الحب ماهو مجرد هرج ينقالي

[بشير العتيبي]

يـا طالب الـنـصـح ليتك تسـمـع أقوالي
وانـا تـرى مـانــــي صـغـيّـر ولا كــاهل

أيضـاً ولانــي عـلـى كــل الـبـشـر والي
مـانــي بـ قـاضـي ولا سـيّـد ولا عـاهـل

لـكــن درســت الـزمـان أولــه والــتــالـي
وأخـذت مـنـه دروس وشـلـت بـ الـكــاهل

حـمـلاً يـنـوخ ركـــاب ويـحـنـي اجـبـالي
يــــبـكـي لــه الـقـلـب لـو أن الدمع ماهل

حال الـبـشـر للأسـف في هـ الزمن بالي
عـلـى الـنـشـامـا رقــــا المـقـرود والجاهل

والعمر يمـضي عـسـى الله يستر الحالي
والخـلـق مـا بـــيــن مسـتــغـفـر ومتجاهل

اتـغـانم اللـــــــي بـقـا بـ العـمر يـ الغالي
واطلب رضا اللـي على المـخـلـوق متماهل

قـصـيـدتي الـيــوم تـنـصــا طـيّـب الفالي
الــوافــي اللــي مـن بــحــور ألـوفــا ناهل

امـوجـهـه للـبــــشـــر نـســوان وارجــالــي
نصيحةٍ مــــن هــجـــوس إنـسان متساهل

أشفق عـلـى الخـلـق واخــشى ربي العالي
واســلــوم فــيــهـا الـفــخـــر والمجـد متأهل

والـحـب مـــاهــــو مــجـــرد هــرج يـنـقـالي
يـا جــاهــــل الـــحـــب قــلـي لا متى جاهل

ان كــان فــــي قـلــب مـــن حبـيـت ما تبالي
للــحــزن والـــــهــــم والـــحــرمـــان تستأهل

الــشـخـص يـنـقـاس بـ اخـــلاقــه وألافعالي
وكلمة كـفـؤ مـا تــجــي المــخـلـوق بـ الساهل

الشاعر بشير العتيبي

[برق القصيد]

قـصـيـدة الـيــوم تـنـصــا طـيّـب الفالي
الــوافــي اللــي مـن بــحــور ألـوفــا ناهل

بيت عن قصيدة صح لسانك

[ملكة الرواسي]

صح لسانك نص راقي
يعطيك العافية

[ريم الفلا]

لــشـخـص يـنـقـاس بـ اخـــلاقــه وألافعالي
وكلمة كـفـؤ مـا تــجــي المــخـلـوق بـ الساهل

أحسنت بشير صح لسانك ابيات جميله لاهنت

[النجلاء]

صح الله لسانك ملايين يابشير
كايفه ونايفه وجزله كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك الفاخر
تقديري وتقييمي لسموك
النجلاء

[محمد الغنامي]

الله الله
بشير العتيبي
صح لسانك واعتلا شانك
نص عذب ورائع كما عهدناك
سجل اعجابي وتقديري
ولك اجمل تحيه

[هزاع محمدالعاصمي]

صح السانك شاعرنا
ابدعت وامتعت ابيات جزلة من راس جزل تحوي من الحكمة
الشي الكثير اسعدني المرور من خلالها طبت وطاب الشعر بوجودك
اجمل وارق تحية

[مهرة يام]

صح لسانك
مبدع وجزل ياشاعرنا
يعطيك العافيه على الرائعه
تقديري لك

[نايف الناجي]

صح لسانك وبيض الله وجهك
على هالنص الجزل ياجزل
تحيتي وتقديري

[شاعرة نجد]

الــشـخـص يـنـقـاس بـ اخـــلاقــه وألافعالي
وكلمة كـفـؤ مـا تــجــي المــخـلـوق بـ الساهل

بيت عن معلقه
صح لسانك صح لسانك

تقديري,’’

[رحيل]

الله الله
صح لسانك مليوووون على هالرائعة