الجني ابو طربوش

[بعيد المراميس]

في يوم من الايام انشدت قائلآ :

البارح شفت اليه جني
,,,,,,,,,,,,,,,,, فالحوش وروعني راعه


لابسله طربوشن بني
,,,,,,,,,,,,,,,, ويقبس لـــي بالولاعـــه


قال اسمعني واقرب مني
,,,,,,,,,,,,,,,, وقت لي ياخوك الساعه


قلت ابشر لاكن علمني
,,,,,,,,,,,,,,, وش جابك من سابع قاعه


قال انته فالليل تغني
,,,,,,,,,,,,,,, ويطرب لك قلبي واسماعه


واوحي قافك يوم يدني
,,,,,,,,,,,,,,, وفوادي غـــــادن قرقاعه


قلت ان كانك شاعر فني
,,,,,,,,,,,,,,,, قوم اقرح والصاع بصاعه


قال الوقفه على اني
,,,,,,,,,,,,,,, والثانــــي ميقافـــــه آعــه


قلت الوقفه ماتشحني
,,,,,,,,,,,,,,,,ابعد رمسي مع مرماعه


قال السلام بلا مني
,,,,,,,,,,,,,,,,, انسيّن مافيك طماعــــــه


ويش اللي لاجيته طني
,,,,,,,,,,,,,,,,, كراعــــه ياطيب كراعـــه<<<<<<< لغز


قلت ارحب واسلم لاكني
,,,,,,,,,,,,,,,,,,ماعلن لك سمع ولاطاعه


والغيزك والله ياضني
,,,,,,,,,,,,,,,,,,,جربوع (ن) ماله فزاعه


قال الرعّاد اليا حني
,,,,,,,,,,,,,,,,,,والغربي نسنس ذعذاعه


وجبت الهيل وجبت البني
,,,,,,,,,,,,,,,,,, وش ينقص يابعيد بضاعه


قلت انته جني جنني
,,,,,,,,,,,,,,,,,,, ذكـــّـرت القلب بمرباعه


ينقص هاذي( رده عني)
,,,,,,,,,,,,,,,,,,,, خوة نشـــــــامآ بتاعه


قال ابا اسري واستاذني
,,,,,,,,,,,,,,,,,,, صح لسانك دوك الساعه<<<<< الظاهر انها الجائزه:biggrin:

[محمد الغنامي]

ههههههههههههههه بعيد المراميس
صح لسانك مليون يالجزل
هذي من زمان وانا ادورها والله ههههه
ذكرتني باللي يقول البارحه ليل شيطاني جني على راس جنيه هههههههه

[الجووهره]

بعيد المرآميس

صح لسآنك وصح لسآن الجني ههههههههه

ويعطيك العافيه

[ملكة الرواسي]

ههههههههههه صح لسانك ولا هنت
الله يسعدك شاعرنااااااااااااا

[محمد الـفراج]

ههههههههههههههه

يا سلام يا بعيد المراميس
صح لسانكـ
مليوووون ولا يكفووووون
ولله انكـ مبدع
والجني ماله حيله في قصيدكـ يوم يطربله ههههه

[النجلاء]

هههههه
صح الله لسانك ملايين
وصح لسان ابو طربوش كلكم مبدعين ههههه
تقديري لسموك
النجلاء

[مهرة يام]

الله الله ابداع
صح لسانك ملايين
قصيده جزله وفخمه
يعطيك العافيه