الأحسان

[أحمد السليمان]

فكرت في مبدى القصيده وسجيت
وخذت لي ساعه وانا مالقيته
وفجاءه بدون انذار فجاءه وصل بيت
بالفكره اللي بالسعد مستميته
احسن الى العالم ولا تقول مليت
كان الجزء من عند ربي نويته
اقولها مانيب عالم وياليت
ليا زرعت الخير بيدي جنيته
اعط الامل لهل للمساجين لجيت
واطلق سراح الضحك مالك نسيته
وفي عتمة الاحزان ناديت ناديت
ثم طال ليل الحزن لكن سريته
فكرت ثم فكرت وقمت وتوضيت
وراحت همومً فالحناياا مبّيته
برجع اشد البيت واعيد مابديت
احسن ترا الاحسان اجرً بغيته
حتى عدوك لو تمادى وّ تمديت
واحسنت له اصبح رفيقً شريته
والرفق والاحسان من دون توقيت
طب المشاكل مثل جرحً كويته
ولولا الخطا ماشفت صحً ولا ريت
في واقع الايام علمً قريته
واحسن الى العالم ولاتقول مليت
دام الاجر من عند ربي بغيته

[خيال مطير]

حتى عدوك لو تمادى وّ تمديت
واحسنت له اصبح رفيقً شريته
والرفق والاحسان من دون توقيت
طب المشاكل مثل جرحً كويت



صح لسانك , يالامير وبيض الله وجهك

[النجلاء]

احمد السليمان
صح الله لسانك مدد بلا عدد
ابدعت وامتعت ولا هنت شاعرنا
دمت ودام مداد قلمك ورقي حرفك
تقديري لسموك
النجلاء

[ملكة الرواسي]

صح لسانك ولا هنت
نص جميل بجمال حضورك الراقي
يعطيك العافية

[محمد الغنامي]

احمد السلمان
صح لسانك واعتلا شانك
مبدع وجزل شاعرنا
سجل اعجابي
وتقديري

[رحيل]

صح لسانك لين ترضى
ولاهنت على النص الرائع

[ذايع الصيت]

صح لسانك احمد
ننتظر جديدك

[مهرة يام]

صح لسانك شاعرنا
ابيات جزله ورائعه
يعطيك العافيه احترامي لك

[أحمد السليمان]

صحت ابدانكم ولاهنتم ع المرور


تقديري للجميع