علموه إني على وصله شفوق

[الجووهره]

علموه اني على وصلـه شفــوق
ولو يطول البعد مارخص في غلاه

له حقوقن غيـر عن كَل الحقــوق
هـو هــوا الخفّــاق هــو داه ودواه

من غلاتـه يســري بوسط العروق
ومن غيابـه مانست عينـي هـــواه

حبه بوسط الحشــا دايـــم يفـوق
عن جمــيع الغيــد يعــــلا مستـواه

فِيـےّ سما حبــي له رعــود وبـروق
وماتمـنى القـــلب مخلوقٍ ســـواه

عالـي بحــبه ومن فــوقن لفــــوق
ومن رحـل قلــبي رحـل يتبع خطاه

مايـروق البــال لين انّـه يـــــروق
ولا تزيـن الحـال لين اسمع حكــاه

هو قمـر ليـلي وهـو معنا الشروق
وهو فضا روحٍ تنــومس في فضاه

منه يازيــن الجـــروح ام الفــتوق
دام شــوفه يشـفي جـروحي فداه

لـه وصــــوفن كـــلها رقـــه وذوق
وله حياة اللــي تغربــل من جفـاه

جفـن شعــري كـَل مايغفــا يفوق
والسبب حبــه وغيـــبته وحـــــلاه

له غلا له حــــب له قيمـه وشـوق
ياعسا يـــرحم حبيـــبه ياعــــساه

ودي اكتب حبــه بـــدم العــــروق
وودي اوصـف ميـر يازيــن النجـاه

مابقــى غيــر اعتـزي بعيـال روق
واعتزي بعيال بـرقا من غــــــلاه

الله اكــبر كيـف حبــه دوم فــوق
و الله ... اكـبر كيـف قلبي مانساه

ايه سلعــة بس ماتجلــب لسـوق
يجلبون السـوق بـس يبدي رضاه

طال بعــده والهـــواي مايــــروق
لين يلمــس كف معشوقن بغـــاه

وفي ختــام القول والمعنا سبوق
و الله ان آمـوت مارخص في غلاه


للشآعر خآلد بجآد الدلبحي العتيبي

[خيال مطير]

مايـروق البــال لين انّـه يـــــروق
ولا تزيـن الحـال لين اسمع حكــاه

هو قمـر ليـلي وهـو معنا الشروق
وهو فضا روحٍ تنــومس في فضاه


الله الله صح لسانك . ولسان شاعرهاا

وصح ذوقك الراقي

[محمد الغنامي]

الله الله
الجوهره
صح لسانك وصح لسان شاعرها
انتقاء جميل ورائع مشرفتنا
سجلي اعجابي وتقديري
ولك اجمل تحيه

[الجووهره]

خيآل ، محمد الغنآمي

تسلموون و مشكوورين

ومنووورين يا الغآليين

[النجلاء]

الجوهره
يسلم ذوقك الراقي ياذوق
انتقاء جميل كما تعودنا من سموك
شاكره لك وجودك ومجهودك
تقديري لك
النجلاء

[صـدووودٓ]

‎صح لسان شاعرها ويد ناقلها
‎ابداع لايضاهى بالاختيار
‎ماأجمل إحساسك وأرق كلماتك
‎اختيارك دوماً مميز

[ملكة الرواسي]

ابيات روعه غلاي
صح لسان شاعرها ويسلم ذوقك

[الجووهره]

نجووله ، صدود ، ملووكه

تسلموون ومشكوورين

ومنوورين يا الغوآلي

[مهرة يام]

نص جميل وانتقاء راقي
يعطيك العافيه
تقديري لك