حامل المسك

[سلمى]

مشاعري باالشّعـر لا جيت أوصّفهــا
أسرد تفاصيلها بأجـــزل تعابيـــري
لن القريحه تجمّل بي وأنا أنصفهـــا
حقوقها مع تحياتـــــي وتقديـــري
أنحت صخور الشعر وبحوره اغرفهــا
وشاعره ماهـره ما يندهن سيـــري
من هجس روحٍ قـويّ الهم والفهـــا
أغني القـــاف وتصفّق جماهيـــري
تطـريني الناس دايم في سوالفهـــا
ماكن به شاعرهـ ف المملكـه غيري
تمدح بيوتي وتحفظهـــا وتعزفهـــا
وأنا مع الهم تومي بي مشاويـــري
تحبنـــي عالــــمٍ مانيب عارفهــــا
وتِطرب اسماعها نغمـة مجاريـــري
وتبغضني القُرب خالفهـا وسالفهـــا
وإليـا تعذّرت ما تقبــل معاذيـــري
والسّعد للي جميــل الحظ حالفهـــا
وحامل المسك يغلب نافخ الكيـــري

سلمى

[ملكة الرواسي]

الله عليكِ شاعرتنا
نص جميل وراقي
يعطيك العافية ولا هنتِ

[غمام]

لطالما كان أزهد الناس في الشاعر أهله وأقرب الناس له
،
كفو ياسلمى
صح لسانك مدد وبلغك خير الدنيا والآخرة

[محمد الغنامي]

تحبنـــي عالــــمٍ مانيب عارفهــــا
وتِطرب اسماعها نغمـة مجاريـــري

الله الله
سلمى القرني
صح صح لسانك مليون
مبدعه ورائعه كما عهدناك شاعرتنا
سجلي اعجابي وتقديري
ولك اجمل تحيه

[ريم الفلا]

مبدعه سلمى لاهنتي غلآتي وصح لسانك

[عبدالله الصقري]

صح لسانك و علا شانك اختي القديره
تقبلي مروري المتواضع
ولك جل ودي و تقديري و احترامي

[سلمى]

الله عليكِ شاعرتنا
نص جميل وراقي
يعطيك العافية ولا هنتِ


الله يعافيك وصح بدنك

[سلمى]

صح لسانك و علا شانك اختي القديره
تقبلي مروري المتواضع
ولك جل ودي و تقديري و احترامي

صح بدنك وابداعك

[سلمى]

مبدعه سلمى لاهنتي غلآتي وصح لسانك


الله يسلمك وصح بدنك أختي

[سلمى]

تحبنـــي عالــــمٍ مانيب عارفهــــا
وتِطرب اسماعها نغمـة مجاريـــري

الله الله
سلمى القرني
صح صح لسانك مليون
مبدعه ورائعه كما عهدناك شاعرتنا
سجلي اعجابي وتقديري
ولك اجمل تحيه



صح بدنك ودام ابداعك والله يسلمك أخ محمد

[سلمى]

لطالما كان أزهد الناس في الشاعر أهله وأقرب الناس له
،
كفو ياسلمى
صح لسانك مدد وبلغك خير الدنيا والآخرة

كفوك الطيب والعز

[شاعرة نجد]

من هجس روحٍ قـويّ الهم والفهـــا
أغني القـــاف وتصفّق جماهيـــري
تطـريني الناس دايم في سوالفهـــا
ماكن به شاعرهـ ف المملكـه غيري


الله الله
كفو شاعرتنا
وصح لساانك وداام ابدااعك

ودي وتقديري,’’