قصيدة الحر حر

[خيال مطير]

الــبـيــت مـا يـبنا على غيرسـيسان
حـتـى ولــو هـــو تـــــرابٍ وطـيني


والـدين مـحفوظٍ على خـمسةٍ اركان
والرجل يعرف بالكلام الرزينــــــــي


والــحــر حــر لـــو تــكــلـم بـليهان
والـنـذل نــذل ٍلو كلامه رطينـــــــي


عـلـيـك بـاللـي لا نـصـيـتـه كحيلان
للطيـب في وجهه مواري تبـــيني


اليـا نـصـيـتـه قــال حـيـاك يـا فلان
يـقـضي لــزوم لو تســـــلف وديني


والا الردي حـــذراك حذراك لو كان
يـطلع شـمال الـــــخط وانته يميني


لا نــافعٍ نــفـسـه ولا قــاضـيٍ شـان
تـبـلش مـعـه لا قلت له كلمتينــــــي


قــد قــالـهـا شـالـح ولا هـو بـغلطان
بـنت الـردي يـجي ولدها دوينــــــي


خـلـك مـع اللـي لا نـخـيـتـه بـلـيهان
تـلـقـاه فـالـشـدّه عـضيد وعوينــــي




الشاعرة:مها المطيري

[رحيل]

صح لسانه
وصح نقلك خيال لا هنت

[ملكة الرواسي]

صح لسان شاعرها ولا هنت خيال

[محمد الغنامي]

الله الله
خيال مطير
صح لسانك مليون
وصح لسان مها المطيري
نص جميل وعذب لا ابعد الحدود
سجل اعجابي وتقديري
ولك اجمل تحيه

[الجووهره]

قصيده رآئعه

وابيات ونصآئح جميله

صح لسآن الشآعره مهآ المطيري

ويعطيك العآفيه خيآل

على الاختيار والنقل المميز

[خيال مطير]

يعطيكم العافيه مشكورين ع المرور

[مهرة يام]

صح لسانك ولسان شاعرها
ابيات جميله
يعطيك العافيه على الانتقاء

[خيال مطير]

يعطيكم العافيةة مشكورين ع المرور