نبي منك جزلات المصادر يابن فرناس

[عيد بن بجاد بن شده]

نبي منك جزلات المصادر يابن فرناس
عن اللي على كبد الهبايب مناهجها

تغرد مع افكارك وتسبح مع النسناس
عليك الله اكبر كيف الافكار تزعجها

لكن انشد الطواش عن بنت ابن جساس
لميع السيوف الصلت في وسط مفلجها

لميع السيوف اللي تشيل الحنك والراس
تمرجح بها الغيداء وشرواك يدرجها

طبيب العياده يشلع الناب والاضراس
لكن النفوس الساذجه من يعالجها

يوسوس بها الشيطان ويخنزب الخناس
وحنا عرفنا الشهب واللي يروجها

لنا في كنوز المعرفه ندّرٍ دراس
يتوه الغشيم اللي ينقد مناهجها

نطوع بنات الريح وان طوع العرماس
عليها نشد الكور والخيل نسرجها

نبوج الفياف الشاسعه دون هم و يأس
ونجيد السرى بالبيد والرب يفرجها

عرفنا سباع البر والقندس الغطاس
وعرفنا قناة تيوب واللي يبرمجها

ياشين القطاء والبوم في ماكر القرناس
خساره على وكر الصوارم تحدرجها

تموت العناكب جوع ببيوتها خناس
بيوت الهوان اللي ضعيفه مخارجها

وتحيد الفهود اليا زجر هَيْصَرٍ عِفْرَاس
يزنجر مع الريبال خارج بوارجها

فهود الزراج الضاريه في دجاء الخرماس
لها ضربةٍ بالكف تعرف نتايجها

عيد بجاد بن شده

[محمد الغنامي]

الله الله
بن شده صح لسانك لين ترضى
نص جميل لا ابعد الحدود
سجل مروري واعجابي
ولك اجمل تحيه

[عيد بن بجاد بن شده]

صح بدنك يا محمد الغنامي

[الجوريه]

صح لسانك شاعرنا
جزاله وابداع وفخامه
لاهنت ودمت
تحياتي

[رحيل]

الله الله
صح لسانك مليوووون على هالجميله

[ريم الفلا]

حياك الله وصح لسانك شاعرنا بن شدة

[ناصر الهواوي]

كايفه ونايفه يابو فهد
صح الله لسانك ولاهان لااسك وبيض الله وجهك
تحياتي وتقديري

[عيد بن بجاد بن شده]

الاخوه الكرام لاهنتوا وصحت ابدانكم

[ملكة الرواسي]

صح لسانك ولا هنت شاعرنا
نص راقي

[محمد الـفراج]

صح لسانكـ
مليوووون ولا يكفووون
قصيده جزله
وحياكـ الله يا عيد

[عيد بن بجاد بن شده]

لاهنتوا وصح الله ابدانكم من كل شر

[مهرة يام]

صح لسانك ملايين
ابيات جزله ورائعه
يعطيك العافيه

[عيد بن بجاد بن شده]

الخت مهرة يام
لاهنتي وصح الله بدنك
من كل شر وشكراً لك