البارحه معزوم في حفلة الجنّ

[عيد بن بجاد بن شده]

البارحه معزوم في حفلة الجنّ
في عرس ابن دفنان والعامريّه

قالوا تفضل يابن شده وقم غنّ
العب على المسحوب والسامريه

اسمع شواعير بالانغام ترطنّ
لبّاسة الديباج والقرمزيّه

قلت آه ياويلاه ياسادة الفنّ
على زمان فات ياحي حيّه

وقتٍ مضى لي عبقره بالطرب خنّ
خنت نباتٍ. علّته عقربيّه

ثم غطرفت رعبوبةٍ صوتها رنّ
قامت تكوسر باللحون الشجيّه

تضبط قوانين المثايل وتازنّ
من هاجسٍ يهدي جميل التحيّه

تحكي نواعسها وترمز وتحجنّ
بنت الجنون اللي سوات العبيّه

والعنق عنق مذيرٍ. بالخشر كنّ
لاعه لهيب القيض بالمهمهيّه

والردف شط اللي بعد ما رقد حنّ
بقران خامس بالديار العذيّه

ديدن لحنزابٍ من الكوم ديدنّ
بين الجثوم وبين هضبة طميّه

في خايعٍ فيه ام سالم تلحنّ
واللي مشى في رونقه ياهنيّه

وحان السوال اللي تواليه تشطنّ
وانا اعرف النبراس والخرمسيّه

والفكر توجد به ترانيم تشحنّ
تشحن وتفحم خايبين السجيّه

واسترسل المندوب بالزيف دشنّ
ياعزتي له من وهاد الحنيّه

واخذت لي فنجال من حاني البنّ
وكرمت يارمز الكرم والحميّه

وفزيت من حلمٍ غريبٍ مهجنّ
على ثلاث بنود ما فيه زيّه

وسالت شيخٍ بالحضاره تمدنّ
عن حلمي المزعج مع الراعبيّه

عيد بجاد بن شده

[رحيل]

الصمت في في حضرة هالرائعة من جمال

ابداع منقطع النظير
صح لسانك بقدر ما فيها من ابداع

[ريم الفلا]

مبدع واكثر شاعرنا وصح لسانك

[محمد الغنامي]

الله الله
عيد بن شده
كلمة مبدع قليله بحقك
صح لسانك ياشاعرنا الجزل
مروري يسبقه اعجابي وتقديري
ولك اجمل وارق تحيه
لاهنت

[ناصر الهواوي]

صح لسانك يابو فهد على هالجزاله وهالحفله مع الجن والحلوم تحتاج تاني بالقراءه
لاهنت وبيض الله وجهك

[شاعرة نجد]

صح لسانك يـ الشاعر
ولاهنت على هـ الفااخرهـ والابدااع

تقديري,’’

[عيد بن بجاد بن شده]

الاخ الكرام الله يمسيكم بالخير
ويسعد اوقاتكم بكل خير

لاهنتوا وصحت ابدانكم

[ملكة الرواسي]

الله عليك شاعرنا
نص راااقي كعادتك لا هنت

[عيد بن بجاد بن شده]

حياك الله في متصفحي
اختي الملكه وصح بدنك

[الجووهره]

الشاعر القدير عيد بن شده

صح لسآنك مليوون ولا يكفوون

ويعطيك العآآآفيه على هالرآآآئعه

[عيد بن بجاد بن شده]

الاخت الجوهره
صح الله بدنك
من كل شر

[مهرة يام]

صح لسانك يالجزل
نص جزل وجميل
يعطيك الف عافيه

[عيد بن بجاد بن شده]

يعطيك العافيه يا مهرة يام وصح بدنك