سجين 👀

[بوح شاعر]

الليل دوب انه بدا تعال وأقرب ياسجين
بقرا عليك الفاتحه والواقعه والزلزله

الناس وصلو للفضا وانته تفرّك لليدين
مدري عن يدينك متى تفك قيد السلسله

[محمد الغنامي]

الله الله
غشاااااام
صح لسانك مليون
ننتظر سجين وانا في صفه ضدك

[بوح شاعر]

صح بدنك انت دايم ضدي بس بينصرني الله

[مهرة يام]

صح لسانك ياغشام
ابداع
بانتظار سجين وانا بصفك ياغشام هههه

[بوح شاعر]

صح بدنك ي المهره ومنوره الصف

[سجين الرواسي]

الليل توه ما بدا وانا بربي مستعين
والحمد لله حافظ جل النصوص المنزله

الانبياء مع الصحابه والرجال الغانمين
فالارض موقعهم وهم دايم بعال المنزله

[محمد الغنامي]

الله الله
صح لسانك ياسجين

واصلو واصلو

[بوح شاعر]

ودي اصدق بس ماشفت لي سجده فـ الجبين
والليل تو انه بدا وحنا نبيه من أوله

خلك بماقدره ربك مؤمن وعندك يقين
الثانيه ياصاحبي ماهي سوات الاوله

[محمد الغنامي]

الله الله
صح لسانك ياغشاام

[بوح شاعر]

صح بدنك يابو بندر

[سجين الرواسي]

اليا سجدنا نسجد لخلاقنا الحي المتين
لكننا احيان يلحقنا من الوقت عجله
وابشرك لا دندت داحمت بالجنب المتين
لو ان هجسي لا تحرك يا عميلي معجله

[بوح شاعر]

ماظنتي قريت شي ً من رياض الصالحين
راحت فلوسك كلها للعالم المتسوله

اللي ملقيك الظهر خله على دربك يمين
واللي ملقيك الوجه ليا طلبكم سوله

[سجين الرواسي]

حفظت سيرة احمد وعرفت شيخ المسلمين
وكتاب وقعات الفتن يجاوبك لو تسأله
والله يقول بمحكم التنزيل واسمع يا فطين
لا تنهر العبد الفقير ان زاد حد الأسئله

[محمد الغنامي]

الله عليكم يامبدعين
طاروق جميل جداً
صحت الالسن جميع

[سجين الرواسي]

مرورك اجمل والحاضرين يا بعدي

[بوح شاعر]

عايض جزاء قبلك يقول انه خليفة مومنين
والسالفه هاذي قديمه ياولد و مطوله

انا عطيتك موجز النشره ترا في كلمتين
والحبل في يمناك يا تقصرّه ولا تطوله

[محمد الـفراج]

الله الله
غشام وسجين
صحة اللسنتكم
وبيض الله وجيهكم طاروق فخم

[محمد الغنامي]

ههههههههههههههههههههه عايض جزاء اعتقد انه تشيع


صح لسانك غشام

[بوح شاعر]

صح بدنك ووجهك ابيض ولاهنت يبو فيصل

[بوح شاعر]

هههههههههههههههههههههههههههههههههاي هو شيعي من يومه بس تطوعه تمثيل
صح بدنك يابو بندر

[سجين الرواسي]

اليوم ابحدث عليكم وانت سيد العارفين
وان ما صدعت بحق هرجي يا ولد لا تكمله
موجزك ما يغنيك دامه في ظهور الغايبين
ولا بد ما ياتي لقولك يا عميلي تكمله

[سجين الرواسي]

صح بدنك يا ابو فيصل الابداع مرورك لا هنت

[محمد الغنامي]

ههههههههههههههههههه صح لسانك ياسجين

[بوح شاعر]

مكانتك ياصاحبي مابين خشم وبين عين
الدين لو يفنا العمر منته بلاحق منهله

وشلون تظلمني وانا شيخ ً تقيّ وفي دين
وانا نصحتك بالوفاء والطيب وأنتم من هله

[محمد الغنامي]

هههههههههههههههههههههههه الله الله صح لسانك ياغشام

وسيماهم في وجوههم

[ناصر الهواوي]

صحت السنتكم ياغشام وياسجين لكن ضلمتوا العمده يابو بندر انت وغشام انا اشوفه من اتلى الاجواد ههههههههههههههههههههههههههه

[صـدووودٓ]

الله الله ع روعه الطاروق
مبدعين مبدعين
صح لسانكم سجين وغشام

[بوح شاعر]

ههههههههههههههههههه محمد انت ماتباعد الخميني

[بوح شاعر]

صح بدنك الهواوي

صح بدنك صدود

[محمد الغنامي]

هههههههههههههههههههه ابو عبيد تراء العمده ماهو على خبرك

والذمه بريه

[سجين الرواسي]

يا شيخ يا مومن فدوك الكافرين المجرمين
وانته عزيز من امس واليوم وبعد بالقابله
والله يجعلنا من المتصاحبين المخلصين
والظلم لا اصبح لي عدو قلي يا كيف اقابله

[النجلاء]

الله الله
ياسلام عليكم شعرائنا المبدعين والجزلين
بيض الله وجيهكم ابدعتو وامتعتو ولاهنتو

[محمد الغنامي]

ياسلام عليك ياسجين صح لسانك

[بوح شاعر]

صح لسانك سجين ولاهنت مبدع وجزل

[سجين الرواسي]

صحت ابدانكم جميعا وصح لسان المبدع الجزل غشام لا هنت يا بعد راسي امتعتنا اليوم

[مهرة يام]

صح السنتكم
مبدعين وجزلين
قواكم الله

[بوح شاعر]

صح بدنك سجين

صح بدنك النجلاء

صح بدنك المهره

[ملكة الرواسي]

غشام *سجين
صحت السنتكم ولا هنتم شعارنا الكرام
يعطيكم العافية

[خيال مطير]

طاروق جميل جداً
صحت الالسن جميع

[عبدالله الصقري]

الشاعر القدير غشام و الشاعر القدير سجين الرواسي
صحت السنتكم و دام ابداعكم
و ياليتني داخل هالقسم من زمان
دمتم بكل خير و محبه
ولكم جل ودي و تقديري واحترامي