شيخـــة الغــيــد
26-01-2017, 11:35 AM
http://forums.graaam.com/images/images_thumbs/c3edbd050a59bbedf2f8461cadad35c8.png
أناني شتانا والشجر في كفوف ريْاح
وراها ركضت وصحت راكي وصفصافي
أشوف الفضا مظلم نجومه وجوه اشباح
دنْت لين ما حسيت في قيمة اطرافي
ومهما ضوى صدري وقلبي غدى مصباح
أساساً انا انسان من مولدي طافي
ليالي عطتني بابها مامعه مفتاح
أشيله وانا عامين ماشلت أكتافي
أنادي حمام الدار عطني عزم وجْناح
وسربه توجّه شرق وعْجافي عْجافي
رحل والحنين المشتعل داخلي ذبّاح
واخاف الشتا والبرد لا قلت له كافي
مضى حول بارد فيه ياس ودجى وجْراح
ورجلي كسيره لكن اطول من لْحافي
مضى حول والباقين عندي بعد ماراح
كأنه هو الباقي وهم مابهم وافي
حنيني كما صحرا وبرق الحيا مالاح
ذوْت والسحابه مقبله كفها جافي
بها خيل الايام العتيه عدى واجتاح
اهلْها نخلْها وازعج الشيح بالسافي
خلا رسمها ماكنّ فيها طرب وافراح
مضى شيخها ماقال بيتي وأريافي
تلوح المنازل في عيونه خرز مسباح
تطاير وكف الريح تضرب لها غافي
يشوف النهر فيها ويسمع صدى فلاح
سراب الظما واللال مقفي وهو لافي
تموّج كثيب الرمل خلف الجبل وانزاح
عن الشوك والصبّار ما يرحم الحافي
رياح الروامس من تحدى عطاها طاح
وهذا شتانا فيه جوف الشجر دافي
أناني شتانا والشجر في كفوف ريْاح
وراها ركضت وصحت راكي وصفصافي
أشوف الفضا مظلم نجومه وجوه اشباح
دنْت لين ما حسيت في قيمة اطرافي
ومهما ضوى صدري وقلبي غدى مصباح
أساساً انا انسان من مولدي طافي
ليالي عطتني بابها مامعه مفتاح
أشيله وانا عامين ماشلت أكتافي
أنادي حمام الدار عطني عزم وجْناح
وسربه توجّه شرق وعْجافي عْجافي
رحل والحنين المشتعل داخلي ذبّاح
واخاف الشتا والبرد لا قلت له كافي
مضى حول بارد فيه ياس ودجى وجْراح
ورجلي كسيره لكن اطول من لْحافي
مضى حول والباقين عندي بعد ماراح
كأنه هو الباقي وهم مابهم وافي
حنيني كما صحرا وبرق الحيا مالاح
ذوْت والسحابه مقبله كفها جافي
بها خيل الايام العتيه عدى واجتاح
اهلْها نخلْها وازعج الشيح بالسافي
خلا رسمها ماكنّ فيها طرب وافراح
مضى شيخها ماقال بيتي وأريافي
تلوح المنازل في عيونه خرز مسباح
تطاير وكف الريح تضرب لها غافي
يشوف النهر فيها ويسمع صدى فلاح
سراب الظما واللال مقفي وهو لافي
تموّج كثيب الرمل خلف الجبل وانزاح
عن الشوك والصبّار ما يرحم الحافي
رياح الروامس من تحدى عطاها طاح
وهذا شتانا فيه جوف الشجر دافي