وان ساءلوك الناس وش عقب سكرتك - برزخ نعيم وعقبها عشت جنّة

[فهد الثمالي]

شفني قتيلك والسبايب محبتك
إعلن عزاك بوسط قلبي وهنّه



ركني الهادي

احساس حرف
بقلمي لا منقول

[ملكة الرواسي]

يدوم نبض قلمك


مبروك افتتاح مدونتك الخاصة
متابعة



،

[فهد الثمالي]

يدوم نبض قلمك


مبروك افتتاح مدونتك الخاصة
متابعة



،


يدوم عزك أخيتي

يبارك فيك
من ذوقك ربي يحفظك

متابعتك شرف ويثلج صدري بعد
وحياك

[فهد الثمالي]

جوهرة إبداع

اكتسى حرف القصايد من فتونك
وانهمر ديمه بعد لوعة جفافه


وارتسم عيد المشاعر في عيونك
واكتحل ليل القصيد بنور شافه


وارتمى في حضن دافي من سكونك
والتحف عشق وغزل زان التفافه


وين ماخطيت حرفي صار لونك
وارتوى من نهرك وعاش بظفافه


صورتن ترمى عذارى الكون دونك
جوهرة ابداع واتقان وخرافه


ماتخيلت الشعر لحظه بدونك
ياعيون الشعر واجمل اصطفافه


الغرام بلذة الدنيا فنونك
والحياه بنهر نبضك وارتشافه


ماكتبتك والله انك يكتبونك
انتي اول شي والباقي وصافه


مانظمتك لا ابد هم ينظمونك
كل وصفن فيك للحرف ارتصافه


اسمك وشكلك ولونك يبتدونك
وايتوسّطهم احاسيس ورهافه


والصفات العذبه اللي ينتهونك
ينتهونك يبتدونك بارتدافه


امنعيني دامهم مايمنعونك
عن عيون الناس فيني والمخافه


الضلوع الدار فيني يلحفونك
والوفا حصن ومنايع للنكافه


نادني فيني لهم ما ينصفونك
خافقن ينبض لهم عشق ورآفه


شوفني كلي انا والله يبونك
لوتغيب آغيب انا ظلم وحسافه


لو تناديني اجاوب لك ياعونك
وافرد ضلوعي واغنّي لك سُلافه

,,,,,,,,,,,,,,,,,

[الجووهره]

الشاعر فهد الثمآلي

مبرووك افتتاح المدونه

وصح لسآنك

متآبعه للابدآع هنااااا

[فهد الثمالي]

الشاعر فهد الثمآلي

مبرووك افتتاح المدونه

وصح لسآنك

متآبعه للابدآع هنااااا

يبارك فيك أخيتي
من دواعي سروري المتابعة

اتشرف دوما بوجودك

حياك وبياك

[فهد الثمالي]

ليت الأماني

لـــيـــت الامـــانـــي تـنــتــهــي فـــــــي عــيــونـــك
واصــيــر انــــا بـســمــه تــجـــي فـــــي مـحــيــاك
ابـــي اعـيـشـك وارتـمــي وســـط كــونــك
صوتك هناي وهرجتـي فـي حكايـاك
يـالــيــت شــوقـــي والــعــشــق يـجـمـعـونــك
وانـثــر عـلــى خـــدك نـسـايـم سـجـايـاك
شمسك دفاي ومرتعـي فـي حصونـك
بامرك اعيش وحافظن لك وصاياك
قلبي وروحي يالغلا يطمعونك
هم كلهم لجلك وهم لك سواياك
ودي اكون اللمحه اللي بسكونك
واللا اكون الغنوه اللي بشفاياك
يا عطرك الفاتن وريحة دخونك
ريقك وطعم العشق واعذب سقاياك
يا ذوقك الفاخر وأبهى فنونك
أجمل وأرقى عشق واغلى هداياك
طبك وجرحك والشقا في شجونك
مجمل احاسيسك ومالك حناياك
ابختصرها لك وبرضي جنونك
انا نهايات الحلوم برجاياك
,,,,,,,,,,,,,,,,

[فهد الثمالي]

استبيحكم عذرا
غياب قد يطول
الجميع في المنتدى دون استثناء
اسأل الله لي ولكم الحفظ والتوفيق

[محمد الغنامي]

الف الف مبروك افتتاح المدونه
ان شاء الله تكون مدونه مليه بكل ماهو جميل ومفيد
اعتبرني من زوارك ومن مرتادي هذه المدونه
سجل اعجابي وتقديري


وان شاء الله اخر الغيبات
تروح وترجع بالسلامه

[الجووهره]

في حفظ الله

وتر جع بالسلامه ان شاء الله

[ملكة الرواسي]

https://1.bp.blogspot.com/-74W-ojb8KNg/WIomttLnaOI/AAAAAAAAnz8/Uk63Gdcxb84yqdNub_MTLuREhmUR1eRAACLcB/s1600/Good-Morning-Flower-pictures7.jpg