المساعد الشخصي الرقمي

مشاهدة النسخة كاملة : بشكي عليك الحال


بوح شاعر
04-01-2017, 02:03 PM
كيبورديه

بشكي عليك الحال ياعالم الحال=ياواحد ً كل الخلايق شكت له
مرت عليّ سنين وشهور وليال=والعين تذرف دمعها لا ذكرت له
قلبي مولع في هوى لابس الشال=وقامت تتله تل لين املكت له
وأمسى يعزف لعينها كل موال=لو انها في صدها بهذلت له
حبه بوسط القلب باقي ولازال=لو طالت الايام ماغيرت له
ابو العيون السود والرمش قتال=راع الهوى لاشافها عذبت له
صار الهواوي لاجلهامضرب امثال=ديوان شعره كل جزل احتوت له

وسلامتكم

خيال مطير
04-01-2017, 02:45 PM
ونت سالم وغانم
صح لسانك
وبيض الله وجهك شاعرنا

مهرة يام
04-01-2017, 02:52 PM
صح لسانك ملايين
ابيات جزله وفخمه
لاهنت يااخوي
يعطيك العافيه
تقديري لك

شموخ الوايليه
04-01-2017, 03:02 PM
ابيات رائعه ياشاعرنا الراقي غشام
يسعدك ربي على هذه المميزه
تقديري لك

ناصر الهواوي
04-01-2017, 03:05 PM
انت ورا ما قيلت ياغشام
صح لسانك
ــــــــــــــــــــــــــــــــــــــــــــــــــ ـــــــــــــــــــــــــ
ـالمهم انا كتبتها احسبنها في سجن القوافي لا احد يدقق بالحيل


عزاه ياقلبٍ بدا فيه ولوال= مشتاق والايام ماساعفت له
عليه لااسترخا طواريه تنهال=والقاف ماسلاه نقضه وفتله
كبر طويق من الغرابيل يشتال=وزِمْله من العارض تكفي لقتله
من هجر من تزهى بناجر وخلخال=ينلاف قلبه لوف لاعرضت له
غيداٍ غدايرها عكاريش وطوال=ينوش راس الورك لانسفت له
والعين عين اللي (مواكيرها الخال)=بندر ذكرها يومها هايفت له
ورمشٍ على ورد الوجن جاله ضلال=والجيد جيد اللي سمع من يختله
والخد براقٍ شعق مقدم خيال=في مدلهمه والهبوب ارتكتله
مامن ورا غشام ذاليوم مقيال=الله يسامح جادلٍ باينت له

ناصر الهواوي
04-01-2017, 03:10 PM
لو ينقلن لتاج القصيد او قسم المجاريات يكون افضل لاني ظنيتها في السجن وما انتبهت

النجلاء
04-01-2017, 08:26 PM
الله الله
ياسلام عليك ياغشام وصح الله لسانك مدد بلا عدد
وصح الله لسانك يابو عبيد
صوت وصدى ولا اروع جزلين ورائعين وشهادتي فيكم مجروحه
تقديري وتقييمي لكم
النجلاء

تم نقلها لقسم لمجاريات شعراء رواسي

ملكة الرواسي
04-01-2017, 08:43 PM
الله عليك
صح لسانك ملاااااااايين
يعطيك العافية على روعه ابياتك

محمد الغنامي
04-01-2017, 08:52 PM
الله الله
غشاام صح لسانك مليون
صوت جميل جداً شاعرنا الجزل
الهواوي صح لسانك مليون
صدى رائع وجميل يالجزل
مروري واعجابي
ولكم اجمل تحيه

غنجَ
04-01-2017, 08:55 PM
الله الله
صح الساانك اخوي غشاام .. وصح الساان شايبنا المجرم
لاهنتوا على هالابيات الجزله والجميله ..
ابدعتوا وسلمتوا .."

رحيل
05-01-2017, 04:41 PM
صح لسانك ياغشام وصح لسانك يا الهواوي
مبدعين وجزلين صوت وصدى جميل لاهنتو ..

سحاب
05-01-2017, 06:51 PM
روعة الحرف تعانق سمو المعنى
لتستلهم من جمال الكلمه قصة ابداع
صح لسانك ملايين وصح لسان الشاعر ناصر الهواوي
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

بوح شاعر
05-01-2017, 08:38 PM
صح بدنكم جميعا ً وصح لسانك يالهواوي

مناهل
13-01-2017, 09:22 AM
رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي