم ملايين

[شيخـــة الغــيــد]

/

قصيدة جزلة ووافية
أبدعت فـ أمتعت شاعرنـــــــــآآ
صح الله لسانك مـــدد بلآ عـــــدد

ودي يسبق ردي

[عيد بن بجاد بن شده]

صح الله بدنك من كل شر
يـا شيخـة الغيد

[مهرة يام]

صح لسانك شاعرنا
مبدع وجزل ماشاء الله عليك
يعطيك العافيه على هالرائعه
تقبل مروري وتقديري

[رحيل]

الله الله
صح لسانك ملايين شاعرنا
لاهنت

[عيد بن بجاد بن شده]

لاهنتوا وصح الله ابدانكم