مشعل العطاوي والشاعر سداح الغنامي

[خيال مطير]

في الأيام السابقه اتصل الشاعر مشعل العطاوي
بـ الأستاذ نواف الغنامي مُعد دواوين الشاعر سداح الغنامي العتيبي
وطلب مشعل نسخه من ديوان سداح الأخير "حي صوتك"
وقدم الغنامي لـ مشعل اربع نسخ هديه ,





وبهذه المناسبه يقول الشاعر مشعل العطاوي:


البدايه جيت ظلم ابغى الوصيـه
وانت من قوم"ن" يحفظون الامانه


ولا دريـت الا مسلمهـا هديـه
كيف لا بيني ولا بينـك ميانـه


افرحتني مع فرح عيد الضحيـه
وزادها سداح صـح الله لسانـه


شاش راسي من معانيه القويـه
ومن يراهن فيه مايخسر رهانـه


ميـر يانـواف مداتـك نـديـه
والرجل لامد تعرف ويش شانـه


اسلم وسلم علـى ذوي عطيـه
عقب مادارت سيور الاسطوانـه





وجاء الرد من سداح الغنامي:



البدايـه والنهايـه عالمـيـه
بيض الله وجه من سجل بيانه


هاضني طرقه عسى ايامه مديه
طرقه المضمون مايبغى ضمانه


ا لمدوح اللي مفصلهـا عليّـه
تشهد انه من رفيعين المكانـه


بلغه منـي سلامـي والتحيـه
وعلمه سداح عدك من خوانـه


وبالنيابه عايده والشمس حيه
ولا عليك ولا على مشعل مهانه


يابعد قوم"ن" مذاهبهـم رديـه
يعلجون احقادهم علج اللبانـه


كل واحد منتفخ كبـر المطيـه
معك امانه تمسطه بالخيزرانـه






منقووووووووووووول
خيال ~

[مهرة يام]

الله الله
محاوره جميله وجزله
من شعراء جزلين ومبدعين
يعطيك العافيه خيال
علي النقل والطرح
تقديري لك

[محمد الغنامي]

الله الله
صح لسانك واعتلا شانك
يستاهل مشعل الهديه المتواضعه
وصح لسانه وسداح يستاهل المدح
خيال مطير
سلمت يداك ودام عطااك
دمت بخير وسعاده

[ملكة الرواسي]

محاوره جميله وراقيه
لا هانوا جميع
يعطيك العافية خيال

[شيخـــة الغــيــد]

/

بدع ورد وافيين
نقل موفــــــــــــق ياخيال
سلمت ولاهنت

[النجلاء]

شعراء مبدعين وجزلين
صح الله لسان الشاعر مشعل العطاوي والشاعر سداح
وتسلم يمينك على النقل والاختيار المميز
تقديري لسموك
النجلاء

[خيال مطير]

يعطيكم العافيةة مشكورين ع المرور

[نسمة]

كلمآت قمه بالرَّوووووعـــه والجمــآآل ..
أبْدَعتْ .. وَأَتْقَنتْ الإختيــآر ..
دمـــت لنآ .. ودآم ولنــآ قَلَمــك الناابض ..
تــ ح ــيتي .

[الجووهره]

صح لسآن العطاوي
وصح لسان سداح
ويعطيك العافيه خيال
على اختيارها ونقلهااا

[خيال مطير]

صفاء
جوهرتنا ألغاليه

مشكورين لاخلى ولاعدمم