ماكل من يركب على الخيل خيال

[خيال مطير]

ماكل من يركب على الخيل خيال

ولا كل خيل تعجبك هي أصيـله

ولاكل من يعجبك هرجه برجال

بعض العرب ملسون وايده بخيله

الكل يلبس ثوب وشماغ وعقال

وعند اللزوم افعالهم هي قليـله

الرجل تثبت له أقاويل بافعال

لاقال شئ ونفذه هو دلـيله

والرجل لاشفته مع القيل والقـــال

ابعد عنه هذا صفاته عليــله

والكذب خله عنك مافاد لو طال

قول الصدق ياصاح غنم وجميـله

وخلك شجاع وذي صفات للابطال

اللي كما سيوف تبارق سليـله
واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجيله

وبعدالكدر تشرب صفا عذب وزلال

هذا الزمن فيه استــــقامه وميله

وصاحب خليل لو جفـا الوقت ما مال

ترى الرجل يعرف بقيمة خليـله

واقفل على سرك بكتمان واقفال

بعض العرب يسمع وينوي بحيله

وخلك أمين إذا توليت الأعمال

من خان في يوم الحشر يا حليله

خل التواضع فيك واضح بالافعال

ترى الكبر يردي بيوم وليـله

ولاتحسد اللي عنده اموال وعيال

وش ينفعك لو كان حـــسدك يزيله

ولا تزور تقلب الزين بطـال

الله عليم بالنوايا الدخـيله

راقة لي

[محمد الغنامي]

الله الله
خيال مطير
صح لسانك ولسان شاعرها
قصيده كايفه ونايفه لا ابعد الحدود
سجل اعجابي وتقديري
ولك اجمل تحيه

[ملكة الرواسي]

الله عليك خيال
نص راقي يعطيك العافية

[شيخـــة الغــيــد]

/

سلمت آنآملك اللؤلؤيه على هذه المُشآركه الجميله
ذائقـــــه مُميزه , وكلمَــآات راآقيــــــّــــه
تحيآتي المطرزه بِ الورد

[شموخ الوايليه]

الله رووعه
خيال
اختيارات دوما تنم عن
ذائقه مميزه
ربي يسعدك ويوفقك
تقديري لك

[النجلاء]

خيال
يسلم ذوقك الراقي ياذوق
انتقاء جميل ومميز كما تعودنا من سموك
شاكره لك وجودك ومجهودك
تقديري لسموك
النجلاء

[مهرة يام]

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

[انفاس الحنين]

صح لسان قائلها وسلم بنان ناقلها
الله يعطيك العافيه على الانتقاء المميز
بانتظار جديدك بشوق
وودي وباقات وردي