عابره
21-11-2016, 11:56 PM
شيلة: الوسم كلمات: مرزوق الثبيتي اداء: مهنا العتيبي
https://www.youtube.com/watch?v=7bRCARz_a2w
عطوني علوم الوسم والسحب والامطار
ترا ضيقت صدري .......... قناة العربيه
انا ويش ابي بمتابع ..... نشرة الاخبار
قضايا الربيع العربي ....... والعروبيه
علومن تا ترفع ضغط دمي .. ودمي حار
تبيلك مشاعر ميته ....... ماتبي حيه
ابدعي على طهران وادعي على بشار
غير الدعاء ما املك لاحسنه ولاسيه
ولا احتاجنا سلمان نبذل .. له الاعمار
انا من رجال خلو الدار ........ محميه
ما وخذت وهي من قبل في وقت الاستعمار
اجل كيف توخذ عقب صارت سعوديه
مدام اني معافا وطيب وفي افضل دار
على ويش افكر فالقضايا .... السياسيه
ولاهمني نقص البدالات .... والاسعار
الارزاق مضمونه والاعمار ..... عاريه
اعرف ان رزقي عند من يعلم الاسرار
ما ناقص من الارزاق واجالنا شيه
عسانا نفوز برحمة الواحد .. الغفار
كريما بمدته الفقارا ........ غناويه
وعسى مزنة غرا تكاشف بها الانوار
تهيض قلوب اهل لديار ..... السناويه
وميض البروق بجوفها يسلب الابصار
تجارب صواريخ الجيوش النوويه
تقول الرعد في وسطها صافرات انذار
تدلت على ضلع السراوات عصريه
تدافع ويدفعها هوا الغرب للمحدار
تكفكف شنقها موعده نجد بالجيه
لاغاب الشفق والليل لشمس حط ستار
على ظلم تسبر برقها .. بالبجاديه
على نجد ب امر الواحد مسير الاقدار
تصرم حمول فعولها من ... علاويه
على رغبتي كنها توجه على الرادار
ابيها على مثناة نجد ... وحراويه
تطاول على وادي الرشا من يمين يسار
شمالي من يم القصيم ... وشماليه
على نجد يسبق وبلها سيلها المدرار
جنوبيها خط الرياض ... القويعيه
تهشم مع الهجعه على عبلة المسبار
تمثنى على جيران نجد وصحاريه
يخيلونها حتى توارت عن الانظار
تبشر بمقدمها الديار ... الحداريه
على الصلب والصمان ديرة زحول مطار
يخلي فياض الحاصبيات ممليه
تتالى ويدفع بعضها بعض للمعبار
على الوادي اللي في جنوب النعيريه
تمثناها طلوع الغيم تالي النهار
على ماتظف من الديار .. الشماليه
تشوف الخزامى والنفل حزت المخضار
كسى الارض قبل بداية المربعانيه
هذا هو هواي ورغبتي لو بغيت اختار
تركت الغزل لاهل الغزل والرومانسيه
الاشغال ضامتني وحطت علي حصار
وجودي على شوف الديار الخلاويه
هذي هي طرات الوقت لو مابه استقرار
الايام لو زانت ما تصفي على نيه
ما دامت لخير الرسل واصحابه الانصار
عليهم سلام ورحمة الله .. وتحيه
ان شاء الله ما تكون مكرره
لاتنسون التقييم تعبت وان اكتب الابيات :boxed2:
https://www.youtube.com/watch?v=7bRCARz_a2w
عطوني علوم الوسم والسحب والامطار
ترا ضيقت صدري .......... قناة العربيه
انا ويش ابي بمتابع ..... نشرة الاخبار
قضايا الربيع العربي ....... والعروبيه
علومن تا ترفع ضغط دمي .. ودمي حار
تبيلك مشاعر ميته ....... ماتبي حيه
ابدعي على طهران وادعي على بشار
غير الدعاء ما املك لاحسنه ولاسيه
ولا احتاجنا سلمان نبذل .. له الاعمار
انا من رجال خلو الدار ........ محميه
ما وخذت وهي من قبل في وقت الاستعمار
اجل كيف توخذ عقب صارت سعوديه
مدام اني معافا وطيب وفي افضل دار
على ويش افكر فالقضايا .... السياسيه
ولاهمني نقص البدالات .... والاسعار
الارزاق مضمونه والاعمار ..... عاريه
اعرف ان رزقي عند من يعلم الاسرار
ما ناقص من الارزاق واجالنا شيه
عسانا نفوز برحمة الواحد .. الغفار
كريما بمدته الفقارا ........ غناويه
وعسى مزنة غرا تكاشف بها الانوار
تهيض قلوب اهل لديار ..... السناويه
وميض البروق بجوفها يسلب الابصار
تجارب صواريخ الجيوش النوويه
تقول الرعد في وسطها صافرات انذار
تدلت على ضلع السراوات عصريه
تدافع ويدفعها هوا الغرب للمحدار
تكفكف شنقها موعده نجد بالجيه
لاغاب الشفق والليل لشمس حط ستار
على ظلم تسبر برقها .. بالبجاديه
على نجد ب امر الواحد مسير الاقدار
تصرم حمول فعولها من ... علاويه
على رغبتي كنها توجه على الرادار
ابيها على مثناة نجد ... وحراويه
تطاول على وادي الرشا من يمين يسار
شمالي من يم القصيم ... وشماليه
على نجد يسبق وبلها سيلها المدرار
جنوبيها خط الرياض ... القويعيه
تهشم مع الهجعه على عبلة المسبار
تمثنى على جيران نجد وصحاريه
يخيلونها حتى توارت عن الانظار
تبشر بمقدمها الديار ... الحداريه
على الصلب والصمان ديرة زحول مطار
يخلي فياض الحاصبيات ممليه
تتالى ويدفع بعضها بعض للمعبار
على الوادي اللي في جنوب النعيريه
تمثناها طلوع الغيم تالي النهار
على ماتظف من الديار .. الشماليه
تشوف الخزامى والنفل حزت المخضار
كسى الارض قبل بداية المربعانيه
هذا هو هواي ورغبتي لو بغيت اختار
تركت الغزل لاهل الغزل والرومانسيه
الاشغال ضامتني وحطت علي حصار
وجودي على شوف الديار الخلاويه
هذي هي طرات الوقت لو مابه استقرار
الايام لو زانت ما تصفي على نيه
ما دامت لخير الرسل واصحابه الانصار
عليهم سلام ورحمة الله .. وتحيه
ان شاء الله ما تكون مكرره
لاتنسون التقييم تعبت وان اكتب الابيات :boxed2: