يالله يالمطلوب ياخير معبود

[خيال مطير]

يالله يالمطلوب ياخير معبود
ياعز عبد بالخفيـــة شكاله
ياخير مدك على الناس ماجود
ولاخاب عبد كل يوم يسالــــه
ترثي لقلب به مجاريف ولهود
ومن الرفاقة ضيق الهم بالــــه
عزي لربع طاوعوا شور محمود
مدري بلاهم غيض ولا جهالة
والا بلاهم هفوة الحظ وحسود
لاصار محد خاسرٍ من حلاله
محاكي فيها علي الرجل منفود
ومجالسن مافيهن الا الرذالــــة
والله يمين الحق مشهوُ منشود
اني مدور عزكــم بالعدالــه
والا فلا لي من هوى النفس مقصود
الا معزتكم على كل حالــــــه
يقمح صبي بنشوته ماادرك الجود
ولا رز هومات المراجـــل سبالــة
هذاك لايعني ولاهو بممفقــــــود
ودك مع الخفرات يلبس جلاله
المرجله حبل طويل وممــــــدود
ياكود من تقصر عن الما حباله
واللي يريد الجود ماهو بمردود
كم واحد اهفى مقامه فعاله
يامشير بالفرقى طلت وجهك السود
درب المراجل ماعليها كفالـــــة
اللي يريد الجود ماهو بمردود
شوف العيون ولا يعوز الدلالة
يرخص بعمره ثم يروي شبا العود
الا ولا يشح باعطاي مالـــــــه
يالعبد لايطغيك في نفسك الزود
دنياك مثل الفي عجل زواله
دنياك مادامت لسعدون وسعود
وعبد العزيز اللي عرفنا فعاله
دنياك لو تعطيك امانات وعهود
خوانه مايأمن القلب جالــــه
الا ولا دامت لكسرى وداود
كم نفذت حي تحطه بجاله
صلاة ربي عد مارح مشدود
يم الجبل والبيت مست حباله
على النبي مقلط الحوض لورود
اللي يشفع لأمته من جلاله
ــــــــــــــــــــــــــــــــــــــــــــــــــ ــــــــــ
مشعان بن هذال
شاعر وشيخ عاش في القرن التالث عشر
وتوفي سنة 1260

[النجلاء]

يسلم ذوقك ااراقي ياذوق
انتقاء جميل كما عهدناك
شاكره لك وجودك ومجهودك
تقديري لسموك
النجلاء

[محمد الغنامي]

خيال مطير
يسلم ذوقك ويسلم حضورك
انتقاء رائع وذائقه اروع
صح لسانك وغفر الله لشاعرها
سجل اعجابي وتقديري
لاهنت

[خيال مطير]

يعطيكم العافيةة مشكورين ,ع الردود .
محبكم
خيال ~

[ملكة الرواسي]

اللي يريد الجود ماهو بمردود
شوف العيون ولا يعوز الدلالة
يرخص بعمره ثم يروي شبا العود
الا ولا يشح باعطاي مالـــــــه
.

يسلم ذوقك واختيارك الراقي
خياااال لا هنت

[خيال مطير]

وووووذوقك ملكة
تحياتي لشخصك