النار

[سلمى]

‏

ترجمت أحاسيسي بــوزنٍ وقافيـــه=بأسباب دنياً يكفـي اللـــه شرّهـــا
صارت لحلو النــوم عيني مجافيـــه=له مده امن الوقت ما عـــاد مَرّهــا
ودمعتي ماهي على الناس خافيـــه=لاجيت بنكرهـــا عيونـــي تقرِّهـــا
وعباية الضيقه على الصـدر ضافيــه=والهاجس اسرف في حياتي وضرّهـا
معي نوايــا الوقت ماهيب صافيـــه=بيده عقب كــأس الحلا ذقت مُرّهـــا
وحالي من همومٍ على القلب لافيــه=يغيض ربعــي والعــواذل يسرّهـــا
والناس لاموني يقولـــون كافيــــه=ليـــال حزنـي ذيــك لا درّ درّهــــا
وآن الأوان أنسى والأيــام شافيـــه=لجروحي اللي بالضمايـــر مقرّهـــا
ومن لا توطى النار بالرجـل حافيـــه=يجهل لظاها ليـن يـــُونس بحرّهـــا

‏
الشاعره سلمى

[محمد الغنامي]

الله الله
سلمى القرني
صح لسانك مليون يالجزله
مبدعه مبدعه لا ابعد الحدود
اعجابي يسبقه تقديري

[محمد الـفراج]

سلمى القرني
صح لسانكـ
قصيده جزله ولاهي غريبه عليكـ
دام وجودكـ

[ريم الفلا]

مبدعة ياسلمى صح لسانك غاليتي

[النجلاء]

سلمى القرني
صح الله لسانك مدد بلا عدد
ابدعتي وامتعتي كما تعودنا من سموك الابداع والامتاع وفخامة الحضور
دمتي ودام مداد قلمك ورقي حرفك الشامخ
تقديري لكِ
النجلاء

[خيال مطير]

صح لسانك سلمى .

[شاعرة نجد]

صح لسانك يـ سلمى
وتسلمين وتدومين على هـ الدرر العذبه والحضور

ودي وتقديري,’’

[رحيل]

الله الله
سلمى كعادتك لا يآتي منكِ الا كل إبداع
صح لسااانك شاعرتنا ودام تواجدك

[ملكة الرواسي]

نص راقي
لا هنت وعساك على القوة