البارحة.. من ضيقه الصدر محسوس

[مساعد الجليدي]

البارحة.. من ضيقه الصدر محسوس
غابت علي الشمس في راس قمه
رجلي على جمره و كبدي على موس
عامين و الثالث على آخر متمه
صديت عن وادم به الحبل ممسوس
وعن وجه بن عمٍ يهين بن عمه
ادري بمسيري عكس والدرب معكوس
وادري ان سلاح الداب نابه وسمه
ما قلت جعل الروس تفدا لها روس
اقول وجهٍ تمدحه لا تذمه
ماكل جاسوس بسميه جاسوس
لو نعرف اللي كلفه بالمهمه
لكن بيت النمل والذر والسوس
ماهو بيت اللي كبيرٍ معمه
الناس نبت بروسها ريش طاوس
تفاخروا لين انكر العبد عمه
تنومسوا في شي ماهوب ناموس
مثل الصلاة اللي على غير يمه
اللي معه دفتر سنادات وفلوس
ويرهن مقابلها كرامه وذمه
يعطيك في الحسنى ندوات ودروس
ويصرف لك الاخلاق من راس كمه
ان عاف ماكن الطمع فيه مغروس
وان طمع في حاجه نسى ابوه وامه
ما نوس يا لوادي و لا انته بما نوس
مهم ولا فيك حاجه مهمه
اللي على جالك يصيدون جاموس
واللي وراهم ياكلونه بدمه
ذيابتك نجسه وفيرانك نجوس
وإن طحت بين يديه وداك فمه
أصنام تبنيها نصارى وهندوس
على قبور الانبيا والائمه
يا مملكة صدري من القوس للقوس
من لا يهمك لا تشيلين همه
جد الولد منحوس وابوه منحوس
جا من ظهره وقال لبليس سمه
اهون علي اعيش منفي ومحبوس
ولا ينبعث ريح الخيانه واشمه
ماني بدايم رايق اخلاق وهجوس
وإن ما ضويت بكارثه جبت امطمه

مما راق لي

[خيال مطير]

الله الله
ي مساعد
صح لسانك ولسان شاعرها ذائقه جميله
لاهنت يالامير

[صـدووودٓ]

الله الله
ماراق لك راق لي
يعطيك العافيةة ع روعه الاختيار
لك تقديري لجهودك

[ملكة الرواسي]

صح لسانك ملااااااااييين شاعرنا
نص راقي برقيك
يعطيك العافية

[محمد الغنامي]

الله الله
مساعد الجليدي
صح لسانك وصح لسان شاعرها
انتقاء جميل جداً سلمت
ولك اجمل تحيه

[النجلاء]

صح الله لسان شاعرها وتسلم يمينك ع نقلها لنا
انتقاء جميل ومميز كما عهدناك
تقديري لسموك
النجلاء

[مهرة يام]

صح لسانك ولسان شاعرها
ابيات جزله وجميله
لاهنت على النقل
احترامي لسموك

[شيخـــة الغــيــد]

/

سلمت آنآملك اللؤلؤيه على هذه المُشآركه الجميله
ذائقـــــه مُميزه , وكلمَــآات راآقيــــــّــــه
تحيآتي المطرزه بِ الورد ♥

[شيخـــة الغــيــد]

/

سلمت آنآملك اللؤلؤيه على هذه المُشآركه الجميله
ذائقـــــه مُميزه , وكلمَــآات راآقيــــــّــــه
تحيآتي المطرزه بِ الورد ♥