محمدبن عبيان القحطاني
16-06-2017, 10:55 PM
لا تشتكي حالك على كل من جاك
بعض البشر يفرح الى قلت مهموم
يخفي سمومه بين همك وشكواك
يشمت بحالك والحصيله شقا و لوم
...
واحذر من اللي ينقل الهرج لعداك
يظهر لك الطيب وهو منه معدوم
قلبه مريض ويخلط السم بدواك
يعرض عليك الرأي والرأي مسموم
وابعد عن اللي يستغلك الى جاك
تلقاه دايم بين الأخيار مذموم
احسب حسابك في كلامك ومعناك
وسط المجالس كل ما ادليت بعلوم
خل سمعـك اكثر من كلامك وفتواك
تلقى القدر يمك من الناس ملزوم
ولا تذكر افعالك بما تجود يمناك
عنك الولي يدري ولك الخير مقسوم
وخلك مع اللي يشتكي لك وينخاك
بك ينتخي من ضيم الأيام وهموم
خذها وصايا تسعدك دوم دنياك
واحفظ معانيها تحفظك من اللوم
بعض البشر يفرح الى قلت مهموم
يخفي سمومه بين همك وشكواك
يشمت بحالك والحصيله شقا و لوم
...
واحذر من اللي ينقل الهرج لعداك
يظهر لك الطيب وهو منه معدوم
قلبه مريض ويخلط السم بدواك
يعرض عليك الرأي والرأي مسموم
وابعد عن اللي يستغلك الى جاك
تلقاه دايم بين الأخيار مذموم
احسب حسابك في كلامك ومعناك
وسط المجالس كل ما ادليت بعلوم
خل سمعـك اكثر من كلامك وفتواك
تلقى القدر يمك من الناس ملزوم
ولا تذكر افعالك بما تجود يمناك
عنك الولي يدري ولك الخير مقسوم
وخلك مع اللي يشتكي لك وينخاك
بك ينتخي من ضيم الأيام وهموم
خذها وصايا تسعدك دوم دنياك
واحفظ معانيها تحفظك من اللوم