الشاعر سداح الغنامي

[خيال مطير]

يا طيبك .. ويا كثر ملحك .. وزينـك
تجمّعـت فيـك الخصـال الحميـده


لاجيت أغنّي فيـك قمـت أستدينـك
آخذ من وصوفـك لبـدع القصيـده

ومن خوف تتبع جرّتـك مهتوينـك
ماودي أسهب بالوصـوف العديـده

ذوقك .. وتفكيرك .. ولطفك .. ولينك
كلّك علـى بعضـك عبـاره مفيـده

بالشكل والمضمون هايـم ضنينـك
القلب زاهـي .. والقوالـب فريـده

عـز الله انـي فالمحبّـه رهيـنـك
اللي مـا ودّه يطلـق الحـبّ قيـده

أسلم وسلّم لي على رمـش عينـك
وقلّه .. متى يسمح بفرصه سعيده ؟

الله يديـم الـودّ بيـنـي وبيـنـك
ومـن بيننـا تبقـا المحبّـه مديـده


سداح الغنامي

[ملكة الرواسي]

صح لسان شاعرها ولا هنت خيال على نقلك
يعطيك العافية
.

[النجلاء]

صح الله لسان سداح
وتسلم يمينك ع الايراد
انتقاء جميل ومميز كما عهدناك
تقديري لسموك
النجلاء

[ابوفارس]

صح لسان الشاعر المبدع سداح
ويعطيك العافيه على الاختيار الراقي
دمت بود وتقدير

[محمد الغنامي]

الله الله
خيال مطير
صح لسانك يارائع
وصح لساان الشاعر الجزل سداح
انتقاء جميل ويدل على ذايئقه جميله
سجل اعجابي وتقديري
ولك اجمل تحيه

[شموخ المشاعر]

صح لسان شاعرها
سلمت

[محمد الـفراج]

صح لسان سداح
وتسلم يمينكـ يا خيال مطير على النقل

[شيخـــة الغــيــد]

/

سلمت آنآملك اللؤلؤيه على هذه المُشآركه الجميله
ذائقـــــه مُميزه , وكلمَــآات راآقيــــــّــــه
تحيآتي المطرزه بِ الورد ♥