يامرحبــا ..والقلب فــزّ ..ودعــاا لك !!

[شيخـــة الغــيــد]

/

القلب قلبك .. والمشاعر مشاعرك
اجرح وعذب يا حبيبي حلالك..
,
غالي ولوتخطي على القلب عاذرك
سو الذي يرضيك واللي في بالك !!
,
خابرني ميت في غرامك.. وخابرك
تموت في حب التملك .. وانا لك !!
,
ان كنت صاحي مع خيالك اسامرك
وان نمت في حلمي يجيني خيالك!!
,
يعني على كيفك وذوقك وخاطرك
اجيك انا كلي ... وكلي فدالك!!
,
اموت في غيضك وعقدة نواظرك
واموت في صدك واموت بوصالك
,
واموت في همسك ليا جيت احاورك
وفي دهشتك .. لاقلت ادور بدالك!!
,
واموت لاشع الضيا بأجمل صورك
واغيب معها .. وألتهي في جمالك!!
,
وتقول وش رايك؟ واقرب واشاورك
انت الله اعلم وش نهاية دلالك ..؟!
,
ياأني بموت وبندفن في محاجرك
او يمكن أحيا وانهبل في هبالك!!
,
وتضحك وتفرج بالسعاده سرايرك
وانا على ضحكة شفايفك.. هااالك!
,
ذوبتني مابين ملحك . . وسكرك
واهديتني قلبك..وروحك..وحالك!!
,
أقدر جهودك في حبي .. وأقدرك
وأسكنك بين الحنايا .. لحاالك!!
,
ومني جزيل الشكر والقلب يشكرك
على سموك يالغضي .. وإكتمالك!!
,
سبحان من كمل وصوفك وصورك
وخلا مجالي يندمج في مجالك !!
,
إن غبت عني قمت اهوجس وادورك
وأنشد عن ديارك .. واجي وآعنالك!!
,
وإن جيتني برضاك .. ماجيت مجبرك
يا مرحبا ... والقلب فز ودعالك !!
,
بس انت تكفى دامني صرت شاعرك
إن غاب زولك .. لا يغيييب إتصاالك

/

[خيال مطير]

ذوبتني مابين ملحك . . وسكرك
واهديتني قلبك..وروحك..وحالك!!
أقدر جهودك في حبي .. وأقدرك
وأسكنك بين الحنايا .. لحاالك!!




يعطيكِ العافيةة راق لي طرحك

تحياتي لسموك

[محمد الغنامي]

الله الله
شيخة الغيد
صح لسانك وصح ذوقك
ذائقه جميله جداً
سلمتي ولاهنتي

[ملكة الرواسي]

شيوخه
روووووووعه كعادتك غلاي مبدعه
لا هنتِ على نقلك

[شيخـــة الغــيــد]

/

صح حضوركم الرااقي ودام
ولاهنتم ع مروركم العذب

ممتنّة لكــــــــــم ربي يسعدكم

[النجلاء]

شيوخه
يسلم ذوقك الراقي ياذوق
انتقاء جميل كما تعودنا من سموك
دمتي ودام عطائك ووجودك المشرف
تقديري لسموك
النجلاء

[مهرة يام]

صح لسانك ولسان شاعرها
ذوق جميل وانتقاء اجمل
يعطيك العافيه
احترامي

[شيخـــة الغــيــد]

/

نجولة & مهورة

سلمتما غالياتي ع الحضور الجميل

لاعدمت هـ الطلة الغالية