اسم .. وعلامه !!

[سامي الغنامي]

تقبّلوها .. كما هي 🌹


ياكافلً رزق اليتاما .. المساكين
حنى بدونك .. مانعرف استقامه

انت العظيم .. وحامي المستجيرين
هامتك مايعلو لها .. اي هامه

نعيش بك دايم على العسر والليّن
ونردد .. اسمك بين اذان واقامه

من جنّب اذكارك .. تنحّى عن الدين
ومن يتبع .. لـ غيرك جنى للندامه

والعمر ماهو في يدين المصلّين
والرزق .. ماهو في يدين الهلامه

هذا الصحيح .. وقولي اللي تقولين
ياحلوق .. خلقاً كلبوها ملامه

عشنا عزاز ولا طردنا .. المقفيّن
تبقى .. كرامتنا بعزّ .. وكرامه

ي ام الجمال اليوسفي رددي لين
تنوح .. لك فوق الغصون الحمامه

من يخلط هروجه على الزين والشين
ندفن هواه .. بقاع سبعين قامه

لاتحسبين .. انك لا قلتي تتـمشـين
بيموت قلبي .. من سبايب غرامه

لا والله الا يمكن اوضاعي .. تزين
وترجع .. لوجـهي بسمته والوسامه

روحي .. وشوفي فـ الحبايب ( وبعدين )
يمكن .. يجي من يحمل اسم وعلامه

ويمكن يجي لك يوم وقته تقولين
ماشفت مثله .. من لبس لـ العمامه

بتعلّمك فرقاي فرقا المحبين
وشوق المحب اللي غشاك اهتمامه

مير الوكاد اذا صملتي تغيبين
غيبي .. ومنيّ رافقتك السلامه

[نايف خويتم]

صح لسانك يا سامي نص سامي بمعنها تقديري

[محمد الغنامي]

الله الله
سامي الغنامي
اولا اهلا وسهلا بك وعوداً حميداً شاعرنا
ثانياً صح لسانك مليون ولا يسدون
نص جميل وعذب لا ابعد الحدود
سجل اعجابي وتقديري
يسبقه ختم التميز

[هزاع محمدالعاصمي]

ياسلام الله عليك
نص في قمة الروعة والجمال متميز في معانية
وبناءة لايصدر إلا من شاعر مميز شرواك حقيقة سعدت
من خلال مروري من هنا صح السانك ملاين شاعرنا الجميل
اجمل وارق تحيه

[ملكة الرواسي]

صح لسانك ولا هنتِ شاعرتنا
نص جميل ومتميز

[محمد الـفراج]

الله الله
صح لسانكـ
مليوووون ولا يكفوووون
مبدع يا سامي
وشهادتي فيكـ مجروحه

[سامي الغنامي]

صح لسانك يا سامي نص سامي بمعنها تقديري


ارحب يابن خويتم ..

صح بدنك .. ومرحبا بك

وشهاده منك ومن شرواك .. تعني الشيء الكثيير


لاهنت ي بعدي ..

[سامي الغنامي]

الله الله
سامي الغنامي
اولا اهلا وسهلا بك وعوداً حميداً شاعرنا
ثانياً صح لسانك مليون ولا يسدون
نص جميل وعذب لا ابعد الحدود
سجل اعجابي وتقديري
يسبقه ختم التميز


البقى يابو هلا ..

صديقي العزيز محمد الغنامي ..

حضورك فخم كعادته .. في صفحاتي المتواضعه

وصح الله بدنك .. كثر مايسعدني تواجدك هنا


كل الشكر لك ..

ولاهنت ..

[سامي الغنامي]

ياسلام الله عليك
نص في قمة الروعة والجمال متميز في معانية
وبناءة لايصدر إلا من شاعر مميز شرواك حقية سعدت
من خلال مروري من هنا صح السانك ملاين شاعرنا الجميل
اجمل وارق تحيه

مرحبا بك يابو محمّد .. تراحيب المطر

وصح الله بدنك .. يالمبدع الخلوق

تواجدك .. بحد ذاته اضافه كبيره للقصيده

وما انا .. الا احد تلاميذك المبتدئين

لاهنت يابو محمد لاهنت ..

[سامي الغنامي]

صح لسانك ولا هنتِ شاعرتنا
نص جميل ومتميز

صح بدنك .. ونسخ المشاركات ولصقها يجيب المطمّه 😂

[سامي الغنامي]

الله الله
صح لسانكـ
مليوووون ولا يكفوووون
مبدع يا سامي
وشهادتي فيكـ مجروحه

ارحب يابو فيصل ..

وصح بدنك .. كثر مالك من معزّه عند اخوك

ومانجي في الابداع الا من بعدك طال عمرك ..

كل الشكر .. لك

ولاهنت .. يابو فيصل

[الجووهره]

قصيده جزله

وابيات رائعه بمعنى الكلمه

صح لسآنك مليوون ولا يكفوون

ويعطيك العآفيه على هالرآئعه

[النجلاء]

الله الله
ياسلام عليك وصح الله لسانك مدد بلا عدد
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك
تقديري لسموك
النجلاء