وقت ٍ مضى دونه عوا ضاري الذيب ..؟!

[احمد العوفي]

لولا الضلوع المهدفات المحاديب
خطرٍ على قلبي يخلي محله

ذكر علي فجوج جردٍ مجاديب
يوم العمر ياسعود في مستهله

وقتٍ مضى دونه عوا ضاري الذيب
اللي ضلوعه بالصدا جاوبن له

عنا تنحا راح ماله مقاضيب
قفت عليه ايامها والاهله

ياما جلسنا حول ذيك الجراجيب
دون الهضاب اللي صبا شارفن له

جلست نشاما بينهم فايح الطيب
وبن اليماني بالبغاديد زله

بين الضمائر مامشى الشك والريب
اصفى من اللي رايح الديم عله

شغم العيال اللي قلايل عذاريب
مافيهم اللي بالمجالس تمله

ياسعود عنيت القوافي مناجيب
اللي هجوسي ساقها وطاوعن له

وجده على ماضيه ولا له مطاليب
غيره ولا له فيه دقه وجله

لك السلام ومقدمين المواجيب
رد السلام للي تواجه وقله

تطلع علينا الشمس كل يوم وتغيب
غير الدوام ووض وقتك وصله .

تحياتي

[ملكة الرواسي]

الله عليك
ابداااااااااااع صح لسانك ملايييييييييييين
نص جميل بجمال حضورك الراقي
يعطيك العافية ولا هنت
.

[محمد الغنامي]

الله الله
بن عاتق
صح لسانك واعتلا شانك
نص عذب وجميل جداً
سجل اعجابي
وتقديري

[محمد الـفراج]

ابن عاتق
صح لسانك
مليووون ولا يكفووون
قصيده جزله لا هنت

[النجلاء]

العوفي
صح الله لسانك مدد بلا عدد
ابدعت وامتعت ولاهنت شاعرنا الجزل
دمت ودام مداد قلمك ورقي حرفك الفاخر
تقديري لسموك
النجلاء

[رحيل]

الشاعر احمد العوفي
لله درك
في قمة الابداع والجزالة
صح لسانك لين ترضى على هالرائعة

[الناقد/عبدالله الروقي]

الأخ أحمد العوفي
صح لسانك ودام هذا الحضور الجميل
أجمل تحية وتقدير ،،،

[ناصر الهواوي]

صح الله لسانك ولا انلجم لسانك يالعوفي
لاهنت وبيض الله وجهك

[احمد العوفي]

احبتي الف شكر لاطلالتكم المبهجه



جل تقديري واحترامي

[شيخـــة الغــيــد]

/

صح لسانك وبيض الله وجهك
على هذه الرائعه المميزة الجــــــــزلة
أبدعت و أمتعت

لاهنت

[احمد العوفي]

/

صح لسانك وبيض الله وجهك
على هذه الرائعه المميزة الجــــــــزلة
أبدعت و أمتعت

لاهنت


صحت رووحك

والروعه تكتمل بحضورك البهي لاعدمتك


الف شكر لك



تحيااااتي