عبدالله الدّنّيش
08-02-2018, 02:45 AM
أسعد الله تواصلكم وإتصالاتكم
تواصلا مع تاج القصيد .. وإستكمالا لسجن القوافي
سميتها : ( برج الهواوي )
^^
مدري عتابي على البرج الهوائي ما به إرسال = وإلا على حِلتي في واديٍ يمنع رسيله
أحيان يرسل شعاع الذبذبة ع الفل والعال = وأحيان يخفت سناه وينطفي ضو الفتيله
يشوشني في إتصاله وأفتح الشاشة في الحال = ويلوعني في إنفصاله لا حصل فيه الفشيله
يلعب في أعصاب هاجوسي بترداده ومازال = يردى خواطر هجوسي بالتردد كل ليله
شكيت حاله على راع الهوى وأرسلت مرسال= وقلت يا راعي البرج الهواوي شد حيله
سنين طافت وهذا الحال مثله يشبه الحال = حتى الشكاوي شكت من حملها مما تشيله
وقال صبرك ترى الفني يراقبها بجوال = حدّد مكانك وحدّث موقعك وأرسل دليله
وقلت يا راعي الفن الهواوي هات موال = يا كثر ما مال رأسي من هوى ذات الجديله
أشبّهك في مواويلك بما يخطر على البال= كنّك تلقّنت حَبْك الفن من قاف الجزيله
اللي تحَوْبِك قوافيها بشعرٍ مثل شلاّل = واللي تصبه كما المدرار من صدر المخيله
واللي يلاعب خيالي طيفها بالشمس وظْلال = في خدها شمس والحرقة من رْموشٍ ظليله
من حرفنتها شدَت وحروفها بالشين والدال = شدّت شطور الغزل في بيت ياليتي نزيله
وليا تحرك صداها حرّكت في القلب زلزال = ترجف عروقه وسيف الشعر تسمع له صليله
أحارب أبراج ترمي بالهوى والحب قتّال = والذبذبة في تردد حبها .. وأنا قتيله
^_^
وسلامتكم
تواصلا مع تاج القصيد .. وإستكمالا لسجن القوافي
سميتها : ( برج الهواوي )
^^
مدري عتابي على البرج الهوائي ما به إرسال = وإلا على حِلتي في واديٍ يمنع رسيله
أحيان يرسل شعاع الذبذبة ع الفل والعال = وأحيان يخفت سناه وينطفي ضو الفتيله
يشوشني في إتصاله وأفتح الشاشة في الحال = ويلوعني في إنفصاله لا حصل فيه الفشيله
يلعب في أعصاب هاجوسي بترداده ومازال = يردى خواطر هجوسي بالتردد كل ليله
شكيت حاله على راع الهوى وأرسلت مرسال= وقلت يا راعي البرج الهواوي شد حيله
سنين طافت وهذا الحال مثله يشبه الحال = حتى الشكاوي شكت من حملها مما تشيله
وقال صبرك ترى الفني يراقبها بجوال = حدّد مكانك وحدّث موقعك وأرسل دليله
وقلت يا راعي الفن الهواوي هات موال = يا كثر ما مال رأسي من هوى ذات الجديله
أشبّهك في مواويلك بما يخطر على البال= كنّك تلقّنت حَبْك الفن من قاف الجزيله
اللي تحَوْبِك قوافيها بشعرٍ مثل شلاّل = واللي تصبه كما المدرار من صدر المخيله
واللي يلاعب خيالي طيفها بالشمس وظْلال = في خدها شمس والحرقة من رْموشٍ ظليله
من حرفنتها شدَت وحروفها بالشين والدال = شدّت شطور الغزل في بيت ياليتي نزيله
وليا تحرك صداها حرّكت في القلب زلزال = ترجف عروقه وسيف الشعر تسمع له صليله
أحارب أبراج ترمي بالهوى والحب قتّال = والذبذبة في تردد حبها .. وأنا قتيله
^_^
وسلامتكم