وتلك خواطري هي بيتي الثاني

[قمر الحنونه]

ّّّّّّّّ(*علاقتي مع البشر دروس وبعض البشر بحياتي للاسف حصة دق جرسها ::وانتهتّ-)_-

[قمر الحنونه]

بديت بسم خالق الجيم والسين...
بسم رازق العبد عند بابه...
بسم اللي له الخلق مصلين...
خالق المطر بحضن السحابه...
سار !الدال! وصرنا معه سارين...
على المنتدى جاتكم*قموره*بجوابها...
سطرت لكم من مابقلبي سطرين...
ابمدح الصاحب اللي عزيزن جنابه...
ابونا عايض*ياسقم المعادين...
والله لو لا غلاك ما كتبت الكتابه...
ابك انت اللي لك العز عزين...
ياليت يجمعنا دم القرابه...
قدرك عندي الشوف ورموش العين...
من بغا العز ياخوك يشقابه...
سلمتك الغلا قدام عيون المحبين...
ماهمني من زعل وكثر عتابه...
غلاك عندي غلا*الخيال المطير ...
ياشوق العاشق لشوف احبابه...
والنجلا مايجتمع فيها ياكود ثنتين...
جود وتواضع ومقابله مابه كأبه...
كل اوصافها زيـــنــ(ن) على زين...
يكفيني إسلوبها الراقي لا حكابه...
ومحمد الغنامي وافي والله على الدين...
صافي النوايا عزه الله بين اصحابه
(*استاذ الحب -نور -رحيل -مسك -نايف الناجي -الجوهره-*صدود -غزلان-حبيس المشاعر-ملكه الرواسي-شاعره الرواسي- مهره يام-حنين الفصول -سهام الحب-عذب))...
هم مصدر الطيب وهم مخلااابه...
و هند مايحتاج بالغلا تدرين...
صحيح قاسيه ودايم عني تصدين...
لا استهبل حــنـــونـــه كلكــ ذرابه...
و طيرحوران له بدال الحق حقين...
شاعر متمكن بوزن القصيد والكتابه...
وشاعر ما يوفي وصفه سطرين...
شاعر سهمه حلو القصيد صابه...
وريم الفلا*بطيبها الكل دارين...
ونبض الوفا *حبيبها مايحتاج تكون عليه رقابه...
السموحه ان كان قصرت يالوافين...
ومن ماذكرته بالمدح محسوب إحسابه...
واختامها تحيه من الشرق للصين...
من الخليج لبلاد فارس والهابه .....*
اهداء هذي القصيدهـــ
لكل عضو في المنتدى
واتمنى من الي ماذكرتهم*
يعذروني
بقلمي قمر الحنونه

[قمر الحنونه]

**(موشرط اعجب الناس انا مو كل الناس تعجبني) **

[قمر الحنونه]

الاصدقاء اوطان صغيره ،،،انهم الوجــه الاخر للحــــــــب الوجه الذي لايصدا ابدا

[قمر الحنونه]

من بعد سواتــهم *يسآالوني متى نشوفككـ قلت/ الوعد0
ثاآمن أيام الاسبوع

[قمر الحنونه]

من علمك ياصاحبي تقول
((هــاي ))
وانت اللي من شفتني قلت
((الله حيه))
أخاف اللي علمك هاي يعلمك باي ...
وتروح بروحك من دون ((جيه))

[قمر الحنونه]

لاضاق صدرك واتعبك جـور دنياك والهـم،،، مـع واقـع زمـانك لعب بك ارفع يدينك ،،، يـاعسى الله يرعاك ما حدٍ بقـاضي حاجتك غـيــر ربك

[قمر الحنونه]

عسى الله ما يودي قلـبي لغيره ويأخذ بيدي على درب الهدايه ٓ وجميع درب اسلكه لي ينـيره ويكفينـّي شـرِ من يـدور ورايـه

[قمر الحنونه]

بين الرًدا والطيب تصنيف للنًـاس ياخذ بها الانسان تقًرير ( سًمعه ) . اما يجي مثل الذهب طيًب الساس ولا كمًا القًصدير ما غيًر ( لمعـهَ.. )

[قمر الحنونه]

اقفى مع الشيبان ذوق المجالس والعرف وسمان السوالف والأمثال وشلون تبغى العز من شخص جالس و بالإذن سماعه وباليد جوال

[قمر الحنونه]

ليت الليالي ليا من جابت الذكرى ! تعيدها بالحدث والصوت والصوره

[قمر الحنونه]

الله يــصبّرني علـىّ بعـضَ الـوجـيه اللـيَ علـّى شان الــحيا ؛ جـاملتهآ

[قمر الحنونه]

بعض الكلام اللي ماتحسب له حساب في قلب غيرك ... مايمر بسهوله . خلك مع العالم تعاملك من بااااااااب اللي ماترضى تسمعه .. لاتقووله

[قمر الحنونه]

كـل العرب فالرخا
عشره على عشره
كـلً يقـول الوفـا
عنـدي وأنـا الوافي
ولاجا نهار الشدايد
ضاعت العـشـره
راحت علـوم الوفـا
أربـاع وأنـصـافي

[قمر الحنونه]

ما طــلبنا النــاس مـدح ولاشفاعة
ولا نمـــن بشــي لامــن ،عطيـنــا
نفـــعل المعــروف مــن طــيب وقناعه
ولارفضــنا الشي ما يفرض علينا

[قمر الحنونه]

أنا الأول وأنا الثاني وأنا الـ بعدين
وأنـا واحد ما ينّسـي لو تناسيته

[قمر الحنونه]

يا الله ياللي عليك الضيق وإفراجه
تغفر لنفسٍ عليها الهـم ساهجها ٰ
نبعد عن المنه ونبعد عن الحاجه
ونطلب مـن الله سبحانه يفرجها

[قمر الحنونه]

اثر الغلا لھ سرعتن تشبـھ البــرق
تسكن خفوق الأدمي فـي ثوانـي

[قمر الحنونه]

ماني مثـل غيري ولا الغير مثلي
لي خـط سيرٍ مختلف في زماني
صعبـه علي غيـري يسد بمحلي
ومحـدن كفو ياخذ بوقتي مكاني

[قمر الحنونه]

ﺻﺪﻳﺖ ﻋﻨﻪ ﻭﺻــﺪ ﺻﺪﺓ
.. ﺗﺤـﺪﻱ ﻭﺭﺣﻨﺎ ..
ﻧﻜﺎﺑﺮ فـي ﺩﺭﻭﺏ ﺍﻟﻤــﺤبه
..ﻭﺍﻛﺒﺮ .. ﻣﺼﻴبه
ﻋﻘﺐ ﺻﺪﻩ وﺻﺪﻱ
ﻻ ﺯﺍﻝ يعشقــنيﻭﻻ ﺯﻟـﺖ ﺃﺣــﺒﻪ

[قمر الحنونه]

ياكم عرفت من الاوادم وصادقت
ويا كـبر فــرقٍ بـ الاوادم لــقيته
احـدٍ الــيا منّي ذكرته تـضايقت
واحـد الــيا منّي تـضايقت جـيته

[قمر الحنونه]

بينك وبين النــاس تكفيك اﻷخلاق
وبينك وبين الله ؛ صلاتك صلاتك

[قمر الحنونه]

يسعد صباح منهو عزيز وغاااااالي
ويسعد صباح منهو يتابعني بشوق
ويسعد صباح الجميع ااول وتااالي
أهل الوفاء والطيب والعز والشوق

[قمر الحنونه]

في مسيرك فـ التفاتك
في وقوفك تنحي لك ( هامةٍ ) ، بين المحاني .
حظ من هو لا بغى شوفك يشوفك
اشهد ان الله / عطاه ولا عطاني !!

[قمر الحنونه]

خلك قوي في الصعايب لا تلين
لو يطول الضيق ب العزم ابتره ٰ
ارض ربك و اطلبه حالك يزين
ولا تضايقت احمد الله واشكره

[الجووهره]

خوآطر رآئعه

ومتصفح جميل

ومبروك الافتتآح قمرنااا

مدونه عآمره بما هو جميل ورآئع

وبعد اذنك حبيبتي

ينقل الموضوع للقسم المناسب

الركن الهآدي

[قمر الحنونه]

خوآطر رآئعه

ومتصفح جميل

ومبروك الافتتآح قمرنااا

مدونه عآمره بما هو جميل ورآئع

وبعد اذنك حبيبتي

ينقل الموضوع للقسم المناسب

الركن الهآدي
منوره الجوهره يالله حيها ارحبي
من ذوقج يالاميره
تسلمين

[خيال مطير]

ارحبي ارحبي , ماشاء الله مدونه جميله , استمري , يالاميره

http://www.r111n.com/image.php?u=1964&dateline=1514840458

جوالك هذا وش نوعه ,




خيال ~

[قمر الحنونه]

ارحبي ارحبي , ماشاء الله مدونه جميله , استمري , يالاميره

http://www.r111n.com/image.php?u=1964&dateline=1514840458

جوالك هذا وش نوعه ,




خيال ~
الجمال جمال حضورك.. البقى يالامير حياك الله
والله اذا مو بعيد عن جوالك 8s🙊😂😂

[قمر الحنونه]

مسائكم عطر من عطور الرواسي

[قمر الحنونه]

يحسب الجفا يثر على صاحب المعروف
نسى أني عزيزة نفس جعله على القوه

[خيال مطير]

ـمساك .. مسَـــــــــــــك . ياقمر

[قمر الحنونه]

ننشد عن الخلان ونعز الاصحاب
واللي شرانا بالغلا مانبيعه

[قمر الحنونه]

ـمساك .. مسَـــــــــــــك . ياقمر

ومسائك يالامير ارحب حياك الله

[قمر الحنونه]

لاتظن القلب بعد المذله لك يميل
اعتبرني ياسيدي بحياتك عابر سبيل

[قمر الحنونه]

دنيتي بدونك مالها طعم!؟

[قمر الحنونه]

تكون لي قلب
اكون لك دقاتهة

[قمر الحنونه]

يسعد صباحك معاتبك وجراحك
زعلت قلبك خذ بثارك روق

ان كان شرهت الغلا تجتاحك
انا للصبح معاتبك ومتشوق

رفرف على صفح الرضا بفراحك
غليك بس لك الاساء متطوق

كم لي وانا هيج الحلا تفاحك
وانت الشعر والملهم المتذوق

اقول وينك لفني لجناحك
مليت من باب الحزن اتسوق

قلبي يتفتفت من سهام ارماحك
يالجارح اللي بالرمي متفوق

صبحي حزين وخاطري مباحك
من غبتالصبح مكتأب ومعوق

ويلك من الله لاتزير جراحك
نبكي سواء والا الجميع نروق

بقلمي قمر الحنونه

[قمر الحنونه]

غبت وبقى لك بداخلي صوت يدعيك
تبقى لك الذكرى معك تتبع خطاك

غبت وبقى لك دمعه انسان شاريك
عن كل خلانه والاقارب ابداك

غبت وعشقت الحلم لازارني فيك
لو كان يخدعني اذا قمت القاك

[قمر الحنونه]

انا بداخلي شي نفسي ابوحه
مدري تصدقني او تقول كذاب

راعي الرساله ترى انت روحه
وانت النظر له وانت رمشه والاهداب

انت اللي غيابك يسبب جروحه
وانت الوحيد اللذييفقده إذا غاب

[قمر الحنونه]

ليت الخلايق تنقلب كلها انت
واصير اشوفك كل ماشفت مخلوق

[قمر الحنونه]

عشقتك عشق بدوي
والحضريه لاعشقت بدوي مصيبه

[قمر الحنونه]

ليس كل مانفعله نريده
قد تجبرنا الظروف لفعل مالانريده

[قمر الحنونه]

سوف يسألك الله يوما عن مظلوم §ظلمته§
وعين §أبكيتها§ وقلب §اوجعته§

[قمر الحنونه]

سوف يسألك الله يوما عن مظلوم §ظلمته§
وعين §أبكيتها§ وقلب §اوجعته§

[قمر الحنونه]

عندما كنت صغيره كنت اتخيل الموت لايخطف
§الا الاجداد§
والان كبرت واصبحت أراه يمر بمن هو
§اصغر مني واكبر مني ومثلي§
ويتخطاني ويهمس لي :-سأعودلكِ يوما ما.
§اللهم أسالك حسن الخاتمه §

[قمر الحنونه]

اعتذر لي عذر وابتسم لوعذرك ضعيف
انت حتى فـ ابتسامتك لـ أعذارك عذر

[قمر الحنونه]

ياشينها لاصرت §معجب§و§خجلان§
خوف المصارح لاتجيب المطمه

اخاف اصارح بالغلا§ذاك الانسان§
وينقلب جو المصارح مذمه

وياشينها لاصرت §مغرم§ و §زعلان§
محد يراضي قلبك ومحد يمه

[قمر الحنونه]

ياشينها لاصرت §معجب§و§خجلان§
خوف المصارح لاتجيب المطمه

اخاف اصارح بالغلا§ذاك الانسان§
وينقلب جو المصارح مذمه

وياشينها لاصرت §مغرم§ و §زعلان§
محد يراضي قلبك ومحد يمه

[خيال مطير]

طاآآآب ليـ , ألمكوووووووووووث ؛:/, هنا ’

[قمر الحنونه]

ماهمني من لامني في كلامي انا لاقلت كلمه
§ادري وش وراها§

[قمر الحنونه]

وليا نساني واحداً قلت له §بااااااي§
يزعل ويرضى و اليالي §ترضيـــهة§

[قمر الحنونه]

بدأت أي مقوله :-
قد يكونون بالبعد..
°´´<أجمل>``°

[قمر الحنونه]

طاآآآب ليـ , ألمكوووووووووووث ؛:/, هنا ’

متضايقه شوي وانا لاتضايقه احط ضيقتي بالكتابه

[قمر الحنونه]

تدري وش اللي بحياتي @عشقته@
وجوؤدك اللي يسووى @الخلايق@

[قمر الحنونه]

..كل حاجه كنت ابيهاوماحصلت لي..
..يالله انك تجعل الجنه عوضها..

[قمر الحنونه]

ادري تمر بصفحتي لاتضايقت..
وتشوفوش سوى القصيد بغيابك

[قمر الحنونه]

حظي نخيته مير مابه حميا

[قمر الحنونه]

ياحفظ النعم..
احفظ لي قلبي..
على خبرك ماتغيرنا..

[قمر الحنونه]

ماهو ذنبي ولا ذنب الاقدار..
النار ماتختار حزمة حطبها..

[قمر الحنونه]

تصبحون على من تحبون

[خيال مطير]

ماهو ذنبي ولا ذنب الاقدار..
النار ماتختار حزمة حطبها..


هذا بلا أبوك , ي عقاب

[خيال مطير]

تصبحون على من تحبون


تلقين ,خيره أميرهه , لو اني اعرف , القمر , دايم سهاري ,,

[قمر الحنونه]

تلقين ,خيره أميرهه , لو اني اعرف , القمر , دايم سهاري ,,

تسلم يالامير صحيح وش دراك بي اني اسهى

[محمد الغنامي]

اتيت الى هنا
باحثناً عن ذالك العطر الفرنسي الفاخر
الذي عمت رائحته ارجاء الرواسي
فوجدتها تنبعث من بكوكب مضي
ممزوجاً بقطعة من الحنان
فتعذرت عن تأخري
واطلبت الاذن بالمكوث قليلا
والاستمتاع بكل ماهو جميل

قمر الحنونه
مدونه جميله ورائعه
ادامها الله عامره بكل ماهو طيب ومباح
مروري وتقديري المستمر
ولك اجمل تحيه

[قمر الحنونه]

اتيت الى هنا
باحثناً عن ذالك العطر الفرنسي الفاخر
الذي عمت رائحته ارجاء الرواسي
فوجدتها تنبعث من بكوكب مضي
ممزوجاً بقطعة من الحنان
فتعذرت عن تأخري
واطلبت الاذن بالمكوث قليلا
والاستمتاع بكل ماهو جميل

قمر الحنونه
مدونه جميله ورائعه
ادامها الله عامره بكل ماهو طيب ومباح
مروري وتقديري المستمر
ولك اجمل تحيه

صح همسك وبوحك يالامير محمد
الجمال حضورك وروعة تواجدك
اللهم امين
حياك الله بكل وقت

[ملكة الرواسي]

كنت هنا بالجوار ..