يهزني شوقي

[نايف خويتم]

يهزني شوقي لشوفك ولا طيق
بعدك وقلبي من عنا الوقت مشلوق

شق السحابه يوم لمع البواريق
ولا حريب طاح بالسيف مفلوق

اسمك وذكرك زينتً للطواريق
يا عزوت قليبن من الهم محروق

ابواب مسجونك ترهااا مغاليق
ماغير جسمن لي مع الناس مطلوق

والله ومن يحيي عظام المخاليق
ما غيرك بقلبي بهــالكون مخلوق

غلاك عندي شامخٍ كنه طويق
ومن نافس بحبك مع الوقت ملحوق

وانا يمينك بالليالي المضاييق
يا صاحبي حملني الحمل وطوق

هذا جوابٍ من صميم المعاليق
الشارب اللي ما ينومسك محلوق

[محمد الـفراج]

الله الله
صح لسانكـ
مليووووون ولا يكفووووون
مبدع يا نايف
قصيده جزله ولاهي غريبه عليك

[نايف الناجي]

والله ومن يحيي عظام المخاليق
ما غيرك بقلبي بهــالكون مخلوق

نايف خويتم
صح الله لسانك على هالنص الجزل ياجزل
تحيتي وتقديري

[رحيل]

الله الله
صح لسااااااااااانك لين ترضى
دمت ودام ابداعك وحضورك

[ملكة الرواسي]

راقي ومبدع كعادتك
صح لسانك ملاييييييييييييين

[الجووهره]

غلاك عندي شامخ كنه طويق

ومن نافس بحبك مع الوقت ملحووق


قصيده جزله وأبيات رآئعه

صح لسآنك مليووون ولا يكفووون

ويعطيك العآفيه على هالرآئعه

[الناقد/عبدالله الروقي]

صح لسانك يانايف ودام هذا الحضور الفاخر
أجمل تحية لك

[مهرة يام]

صح لسانك ملايين
نص فخم وجزل
وموغريب عليك الجزاله والابداع
يعطيك العافيه
تحياتي لك

[محمد الغنامي]

الله الله
نايف الناجي
صح لسانك مليون
مبدع وجزل شاعرنا
سجل اعجابي وتقديري
ولك اجمل تحيه

[النجلاء]

الله الله
ياسلام عليك وصح الله لسانك مدد بلا عدد
ابدعت وامتعت كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك الفاخر
تقديري وتقييمي لسموك
النجلاء