أصابعك ماهي ســواء

[خيال مطير]

الآدمي من معدنه وأصابعك ماهي سوا
ومن سابعات المستحيل أصابعك متساويه
الحين لو كلب ٍ نبح هو ذيب لامنه عوا
لا لا هذيك كلاب تنبح والذيابه عاويه
لولا كذا تساوواالطيّب وملعون الثوا
ولاحط قدر للرجال أهل العلوم الكاويه
والناس أجناس وبهم ناس ٍ يبيعون الهوا
وناس ٍبهم ماهي على حتى المعيشه قاويه
والأرض وحده لكن الله قدّس الوادي طوا
والنفس محدن غير خالقها يعرف وش ناويه
والخلق تتبع واحد ٍ يقدر على رفع اللوا
وإلا عليش إستخلفوا يزيد إبن معاويه
أعّرفك إن الزمن كفيل يكشف ماحوا
ويبيّن اللي فوق بالقمة ومن بالهاويه
بس المصيبه لوتكون إنسان تحت المستوى
مدري تكون من البشر وإلا من العتاويه
تدري .. تكون العله اللي مالها طب ودوا
لأجل كذا نشوف شلات الردى متخاويه
والناس يبقى بعضهم نجم ٍ على الدنيا ضوا
وإلا البقيه يجمعون ويحشرون بزاويه
قال الرسول المصطفى كل إمرئ ٍ وما نوا
وأنت أنو نيّه دام هالدنيا عروش ٍ خاويه


لشاعر عبدالكريم الظفيري

رااااقةةة ~

[هند العنزي]

أبدعت بطرحك
لاعدم

[رحيل]

خيال مطير
صح نقلك وصح لسان شاعرها ..

[ام ساره]

سلمت الأنامل المتألقه
على روعة طرحها وانتقائها الجميل
شكراً جزيلاً لك
وربي يعطيك العافيه
تحياتي

[خيال مطير]

أبدعت بطرحك
لاعدم

مشكورهه أختي

[الجووهره]

رآآآآآآئعه

صح لسآن شآعرها

ويعطيك العافيه خيال

على اختيارها وتسلم يمينك على نقلها

[خيال مطير]

خيال مطير
صح نقلك وصح لسان شاعرها ..

كلكك ذوق رحيل
مشكورهه ع المرور

[ملكة الرواسي]

صح لسان شاعرها
كلمات رااااائعة
يعطيك الف عافية خيال
.

[خيال مطير]

مشكورين جميعاً ع المرور
تحياتي لكم

[محمد الغنامي]

خيال مطير
صح لسانك ولسان شاعرها
انتقاء جميل ورائع
تسلم ايدك
لاهنت

[النجلاء]

خيال
يسلم ذوقك الراقي ياذوق
انتقاء جميل ومميز
شاكره لك وجودك ومجهودك
تقديري لسموك
النجلاء

[خيال مطير]

محمد . النجلاء
مشكورين ع مروركم العطر والدائم

[سجين الرواسي]

صح لسان شاعرها وصح ذوقك يا الامير

تقبل مروري

[خيال مطير]

صح بدنك أمير
أحترامي لسموك

[مهرة يام]

صح لسانك ولسان شاعرها
ابيات جميله وفخمه
يعطيك العافيه
تقديري لك

[خيال مطير]

يعافيكِ ربي مهره