صوره شاعريه [الأرشيف] - شبكة رواسي نجد الأدبية

خيال مطير

22-01-2018, 04:08 PM

صور شاعرية

http://www.alriyadh.com/media/thumb/bb/7b/750_f899d69377.jpg

هاجس من الماضي حداني على الدار
ذكرى لنا فيها وِحنّا عْيالي
وشوقي على ديرة هَلِي سِر وجْهار
منقوشة الحنّا في صفحة خيالي
دارٍ تلاوت به صواديف الأقدار
في ليلها يبرق بعيد الخيالي
أطلالها تحكي لنا عذب الأشعار
ونبغى نِدوّر في الشفق للهلالي
وريّح وريّحنا بعد طول مشوار
واطلق ركايب شعرنا في المفالي
ومَد النظر معيه على فصمة الجار
وشِب الهشيم وخل ناره تلالي
في ديرةٍ كانت منازل للأخيار
ذولي بني عمّ ٍ وذولي خوالي
ربعٍ لهم وقفه مع الضيف والجار
عشّاقة الكايد في عسر اللّيالي
واليوم مامنهم على الدار ديّار
راحوا هبا منثور شرقُ وْشمالي

شعر - معتق الشماسي

.................................

http://www.alriyadh.com/media/article/2007/03/08/img/083643.jpg

حمام يا اللّي على مرقاب
ذا النوح يا شين وش بابه
يا الورق ليتك تسد الباب
ليتك ترى ويش حنّا به!
ذاك الطرب قميري غاب
صرف النيادار دولابه
تدرِّ ياورق راسي شاب
كلّه من الغي وأسبابه
يا زيد راعي الهوى لو تاب
مشطون قلبه مع أحبابه
يا زيد شوقي نزيه ثياب
أموت يازيد واحّيا به

,,,,,,,,,,,,,,,,,,

http://www.alriyadh.com/media/article/2012/04/12/img/202362721866.jpg

إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي..صوابه
والشوك ينبت بين جفنين وأهداب
تعبت أمنّي الأسئلة بالإجابه
وأنظر شروق الشمس والشمس بغياب

شعر/طلال الرشيد

...............................

http://www.alriyadh.com/media/thumb/11/15/750_2422303dc1.jpg

الشمس غابت وأقبل الليل بسكون
والنفس ضاقت من لهايب شقاها
زادت غرابيل الزمن.. يالله العون
وضاق الحشا من جورها في مداها
في داخله حزن ٍ.. ثقيل ٍومكنون
وفي داخله.. لوعات هم.. لواها
كنّه غريق ٍ في بحور.. بلا عون
وش حيلة الغرقان من كثر.. ماها
يضحك وقلبه بين الأضلاع مطعون
ويخفي طعونه عن عيون ٍ لفاها
يضحك وهو من جور الأيام مغبون
ويكتم عن الأحباب نارٍ لضاها
يمشي على كف القدر وين ما يكون
ويصبر على المكتوب لامن عناها
ويصبر على ضيمات الأيام بالهون
وعزي لحاله من هموم ٍلقاها

............

http://www.alriyadh.com/media/article/2011/07/16/img/119412255505.jpg

يا ضلع جعل الغيث يسقيك نوّه
من مزنةٍ غرّا مطرها رهاوه
ضلعٍ إليا زاد الدهر زاد قوّه
ما جاه من طول الليالي رخاوه
ضلعٍ غليا سِقت القدم في علوّه
جلست لي في مجلسٍ له طراوه
عقب البطا شوفة فياضه.. وجوّه
يبعد عن القلب الشقي الشقاوه

أنــتـقاء خـــــيال مطير ~

الجووهره

22-01-2018, 07:05 PM

قصائد رآئعه

يعطيك العآفيه على الانتقآء الرآئع

وتسلم يمينك ويسلم ذوقك الرآقي

ملكة الرواسي

23-01-2018, 03:11 PM

أنتقاء ولا اروع خيال لا هنت

محمد الغنامي

24-01-2018, 12:38 PM

خيال مطير
تسلم ايدك ويسلم ذوقك
نقل جميل ورائع
دمت بخير

خيال مطير

29-01-2018, 10:45 PM

يعطيكم العافيةة مشكورين ع المرور

خيال مطير

11-01-2019, 01:51 AM

https://live.staticflickr.com/2525/4140023683_8043b57dd3_z.jpg
لا تضيق..! والله اني مثلك آضيق..
آبتسم يآللي مآ غيرك آشوفه مبسمي..

خيال مطير

11-01-2019, 01:54 AM

http://worldcup.alriyadh.com/media/thumb/f2/37/1000_3e99357c41.jpg

الجو رايع والنسايم على الكيف
الغيم يمطر والسما نصفها نو
يانعى وجهي للمداوم بها الصيف
عايش بدون أجوا والناس في جو
عشرين ليله والسحايب مراديف
برّاقها عجلٍ ورعده دوى تو
سناه يشبه لون حد المراهيف
سْيوف هندٍ جرّدت ساعة السو
يسقى لما عدّيت روس المشاريف
بمخضرٍ فيه البداوين عشَّو
هذي مقابيلٍ وهذي مناكيف
وأهل المواتر في كَنَفها تمشّو

خيال مطير

11-01-2019, 02:05 AM

http://www.alriyadh.com/media/article/2008/12/25/img/262808.jpg
ليت منزالي على درب الطراقي
كان أعين خير من شوف الرفاقه
ويا حلو لاجا عقب فرقا.. تلاقي
مع ربوع شوفهم عندي شفاقه

عبدالرحمن بن جبر المطرفي

خيال مطير

13-02-2019, 01:49 PM

http://www.alriyadh.com/media/article/2006/05/10/img/105022.jpg
قالوا حليب وقلت وشهو حليبه؟
قالوا: حليب وارد في كراتين
الزين و الله يوم تسمع شخيبه
من ديدها في طاهرات المواعين

خيال مطير

13-02-2019, 01:56 PM

http://www.alriyadh.com/media/thumb/c9/fa/1000_740e00dd1d.jpg
دلـعـها مــو دلــع عــادي يـالــبـــّا هـالـدلـع يــانـــاس
ألاقــيـهـا وتــفــتـــنــي وتـجـــذبـــنـي وتــغــريـنـي
نـذرت إلـ هـا الغــلا وعـطـيــتـها حـبـي بــدون قـيـاس
ولابـي مِــنـّـهـا إلاّ أمـــــر واحــــــد: لاتــخـلــيــنــي
هـنـاي ابـشوفها يـذهـِبْ عن الـقـلـب الـشـفوق الـبـاس
فـقـط هي وحـدها الـلي في الهـوى تـقــدر تـــداويـنـي
أداريـهـا واخــــــــبّـرهـا بـــأنــي دوم فــيـهـا حـــاس
أدلــلـهـا واســـكــّنـها وســــط قـلـــبـي وفـي عــيــنـي
لها عـمــري لها شـعـري لهـا الـتــقـديـر فـوق الـراس
لهـا عــذب الـمـــشـاعـر والاحاســــيـس الـتـي فــيـنـي
كلامـــي مـايــوفّـــيـهـا ولـو صـــغــتــه درر والـمـاس
ولـو ان الـمـــداد الـبـحــــر واكــتـــب مـا يـكــفــــّيــنـي
ثـلاثــيـــــنــــيـةٍ لــي مـن تــثــنّـى قــــــدهـا الـمــيـّاس
تـضــيـعـــنـي مـعـاهـا بـالـغــنـــج وانــسى عــنـاويـنـي
يـلـومــونـي عـلى حــبـي لـهـا وآقـــول: لا لـلـــيـاس
أبـاعـيـش إبــ أمـل واحـلـم (بـ.... ) طـيـلـة سـنــيـنـي
رقـيـقـه نـاعـمـه عــذبـه جـمـيـلـه طـيـّــــبـة الانـفـاس
من هْـِيــامـي أسـج واســرح بـها مـدري أنـا ويـنـي
يـسولـف لـي خفـوقي عن غلاها واخـتـبـص واحـتـاس
واحـس ابـحـسره بــقـلـبـي ونــار الـشـــــوق تـكـويـنـي

خيال مطير

05-03-2019, 03:04 AM

http://www.alriyadh.com/media/thumb/9b/7e/1000_ae473e2919.jpg

يبي يهد الطير مع شقة النور

قبل يهده قام يطلق اسبوقه

في رحلته هذي موفق ومسرور

بذل جهوده لين عشى ارفوقه

واللي معه صاحب وبين له الشور

يمشي على قوله بصادق وثوقه

علي آل رشيد - رياض الخبراء

فكك سبوقه ثم اطلق سراحه

ابشر بعزّك كان عيّن لكم صيد

خلّه يجوب الجو يفرد جناحه

يواصل مسيره لو تهدّه تراديد

عقب المقيض مقرنسن في مراحه

يبغى الصحاري يعتلي شامخ الحيد

مهما يكون الصيد يبين جراحه

به المثل تضرب عليه البواريد

فرايسه مابين تلٍ .. وواحه

,,,,,,,,,, سعود عبدالعزيز الهزاع - ,,,,, نعام

خيال مطير

05-03-2019, 03:07 AM

http://www.alriyadh.com/media/thumb/9b/7e/1000_ae473e2919.jpg

يا طير يا مرفرف الجنحان
تبغى الهدد مار مربوطي
صقارنا اليوم طفشان
يبغا القنص يم اسيوطي
الحرّ حرّن وشكله بان
وريشه أشقر ومظبوطي

خيال مطير

05-03-2019, 03:09 AM

http://www.alriyadh.com/media/thumb/85/48/1000_ea9a831218.jpg

الناس بالمعروف تحتاج للناس

في مالها في جاهها في جهدها

احدن علي الفزعات جتله بنوماس

وحدن تخلت عنه من عند يدها

وحدن يحب الصدق والصدق نبراس

وحدن يحب الميل أمر وأدها

وحدن يحب الطيب ويفوز بالكأس

وحدن يبيع الصيت ونفسه قردها

وأحدن بلغ فيه الوفاء عنده إحساس

وحدن مثال البور ما حدن يردها

وحدن يجيب الحيد والفأس بالرأس

كل الجمايل فيه منك جحدها

حبيت أبرمجها علي وزن وقياس

من شان راع الكيف ما ينتقدها

صـــــبه عـــلى اللي مـــا يـــهاب الخســــــاره

عبدالله الصقري

05-03-2019, 03:57 PM

أنت رائع و كل ما تنقله رائع
تسلم و دمت بكل خير و عافيه

خيال مطير

06-03-2019, 01:14 AM

وانت بخير أمير ,,

خيال مطير

06-03-2019, 01:17 AM

https://v.3bir.net/3bir/2014/03/almstbacom_1352460405_687-1.jpg

ارفع ستار الخجل عن لسانك
غنيى ألحان الغزل من حنانك
عينك حكت سرك
دمعك فضح امرك
تحرمني منها ليه
وتغالط نفسك ليه

خيال مطير

21-03-2019, 03:18 PM

https://www.sadanajd.com/contents/albumsm/204.jpg
رماني لابس البرقع رماني
بعينة ذي رمت قلبي رمية
شبيه الريم لامنه لفاني
وله مبسم كما برق النشيه
وسمسربي ومن عقلي سباني
وراح القلب من أجلة ضحية
ولا مثلة خلق بين الحساني
لطيف الروح ذي هرج بغيه
وقابلته ومن نفسه دعاني
على عز وشرف ماشي خطيه
تعارفنا ومن وده عطاني
هدية ود من قلبة هنية
وسنة بالضمن سبع وثماني
رحيم الخد مردوع الشفية
أنا لا قد ذكرته في زماني
أهل الدمع وعيوني شقيه
جميع البيض يفدنه الزياني
مدلع في الهوى ياهل الهويه
حلفت الله مابدله ثاني
وغيره في الهوى يحرم عليه
وهذا القول ناطق به لساني
وأنا يشهد على رب البرية

خيال مطير

19-04-2019, 05:57 PM

http://www.alriyadh.com/media/thumb/85/0e/1000_c4e277b427.jpghttp://www.qahtaan.com/works/up/get.php?hash=cfl59xzrm11257062887
لا والله إلا علينا كَبْرَت القاله
والعين هلّت من الفرقا عبايرها
والقلب زاره عناه وْزادت أثقاله
وُهُو من أول دروب القيل ناسيها
قِم شب نار الوجار وطيّب أشغاله
واصفق ثناويه وإجمع زل صافيها
وإعرض بريقه على مركاه ودْلاَله
ثم أكبرِ النار وإحمس فوق صاليها
بِنٍّ يطيّر عماس الراس فنجاله
ويداوي الكبد عن جرحٍ لجا فيها
كنّه إذا فاح عود الطّيب يبرى له
عنبر سويقه إذا شالوا مغاطيها
وإن شح صالح على رَبْعِه بفنجاله
ماشح راعي دلالٍ له مراكيها

الله يرحم شاعرها

خيال مطير

19-04-2019, 06:00 PM

يقول الشاعر إبراهيم بن جعيثن ..
أدني على بالي دلالٍ نظايف ...... وبريةٍ يطرب لها كل حمّاس

http://www.syadh.com/vb/imgcache/70537.imgcache.jpg

خيال مطير

19-04-2019, 06:01 PM

المحماس

يقول الشاعر سليمان بن شريم ..
لادك في قلبي من الهم هوجاس ...... حطيت فوق النار زين المحاميس

http://www.syadh.com/vb/imgcache/70536.imgcache.jpg

خيال مطير

19-04-2019, 06:02 PM

المبردة
يقول الشاعر حويدي العاصمي..
ليا قلّط المبراد يأتيك بمـلاه ..... ما قال ريّض يلحقه كل تالي

http://www.syadh.com/vb/imgcache/70538.imgcache.jpg

خيال مطير

19-04-2019, 06:03 PM

النجر:
يقول الشاعر سعد بن قطنان ...
نجرٍ الى حرك تزايد عباره ..... يازين حسه بين عوج المداوير

http://www.syadh.com/vb/imgcache/70539.imgcache.jpg

خيال مطير

25-04-2019, 02:37 AM

http://friendss.net/wp-content/uploads/2018/05/3712-2.jpg

خيال مطير

23-06-2019, 07:49 PM

http://www.alriyadh.com/media/article/2011/10/18/img/806736433399.jpg

يا طويق غيرك في الحقيقة كذا جبال
حولك ودونك مير تفرق بثنتين
الأوله للمبلي إكنان..وظلال
يزبن بك إلياشاف صد الموالين
والثانية لمصافح العشق مدهال
كم مرّة لاحت رجومك محبين
هذا حسب ما اسمع من أجيال لأجيال
إنك عن الضلعان تفرق من سنين

خيال مطير

23-06-2019, 07:59 PM

http://www.alriyadh.com/media/article/2014/09/11/img/860822495587.jpg

شب الغضا ياموقد النار بالليل

خل الّلهب يجرح براد الليالي

وِلا استوت بالجمر دَن المعاميل

عقد الذهب ياكن صف الدلالي

صفر الدلال بجوفها صافي الهيل

يسمر بها الفنجال رُوس الرجالي

لا ضمت الدلّة شفاه الفناجيل

يحيي لصوته في سماك إجتوالي

في روضةٍ للعشب صارت مداهيل

ترتع بها الغزلان شرقُ وْشمالي

خيال مطير

23-06-2019, 08:03 PM

http://www.alriyadh.com/media/article/2010/12/16/img/193767104664.jpg

يا الله يا منشي سحاب الحقوقي

يا خالق المخلوق والطبر بالريش

تنزل علينا الغيث بأرض خفوقي

يلبت بها النوار ريف المطاريش

ترى المعاصي كثرها والعقوقي

تمنع نزول الغيث والنبت مافيش

عبدالمحسن بن محمد المحيسن -

خيال مطير

23-06-2019, 08:05 PM

http://www.alriyadh.com/media/thumb/50/34/1000_8521db5e1d.jpg

بيّن شعاع الفجر ما أدركت هملوج

من كِثرها جوسي وقلِ إندماجي

هواجيسٍ تصفق بِراسي كما الموج

إليا تتالت وأرزاق الموج هاجي

شاطِيه من مترادف الهدج مرهوج

تواردة مثل الهجوم المفاجي

ما أرتاح لين آخذ من الفكر منتوج

هجْسي مرض حالي وفكري علاجي

دنياً تِبذ الحيل ودْروبها عُوج

لعل كسيي من سببها خراجي

خلّتني اهْزَل من ذلول بْن عَرّوج

عقب الشحم في بطنها الحيل ساحي

شعر: فلاح بن مبرد المطيري

هزاع محمدالعاصمي

23-06-2019, 08:29 PM

يعطيك العافية اختيار مميز وأكثر من رائع
لا عدمناك وكل الشكر

خيال مطير

02-10-2019, 08:17 PM

الله يعافيك يالامير

خيال مطير

29-10-2019, 05:34 AM

http://www.alriyadh.com/media/thumb/f9/34/1000_5b5743babb.jpg

يا بيت يالـلّي مـظــلـمٍ عــقـب راعـيك
الله عسى من شيّدك بالــكــرامــة
لــولاه مـا وقــفـت عـــندك ولا اجــيـك
راعى الغلا يفرض عــلــينا احــترمــه
فــيــمـا مــضـى يا بيت نورك محليّك
اليوم شعـبك ينْجــِفل من ظــلامــه
تخنـقني العبرات يوم التفت فيكَ
اليا طـرت لـي وقـفــتـه وابتــسامــه
نـفـرح بــزولــه قــبلنا يـوم نلفيك
درب السفر يقصر وانا انشد علامه
يالـلّــي إلـــيا وقـف يـرحـّـب بنـاصيك
ثــم ابتسم بـدرٍ تكــامــل تمــامــه
وإلــيا تحــدث لــه حــديثٍ بــنـاديـك
أحـــلى مــن الــبارد ووبل الـــــغـمامــه
يالـلـّــي وجــوده عــند ضـيفك محليّكَ
الطرف من بعـــده تكـــدر مـــنامــه

خيال مطير

03-12-2019, 11:08 PM

https://www.sayidaty.net/sites/default/files/styles/800x510/public/2018/02/11/3316146-424958942.jpg

گني سجين .. مبلغينه .. بـ إلأفرآج
وفي آخر إللحظآت .. غيّر .. قرآره

قآلوآ خطأ بـ إلأسم نأسف للأزعآج
قلبه وقف .. ثم رآح عمره خسآره

خيال مطير

03-12-2019, 11:18 PM

http://kololk.com/mws/aladab-480-1465081212.jpg

يالي من دلال الجزاله تقهويت
صعبه تلاقي لك صديق (ن) صدوقي
وين الذي يفز لاسمع بك جيت
تسمع لترحيبه رعود وبروقي

خيال مطير

03-12-2019, 11:22 PM

http://www.alriyadh.com/media/article/2008/01/16/img/171624.jpg
يا سعد دوك الليالي غربلني
كن ضو بقيق شعل في فؤادي
يا سعد يا بعد من همه شحني
دونه الصمان مع حمر الدباوي
يا رجاي ادموع عيني غرقتني
مثل سيل حادر له وسط وادي
إن وصلت السجن شوفه ما حصلي
دونه الشباك ما يوحي المنادي

شعر: عمشاء الدغيلبي

خيال مطير

03-12-2019, 11:26 PM

http://52.214.82.70/media/article/2005/09/19/img/199334.jpg

لاواهني من فارق الغور ياسيف
لديار ربع يحتمون المحاجي
ياخوي بعض سلومهم عندهم كيف
رجالهم لاجاك ماهو هجاجي
والله ماصيدي مملة من الضيف
حياة رب له عباده تراجي
الدلة اجذاها لمن يشرب الكيف
وميسورنا يبراه طلق الحجاجي
لاشك أهل نجد لنجد مواليف
مثل الخلوج اللي طواها الخلاجي
شعر - مضحي بن ثويني الزغيبي

خيال مطير

03-12-2019, 11:29 PM

http://52.214.82.70/media/article/2005/10/15/img/151314.jpg

أطرش ورزقي على والي السمواتي
بيبان الأرزاق ماغلق مجاريها
ماهوب عند أقشر احساب بيزاتي
لوتطلبه عشرة ماطاع ينطيها !
آخذ على فاطري نوم وسجاني
بالكور محلى الريدا تخطيها
رملا ولارددت في كل منحاتي
لعل وبل الحيا يسقي مفاليها
هي ريف قلبي وهي مالي وخزناتي
من حبها مانطيع أهل الثمن فيها
شلنا عليها الزهاب وخمس قلاتي
ركبت معهن وربي اللي مقويها
مربوعة الراس وفخوذ ..جميلاتي
واطلب عسى الله يقود اليا الرجا فيها

شعر محمد بن ناصر بن غانم

خيال مطير

03-12-2019, 11:31 PM

https://encrypted-tbn0.gstatic.com/images?q=tbn:ANd9GcQbHWjkVooBh30WQ8mBMoUXMAQUSHWwx 3QZA4vTv2-kfyoSHRJcFg&s

برد الشتاء : موطن العشّاق ، لكني
منتظره لحالي .. و بيجيني لحالي
بـ أسهر و ببكي و بأحزن عنك و عني
و أذا بغيت الدفا راح أحضن ظلالي !
.............................

http://52.214.82.70/media/article/2008/06/13/img/116739.jpg
موتر قديم وعند راعيه غالي
أقفى موديله بس لا زال يغليه
لولا الغلا ما وقفه بالضلالي
وبصفحة خزامى لك الورد نهديه

محمد عفار المطيري - عنيزة

خيال مطير

05-12-2019, 12:11 AM

http://52.214.82.70/media/article/2008/06/13/img/136191.jpg

ليت يوم انك تباشر ما تباشر بالسجارة
كان باشرت بطعام يجعل الجينات حية
رابحاً دنيا ودين وهي ترى خير التجارة
يوم تعطي للفقير تساعده لو هي شوية
السيجارة شر بأولها وتاليها خسارة
غير ما تجلب وراه من بلاوي سرمدية
وسط الاطفال يترزز وسط بيت ووسط حارة
ما تهمه صحته والناس بحسابه غبية
والسيجارة باليسار وباليمين يشب ناره
يعتبر نفسه مميز بس هي ميزة ردية
والله ان الامر واضح بس اقوله من مرارة
الهدف تذكير والا لاشربت ولا عليه
الخسارة في المدخن في النهاية هي دماره
سم حاله ضاع ماله ما ا ستفاد ولا بلية
البشر ملت جلوسه بينهم والعلم جاره
صابراً والخافي اعظم في حروف الابجدية
يالله تعاف المريض وكافنا شره وأثاره
واقبل التوبه من اللي صادق قلباً ونية
يطلبك عبداً فقير لا رصيد ولا عماره
عاش في فضلك الهه خالقاً كل البرية
راضي بحكمك ويعمل طول ليله مع نهاره
وفق لامرك بالكتاب وحسب ما وصى نبيه
راجياً فضل العظيم اللي خلقنا باقتداره
يختم اعماله برحمة شاملة مية بمية

مبروك النامي

خيال مطير

05-12-2019, 12:33 AM

http://52.214.82.70/media/article/2008/07/07/img/077055.jpg

يا حيها لوهي شراثيم وأطلال
منها النشيد العذب يقدح زناده
اطلال من عدوا على المجد بقذال
شقر الحرار اللي هددها وكاده
سجل لهم تاريخ الأمجاد منزال
بين الزواهر مركزه وامتداده
وسجل لهم نجد المسمى بالأفعال
تاريخهم رعف المواضي مداده

شعر - عبدالله بن عبدالعزيز الشعلان

خيال مطير

05-12-2019, 01:04 AM

http://52.214.82.70/media/article/2008/01/03/img/041644.jpg

يا عين هلي ذارف الدمع سفاك
وابكي وهاتي ما خفا من عباير
يا عين لا تبكين هذا ولا ذاك
إلا ولا فرقا الأهل والعشاير
إبكي على سمح النبا حسن الاسلاك
اللي عليه مغوزر الدمع فاير
قلبي عليه من الولع فيه دكاك
والحال مني خلصت بالحساير
قدم العرب غادي بشوش وضحاك
والكبد يصلاها لهيب العساير

شعر: حمد المغلوث

هزاع محمدالعاصمي

05-12-2019, 10:30 AM

يمال العافية ياخيال والله إنك توسع الصدر
موضوع بحق يستحق الإشادة اعجبني في مضمونه وسردة
لاهنت ويعطيك العافية

خيال مطير

08-12-2019, 06:11 PM

لاهنت يالامير منور الصفحه

خيال مطير

08-12-2019, 06:18 PM

http://52.214.82.70/media/article/2010/02/08/img/422568818092.jpg

وين القدور وين هاك الوقايا
يوم (ن) كل قدر يبرا له وقات
وين المعصّم فيه زري وزوايا
وين العبي اللّي عراض وطويلات
وين الحلاق وين هاك الحوايا
وين الجدايل فوق الامتان صفّات
وين الشرف والجوخ راحت حكايا
وين الكموم مطرزات بدقات
وين المريكاني وهاك العبايا
وين المرورت المسمى أبو شلحات
الساحلي اللّي بقي له تلايا
ماعاد له ياكود تكفين الاموات
وين الزعب وين هاك الركايا
وين (الوليدي) فيه قرو ومصفاة
وين الغروب بصافي الما ملايا
على معاويد حدور وقبلات
ومحّال تسمع له ونين وعوايا
مثل الذياب اللّي خلايا مجيعات
وين الركية والبيوت الدنايا
متماسكة مثل اليدين القويات
وجنب الركية مسجد له بقايا
فيه الذكر لله وفيه المناداة
وين (المجيلس) والعلوم الطرايا
تسمع سوالفهم جداد وقديمات
وين الزبيل متوبك بالعرايا
وين الشمال وين هاك المحشات
بادت مثل ماباد شن السقايا
مثل الصميل اللّي جدع له بمضماة
وبدلهن المعبود رب البرايا
يعطي من الدنيا ويهدي الجنات

الأديب الشيخ سليمان بن موسى الموسى

خيال مطير

09-12-2019, 01:09 AM

http://52.214.82.70/media/article/2010/02/02/img/278421417460.jpg

هيّض على القلب برّاق سرى ليلة
هيّظ على القلب بّراقه ليا ناضي
جعله على صاحبى يرخي هما ليلة
يرجع به الوادي المسنى ليا فاضى
يمطر على صاحب جتنى مراسيله
وأشف قلبي تذكّر دورها الماضى
يا صاحبى عبلة (البرّه)مداهيله
على سجى العود مرباع ومقياضى
ما هو بيقرا الكتاب ولا معى حيلة
يروح منّا مراسيل على الفاضى

شعر- نمر بن عدوان رحمه الله

خيال مطير

09-12-2019, 01:31 AM

عندما يضحك البحر

https://t1.gstatic.com/images?q=tbn:ANd9GcTEUCo_PUfE-TrXPqai-5dAa209l19exXoxxpgs9wbK_tQ3WVQIrg

يوم غبت من الرياض وجيت بين أحضان جدة
ذيك يبكي برها. والثانية يضحك بحرها
غبت عني يا حبيبي في ليال العيد مده
كل ليلة عن شهر. وأضرب ليالك في شهرها
راح من عندي وأنا خايف. وهو ماهوب وده
والعواصف فوق جده سيلها يسبق مطرها
لو ما خاف من العذول ونظره الحساد ضده
كان أقيم بجنب أقامتها. وأسافر مع سفرها
الحزين اللي بكا قلبه عليك وباح سده
أنت تدري فيه حيل. وحالته عندك خبرها
من مطار العاصمة عوّد ودمعه فوق خده
كن دمعه يغسل جفونه قبل جيّت سهرها
تحرجه نظرات خلق الله ولو بالغ بصده
تلتفت فيه البشر لو كان جنّب عن نحرها
في خياله طفله تلتف بأحلام المودة
وإن تفاجت تختفي باكفوفها ولاّ شعرها
أنت أصغر بنت حبت. وأنت أكبر مستبده
وأنت أقرب من عيوني. وأنت أبعد من نظرها
يا حفيد اللي لهم عادات. فوق الخيل رده
يوم كانت تركض الصفراء وجدك في ظهرها
ليت أبويه توم أبوه وجدي المرحوم جده
مثل ما قال المثل دارٍ بناها من حجرها
بالوفا قدي. وأنا في معطيات الحب قده
احتريها إن أقبلت. وأن وقفّت اقتصيت أثرها
وأهني اللي تملك حبلها والكف شده
أشهد أنه في نعيم. ولا نقص ماله مهرها
إن كسبها ألحظ وألاّ العقل ناقف عند حده
رافعه فوق السماء قبل أًفه بأنه قمرها

خالد البقمي

خيال مطير

09-12-2019, 01:34 AM

http://52.214.82.70/media/article/2010/01/17/img/851052250523.jpg
يا العين لا تبدين للناس الأسرار
الله على كتم السراير يعينك
ويا دار وين اللي يصلّون الأسحار
اللي بركعات الضحى عامرينك
ما ضيّعوا سنّه ولا عاتبوا جار
تمسكوا بأحكام حقّك ودينك
راحوا وحنّا اللّي بقينا على الدار
ولا بدنا مع دربهم هاجرينك
العمر له تحديد ساعة ومقدار
وين الذي قدّامنا عامرينك

شعر-بدر الحويفي

خيال مطير

09-12-2019, 02:00 AM

بحر جده

http://52.214.82.70/media/article/2009/12/03/img/287244190169.jpg

يا الساحل الغربي ويا بحر جده
بالله سلملي على قرة عيوني
وقله ترى مغليك قد باح سده
من يوم غبت وعاشقك حيل محزوني
وقله ترى ما غيره أحد يوده
ولا يبي غيرك من الناس مظنوني
وقله ترى صبري وصل لين حده
وكثر البطى لا زاد زود جنوني
القلب كن الهم عقبك يهده
ما كنه ألا بين الظلاع مطعوني
يلي مكان صعب غيرك يسده
يا أعذب قصيدي وأصدق إحساس وشجوني
يلي الحرير يذوب من لمس يده
ويلي بريح الورد والزين معجوني
وأنا ادعي الله كل يومن يرده
وكحل عقب غيبته والله عيوني

ناصر المنصور

خيال مطير

09-12-2019, 02:06 AM

http://52.214.82.70/media/thumb/5b/16/330_622af398e6.jpg

شفت الغضي متقنع بالوريسي
متمشلح فوق الوريسي سمل جوخ
الى وطا بالقاع ينبت غريسي
ينبت به الرمان والتين والخوخ
ريقه حلا من سكر له بكيسي
واحلا من السكر مع الدر مطبوخ
بالظن والا ما عرفناه قيسي
عسيرة بنت الاجاويد وشيوخ

ساكر الخمشي

هزاع محمدالعاصمي

09-12-2019, 06:37 AM

يمال العافية على الإبداع والجمال في تأتي به
من الاعماق كل الشكر وفي الإنتظار دائماً بالتوفيق

خيال مطير

10-12-2019, 04:16 PM

مشكوريالامير

خيال مطير

10-12-2019, 04:20 PM

https://encrypted-tbn0.gstatic.com/images?q=tbn:ANd9GcSiwL-YEwR3kLISFKy7qBrig2mTrurj6y4kCd0bCVp1XiF7xstF&s

يا جرح ما دامك من أحباب عادي
ممنون لك يا جرح دامك من أحباب
لو يعزفك يا جرح مليون شادي
ما قلت بين الناس يا جرح الأسباب
يا جرح كم لك بين الأضلاع غادي
ما يوم سمعتك ولا كلمة عتاب
ما هوب حبن فيك ولا عنادي
لكن غلا راعيك يفتح لك أبواب
يا جرح دامك مستقرّ بفؤاادي
خلك كذا يا جرح مادامنا أصحاب
يا جرح خلك ضيف فوق الشدادي
ترى المعزب منك يا جرح ما هاب
اقلط على حدب الضلوع الشدادي
خل العيون افراش ولحافك أهداب
يا جرح بلغهم تراي امتمادي
في صدتي يا جرح ما ني بكذاب
يا جرح لو طول عناي وسهادي
شبيت لك في ثومة القلب مشهاب
من شان تقنع من غثاي وجهادي
وتقنع معازيبك من جهاد الأشناب

نياف العتيبي – الطائف

خيال مطير

10-12-2019, 10:13 PM

http://www.alriyadh.com/media/article/2008/02/14/img/152052.jpg
يا ما حلا شوف الغدير وحجرها
اللي وقع عليه زين الحمامي
يا اليوسفي إبداع مروع صورها
صحيح منهو قال رمز السلامي

خيال مطير

10-12-2019, 10:16 PM

http://www.alriyadh.com/media/article/2008/02/13/img/142075.jpg

عديت لولاح تعلا مياهيف
شوحات عسرات المراقي طفافي
مدهال طفقات الشروق المحاذيف
ولهن بلطفات المذاري مرافي
ودليت اشيل الصوت في عالي القيف
والقيل يرجس بالفواد متلافي
وأهل دمع من نظيري ذواريف
تاليه غثرب وأول الدمع صافي
وأقول ويلاه ياخلي عديم التواصيف
عليه جرحي ما يرافيه رافي
وحولت من راس النبا العالي امعيف
ولاشفت في راس المهايف عوافي
هذا كلامي حين قفن زواليف
عن دار مجلي الثمان الرهافي

شعر - سويلم العلي السهلي - رحمه الله -

خيال مطير

10-12-2019, 10:25 PM

الشاعر عبدالهادي بن راجس السبيعي

http://www.alriyadh.com/media/article/2008/02/12/img/132057.jpg
ياوي فنجال شربته الحالي
فنجال ماله ثانيا بالفناجيل
فنجال من غالي يمده لغالي
وتهديه قبل أبديه سود مضاليل
مده عليّ وقال خذ يا حلالي
لا يا بعد من ينقل القال والقيل
وأخذت فنجالي وريحت بالي
وثنيت رجلي عندهم للتعاليل
دار الحديث وكل شيء صفالي
وارهيت منهم بالوفاء والمحاصيل
قمنا على ما قال لا له ولا لي
إلا وعود بالليال المقابيل
والله علم عن مقبلات الليالي
هن يلحقن وإلا بعد يظهرن حيل

ومن قصيدة اخرى:

اوي فنجال يصبه مسويه
وحنا سوالفنا على جال ضوه
في ربعة والبيت يرفع بقاربه
بيت على ما قيل يرفع بقوه
تالي نهاره واوله دايج فيه
قم سو فنجال المطاليق سوه
احذف لها رمث اكبار مثانيه
تو الجماعة نازلين بجوه
والماء تخير من زلاله وصافيه
من مزنه ما خاشر العج نوه
واحمس ولا تحرق وحاذور تنييه
ما بين فرُغها وما بين توه
وأجغف لها من طيب الهيل غاليه
والزعفران بكثرة الهيل شوه
صبه على اللي طيبات معانيه
واختص منهو بالمراجل تفوه
اللي يعنز لك إلى رحت ناصيه
يسلم ولا يسلم رديّ المروه

وقال رحمه الله:

يا ما حلى والعشب غادن به ارناق
وصوت أم سالم بين عاشق ومعشوق
وشوف البيوت التي بها قاطع ارواق
في صيهد ماشيه ما هوب مرهوق
لاجا الضحى من عقب حزات الأشراق
تجمعوا والبن يحمس ومدقوق
في ربعة يوجد بها كل الارزاق
يجيبها اللي جاره الله من العوق

ومن قصائده في الابل:

الصفر واجد ولكن ماش
ما كل صفرا تجي ناقة
صفرا عليها القلوب اعطاش
وصفرا يقولون نقناقة
لو ان بعضها يجي ببلاش
ما هيب للعاشق اعشاقة
احب صفرا ما هيب اللاش
لا صمّل الورد سباقة

ومن قصائده أيضاً:

خذيت من روحي لروحي فوايد
ثلاث جزلات شويا عددها
الأوله حبي دخول المساجد
والبعد عن من طاعه الله فقدها
والثانية حبي لنظم القصايد
لا مرت الرجل الحميد يحمدها
زودتها من روح روحي زوايد
الوذ فيها لا بليت بنكدها
احب رجل بالمهمات كايد
لا قلت له ذيك المهمة قصدها
لا جا نهار فيه ناقص وزايد
يحلها لو كثروا في عقدها
واحب زينات البكار النوايد
علط الرقاب اليا توفر سعدها

خيال مطير

11-12-2019, 08:08 PM

http://www.alriyadh.com/media/article/2008/01/17/img/181656.jpg

أبو زميم على مثل البرد هفا

ما حطه الا عذاب للهواوية

خيال مطير

11-12-2019, 08:11 PM

https://jlmod.net/upload/items/64881556453369.jpg

ياسخيف الذرعان مانيب مرجــــوج =رجتــــــني الدنيا بغدر وحيلـــــه
يابنت لولا اللي على تاسع الفــوج = تركت نجــــد وعزوه بالقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي لي من البلاوي غدن عـــوج =حملــه عتيبه كلها ماتشيلــــــــه
يرسى كما مينا البواخر على الموج= ومنين ماصك البحر ترتكيلــــــه
مادام تركي حي مـــــــاودي ادوج =وان غاب غبت من الرجوم الطويله

رحمه الله

خيال مطير

11-12-2019, 08:22 PM

https://jlmod.net/upload/items/82781569233872.png
يا إخوان نورة كلنا إخوان نورة
الشعب والحكام دون الوطن سور
والمملكة حنّا ذراها وسوره
بقيادة اللي لا انتهض وابرم الشور
مليكنا اللي كلنا تحت شوره
خادم بيوت الله ولنا الشرع دستور
أليا انتخى بنورة تلبي شروره
وطريف مع عرعر يصفّون طابور
وعلى الحدود رجال مثل النموره
يا سيدي أمرك ينفّذ على الفور
وصقورنا بالجو تصقر صقوره
صقور العدو تنزل بلا عقل وشعور
واللي يبي صنعاء بداية عبوره
تحرم عليه المملكة بر وبحور
دون الوطن والدين رجالٍ غيورة
نحمي وطنّا مهبط الوحي والنور
عدّونا نخفيه ساعة ظهوره
منّا يشوف الذل ويموت مقهور
والشعب والحكّام كلٍ بدوره
وحنّا سعوديين والفعل مخبور
وطيبه ومكة والبلاد معموره
تشهد لنا الحجّاج ومن جاء لنا يزور
الله نكبهم يوم قاموا بثوره
وجّه ندى للمملكة الشيخ منصور
والجار لا منه زبن من خطورة
يبشر بنا نجيه جيشٍ وجمهور
العاصفة حزم سريعٍ نشوره
صقور جو وكل واحد يبي الدور
تتزلزل الحوثي داخل جحوره
والريس المخلوع في داخل الغور
بأحدث سلاح الجو صوتٍ وصوره
ندمر بها جبالٍ وننسف بها صخور
وننهي الحوثي ونقطع جذوره
حصونهم لجيشوهم صارت قبور
ونعلم المغرور نهاية غروره
ينفذ أوامرنا ولا يلف ويدور
واللي يمد يديه نقطع شبوره
كل العرب دون العرب دمها يفور

الشاعر عبدالله بن ضيف الله الحصني الحربي

الجووهره

12-12-2019, 01:58 AM

يعطيك العافيه خيال
ما اقدر انزل صور من الجوال
من اللاب ان شاء الله

خيال مطير

18-12-2019, 12:43 AM

http://www.alriyadh.com/media/article/2007/09/19/img/199646.jpg

ليتك خذيت بليل الأحباب مسرى
غربت من كثر الطواري وشرقت
السيل يبقى له على القاع مجرى
ويبقى لك التذكار لو كنت فارقت
اشوف لك من وين ما رحت ذكرى
ولاشفتها صديت عنها ودنقت
ما كل جرح لاخذ ايام يبرى
بعض الجروح يزيد شره مع الوقت

شعر - متعب التركي

خيال مطير

18-12-2019, 12:47 AM

http://www.alriyadh.com/media/article/2006/08/08/img/088044.jpg

أنا مزاجي دلة كلها هيل
وسوالف الطيب ونظم القاصيد
يا حلوها عندي وعند الرجاجيل
أهل السلوم الطيّبة والعوايد
في مجلس فيه الرجال الحلاحيل
ما يلحلق الغايب بهرج النقايد
وليا بدى لك لازما شدّو الحيل
وإليا أوعدو ما يخلفون الوعايد
اعيال من شابو على قرح الخيل
يوم الزمان مشلهباً بالشدايد

شعر: صالح المحقني

خيال مطير

18-12-2019, 12:57 AM

http://www.alriyadh.com/media/thumb/ea/b6/1000_b1ab08d424.jpg

أعشق سوالف (عـيون)
لي سلهمت قمت أصيح
عـااشـق انـا ومْـغَــبـون
واصـبحـت منها طريـح
آمـــــون وهــيَ تـمـون
وآكـون مــعـها صــريـح
تهـوى الهدؤ والـسـكون
وان صحِت مثلي تصيـح
(جلبـت لعـقلي الجنون)
أقــووولها بـالـفــصـيـح
مـاكـنـت أظـني حـنـون
واثـري مـتــيّـم جـريـح
لي في الـمـحـبـه فـنـون
شاعـر وشـايـب مليح

مبروك بن ماضي

خيال مطير

18-12-2019, 01:10 AM

http://www.alriyadh.com/media/article/2005/06/19/img/196337.jpg
على صوت المطر مع بارق بدد سكون الليل
تكاشف في مقاديم المزون الغر براقه
على حسن الرعد والنود والقاطر ومجرى السيل
توارى النوم عن عين جداها فتحة الطاقة
تهيض خاطري واسترجع اللي فات بالتفصيل
ذكرت البر وبيوت الشعر والصبح واشراقه
ذكرت الروض الأخضر والجبال ومدة الدربيل
لوقت ماحسبنا للتعب والفقر.. والفاقه

شعر - عايض بن مذكر القحطاني

خيال مطير

19-12-2019, 02:27 AM

http://www.alriyadh.com/media/article/2005/07/03/img/296358.jpg

يا محمد روحت في الزمل ملحاق
وأبعدت عنا يا ضنينة فؤادي
امن أول نرجي تجينا من رواق
واحسب الأيام عدٍ.. عدادي
لولا الحيا صبيت صوتي بالأسواق
أكالمك واصيح ثم أنادي
طلبت أنا المعبود سماك الأطباق
حيثه ولي وفوق كل العبادي
يلطف بحال اللي ضعيف ومفتاق
ويطير من قلبه سواة الجرادي
يقر عيني بك ولا أبيك تنعاق
عساي أشوفك لافي بالبلادي

شعر: حصة بنت محمد الفوزان

خيال مطير

19-12-2019, 02:51 AM

https://www.dreamboxgate.net/forum/imgcache/2014/364858_dreambox-sat.com.jpg

ويلي على نظرات دعج العيوني....!. تشعل لهايبها ب ليل الرموش
سالم الحميد

خيال مطير

27-12-2019, 12:26 AM

مما قال الشاعر هذه القصيده المرثيه في المغفور له جلالة الملك خالد بن عبدالعزيز آل سعود رحمه الله

http://www.alriyadh.com/media/thumb/64/29/1000_5054da04c8.jpg

راكب اللي من حفيزه جهزوه
صنعة امريكان مسحوبا ًجديد
من شركة الجمس شد ورقموه
بحدث التصنيع من شكله فريد
من مغنه بإغلى الإثمان أشتروه
على درب الخير ناوين المديد
سواقه فهمان بطريق ً مشوه
مايهمه السفر لوهو بعيد
من أبلاد الجوف شد وحملوه
يم عيال مقرن راعين الحميد
خذ جوابن بالمزرف واختموه
بسلام كثير ماحصي له عديد
مني والسلام لفهد وصلوه
واشرح الموضوع على مانريد
قولوا للمليك شعبه شاركوه
نطلب له العون من الرب الوحيد
والصبر جميل للي جربوه
ينفع الرجال بالظرف الشديد
يوم شفنا خالد بالصحف انشروه
زعيم الاسلام علينا فقيد
يوم واحد وعشرين شيع وادفنوه
ياجعله بالجنه مسكان الشهيد
في انحاء المملكه شعبه نعوه
صاحب المعروف والراي السديد
العروبه والمسلمين افقدوه
نكسوا الاعلام والحزن يزيد
جعله في جنات ربه خلدوه
جنة الفردوس مسكانه سعيد
ذكره بالتاريخ سجل واحفظوه
مشا بالاسلام ممشا ابن الوليد
الرجاء بالله والعوض با اخوه
الفهد المحبوب البطل السديد
بالسياسه كل العالم ايدوه
حلال الصعبات نطاح العنيد
ريفن لضعوف وعز اللي نخوه
مفراص البولاد قطاع الحديد
بايعناه وكل شعبه عاهدوه
على كتاب الله والدين المجيد
والاسره عموم المنهج مشوه
منهج الاسلام مسير التوحيد
هذا وربي بالدعاء تقبلوه
من صميم القلب كلام ٍ وكيد
صلوا على محمد وصحاب ٍ تلوه
الرسول المهدي بالدين الرشيد
_______________
شعر : عشيان بن سليمان

خيال مطير

30-12-2019, 05:52 PM

]واعذابي كل ما غاب الشفق

http://upload.wikimedia.org/wikipedia/commons/1/12/Dusk_over_Chennai.png

واعذابي كل ما غاب الشفق
ابتدت رحلت همومي بالمسير
موج همّي بالمحاني يصطفق
بين عوج الصدر دايم له هدير
رغم وسع الكون كنّي في نفق
والصبر في داخلي صابه نفير
آه من وقتٍ بحالي ما رفق
شفت غدر وذقت مرّ وشيْ كثير
كل شيّ صار ضدّي واتفق
ناسي وقتي يجرعني مرير
ألتجي بالله عن شين الوفق
حيثه أعلم بي وهو نعم النصير

عوض سلامة العنزي

خيال مطير

30-12-2019, 06:00 PM

http://www.alriyadh.com/media/article/2014/05/23/img/283862236886.jpg

هذا مكانه يا بحر أعرفه زين
رغم البطا كنه هنا من ثواني
كنا هنا قبل انتفارق بعامين
قبل المطر يجتاح وجه المباني
وينه غلاتي يابحر وينه الحين
هو مر.. يمك.. أو نشد عن مكاني

الشاعر سعود زايد العالي العتيبي من شعراء محافظة ينبع ومن الشعراء البارزين في الساحة الشعبية

خيال مطير

30-12-2019, 06:08 PM

الروض الخضر

http://www.alriyadh.com/media/thumb/f8/93/1000_fb6f5f73b8.jpg
متى نشوف الروض كنه زعل جوخ
متخالطن نبت الشمطري وربله
ريح الخزامى بالعثاعيث له بوخ
من رايحن ينثر على الارض وبله
عقب المطر كن الشفا رونق الخوخ
قفرن عن الاوناس في ضف عبله
فيها ام سالم ترفع الصوت وتصوخ
وتنادي المصلاح وتنادي ابله
جفل عليها طلعة الشمس مطنوخ
عساس بدو للمهمه ندبله
شاف الفياض اللي بها العشب مشموخ
ونقع السحاب اللي تشد العرب له
عود على حرن هميمن ومطفوخ
يشوش لاسمع المغني لعب له
بشر هل المقطان رعيان وشيوخ
قال الحيا في ماقعن ينتعب له
ياماحلا في حيده البيت مشلوخ
بحد الدماث اللي عن الهضب قبله

http://www.alriyadh.com/media/article/2012/01/05/img/979142804882.jpg
ناجي بن سعد ابوليل الصندلي رحمه الله

طير ام سالم
https://upload.wikimedia.org/wikipedia/commons/thumb/6/65/Greater_Hoopoe_Lark.jpg/300px-Greater_Hoopoe_Lark.jpg

خيال مطير

30-12-2019, 06:22 PM

http://www.mekshat.com/pix/upload03/images149/mk9020_0%20(1).jpg

]لبارحه ربي كتب لي ومريت
دربٍ عليه بروق الأحباب لاحت
جيت المكان اللي جمعنا وخفيت
وقامت جروحي للجوارح وصاحت
يا ليتني في لفة الدرب زليت
كان العيون من الدموع استراحت
اللتم غيم الدمع من يوم لفيت
وورقا القصيد لشوفة الغيم ناحت
وضحكت ما ابغي الناس تدري يبا لفيت
لكنها غصبٍ على العين ساحت
حارت دموعي في عيوني وصديت
وارمشت ابيها ماتبيّن وطاحت
وعقبه برق فالعين براق واسقيت
خدي ووناتي بصدري تلاحت
وانا احسب اني في فراقه تعافيت
وان عبرتي من مدخل الزاد زاحت
اللي يحسب اني على البعد سجيت
والا ان عيوني للرقاد استباحت
ياليتني من قبل لا احبه اقفيت
والا ان دروبي عن دروبه تناحت
اهون عليّ من البكا والتناهيت
واشلا من سدودٍ على الناس باحت
عرفت كيف الحي يفرق عن الميت
وعرفت قيمة نعمتي يوم راحت
قولوا له اني عقب بعده تدانيت
ورجلي عن دروب المعافين شاحت
البعد نار وطاعة العذل كبريت
يقصر عليّ بعده ترى الكبد فاحت

]للشاعر محمد بن فطيس المري:

خيال مطير

31-12-2019, 12:31 AM

https://abunawaf.com/wp-content/uploads/2015/12/6-%D8%A7%D9%84%D8%AE%D9%8A%D9%85%D8%A9-%D8%A7%D9%84%D8%B5%D8%AD%D8%B1%D8%A7%D9%88%D9%8A%D 8%A9.jpg

http://www.traidnt.net/vb/attachment.php?attachmentid=134571&d=1179801367

وجودي على بيت الشعر عقب بيت الطين
وجــودي عـلـى شــوف المغاتـيـر منـثـره
وجـودي علـى خـوة هـل الموتـر المقفيـن
وجودي على شوف السهل من ورا الحره
ليـا حلـوا البـدوان وصـاروا علـى بيتـيـن
ومــن كــان لـــه خـــل مـــع ذاك مـاغــره

بخوت المريه

خيال مطير

31-12-2019, 12:40 AM

http://up.n4hr.com/uploads/1504356963361.jpg
فيني من المهرة صفات ودلايل
طبعي أصيل وعزتي تحتويني
وفيني شموخ مدللآت الأصايل
أنا الأصيلة والرسن في يديني

خيال مطير

01-01-2020, 06:19 AM

https://www.alsh3r.com/assets/imgs/1280x720/album/995-63559919-3a0f-4260-b5bc-e72e84e1d143.png

خيال مطير

01-01-2020, 06:23 AM

https://www.alsh3r.com/assets/imgs/1280x720/album/990-e6c68ab0-d2b2-4858-9daa-52770e25118f.png

خيال مطير

22-02-2020, 03:18 AM

http://www.alriyadh.com/media/article/2005/01/29/img/291008.jpg

الا يا غصين ناعم ما يجيه الفوح

على الشط ما اخونَّه معاصير الأرياحي

الا يا ثمانٍ قبل تسعين خمسٍ شوح

تقدم على المرواح بالفن مسراحي

جميل الحلايا الكامل اللي لخده ضوح

جبينه إلى عرّض كما بارق لا حي

الا واسْعَد الله من يطالع وزين الروح

يشوفه بعينه قبل غوَّال الارواحي

شعر: سعد بن عبدالعزيز البواردي رحمه الله

خيال مطير

22-02-2020, 03:21 AM

https://i.pinimg.com/236x/d5/d7/75/d5d775b373c3a384ca4dcf56a094198c--quotes-in-arabic.jpg

هزاع محمدالعاصمي

22-02-2020, 06:51 AM

لاهنت خيال على جمال مانثرت
جميل ويعطيك العافية

خيال مطير

03-03-2020, 02:08 PM

لاهنت خيال على جمال مانثرت
جميل ويعطيك العافية

لاهنت يالامير

خيال مطير

03-03-2020, 02:10 PM

http://alarbelyoum.com/article/d8cd0b00e2-img.jpg

‏مـن صـب لـي من دلته ربع فنجال
صبيت له مـن خافـق الـروح دلـه
ومن ساق لي بالطيب قول وأفعال
أســوق لــه روحـي وعـمـري كـلـه

خيال مطير

03-03-2020, 02:13 PM

http://alarbelyoum.com/article/275551ebb1-img.jpg

كــيــف أودع مــــن الـخـفـاق والـــروح عــنـده
غــارقـة فـــي هـــواه يـــا نـــاس كــلـي بـكـلي
كـيف يـسافر وكـيف اقـوى عـلى الـعيش بعده
كـيف يـغيب عـن عـيوني نـور شـمسي وظـلي
كــيــف بـتـحـمل الـفـرقـة ومـــا طــيـق بــعـده
لا فــرقـنـي حـبـيـبـي يــــوم يـــا عــيـن هــلـي
نـــار تــحـرق ضـلـوعـي شـــوق قــد زاد حــده
ذبت أنا تهت ما ادرى في هواه ايش حصل لي

شاعرة اليمن

خيال مطير

03-03-2020, 02:17 PM

http://alarbelyoum.com/article/7ca047c37e-img.jpg

انـــت الـــــذي ما يشبهك في الملا حي
ولا غــلاتك نـــالهـــــــــا اي انــــــسان
ما حـــد مثيلك فـــــي البشر لا ولا زي
فأنت مـــالك خـــــافقي وانت سلطان
انت الــهــــــوى والنــــــور والزاد والمي
وانت الامـــل وانت السعـــــادة والالوان
وانته تباشير الــفـــــــرح وانته الضي
وانت الامــــاني و القصائـــــــد والالحان
انته قــمــــــر شعبان والشمس والفي
وانــت الزهــــور وانت البلابل والاغصان
مهما وصفتك كن مـا قلت فيك شيء
كيف أوصفك وانت السحايب والامزان
حبي حقيـــقـــــــه لا ظـــلاله ولاغــي ‍
انت الوحيد في خافقي بس له شــــان

شاعرة اليمن