شيله في رجل الاعمال / فهد بن رجا العمراني ووالده كلمات/ علي آل حسن العلوي اداء / عذب الشمال

[علي آل حسن العلوي]

شيله في رجل الاعمال / فهد بن رجا العمراني ( ابو عزام )
وفي والده رجا العمراني ( ابو حمود )


كلمات : علي آل حسن العلوي
اداء : عذب الشمال


https://d.top4top.net/m_587ot0nx0.m4a

قال اللذي حده على بدع الالحان
ذكر الرجال النـٌدر الصيرميه
ناب القلم سال الحبر منه وزدان
مدح الرجال الخيره والوفيه
سلام مني يا فهد يا كحيلان
جتك القصيده والمشاعر نقيه
تعداد برقن لاح من وسط الامزان
وعداد نسمات الهبوب العذيه
تتسابق احروف القوافي والاوزان
في مدح ناسن بالعطايا سخيه
والمدح يزهى فيك يا طير حوران
من روس قومن لهم حقن عليه
الاجودي ذكراه تبقى فالاذهان
وانته يبو عزام ذكراك حيه
من لابة العمران وافين الايمان
اهل الكرم والمده الحاتميه
تشهد لك افعالك على مر الازمان
من ظهر رجالن عزومه قويه
ولا بد نذكر للوفا عالي الشان
والدك يا نسل الشرف والحميه
ابو حمود اللي يرجح كل ميزان
تفصح عنه وقفاته الاجوديه
مواقفه تبقى على الصدر نيشان
من طيب مدات اليدين الثريه
وللطيب في نظرة محياه عنوان
مرباع لكبود الرجال الضميه
في مجلسه تلقى به ادلال رسلان
فيها يفوح الهيل والشاذليه
وخوانه اللي فعلهم خير برهان
وقت اللوازم يجزلون العطيه
والشيله اللي صغتها بعذب الحان
عذب الشمال ايسوقها لك هديه
وختامها ارفق مع الشكر عرفان
ورفق مع الشيله سلام وتحيه

[محمد الغنامي]

الله الله
صح لسانك واعتلا شانك
ابداع غير مستغرب
يستاهل الممدوح وبيض الله وجه الماده
مروري وتقديري
لاهنت

[علي آل حسن العلوي]

اررررحب يا خوي محمد الغنامي

صح بدنك يا بعدي ولا هنت

ووجهك ابيض يالغالي

دائما تسعدني بوجودك

تقبل وردي وخالص ودي

وفقك الله

[رحيل]

صح لسانك ودام ابداعك رااائعه

[ملكة الرواسي]

صح لسانك ملايييين
بيض الله وجهك كفيت ووفيت
يعطيك العافية شاعرنا

[علي آل حسن العلوي]

صح بدنك يا رحيل

وفقك الله

[علي آل حسن العلوي]

صح بدنك يا ملكه الرواسي

الله يعافيك

[النجلاء]

صح الله لسانك مدد بلا عدد شاعرنا
نص رائع وشيله رائعه
ابداع غير مستغرب
شاكره لك وجودك ومجهودك
تقديري لسموك
النجلاء

[سحاب]

صح لسانك يالشاعر
شيله رائعه يستاهل المادح والممدوح
تحياتي لك

[علي آل حسن العلوي]

ارحبي يالنجلاء والله ان ترحبي

وصح بدنك ولاهنتي على جهودك

المبذوله في سبيل

رفعه المنتدى

وفقك الله

[علي آل حسن العلوي]

ارحب يا سحاب

وشلونك عساك طيب


تستاهل الطيب والعلم الغانم

صح بدنك ولا هنت

وفقك الله

[محمد الـفراج]

الله الله
صح لسانك
مليوووون ولا يكفووووون
مبدع مبدع
قصيده جزله ولاهي غريبه عليك يالامير