قصه ياليتنا من حجنا سالمين

[سلطان المحقني]

السلام عليكم ورحمة الله وبركاته..


اخواني الظاهر اني جبت لكم صيد ثمين..

وهي قصة جميلة معها قصيدتها..((حبة الشمري))


حبة الشمري كلها جت من “بصري الوضيحي” الشمري والقصة تقول:

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل ..
وبعد كبر سنه نوى ان يتوب ..طلب من ابنه لكي يحججه ...
وبعد ما سعى وطاف طلب من ابنه ان يحب الحجر الاسود ..
ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض ..
فتزاحم معهم بصري وابنه ..
وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ...
وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب ....
وحاول ولده أنه يرقع الموضوع قال هذا شايب تايه(مهذري) ...
فخجل الوضيحي وقال يابعد حيي زلقت الحبة ابيها بالحجر وصارت فيك ...
وصار هذا مثل (ازلقت حبة الشمري(

وقال القصيدة :




التايه الـي جـاب بصـري يقنـه **** هيض جروح العود والعود قاضـي
جينـا نحـب ونطلـب الله جـنـه **** جنة نعيـم يـوم يابـس الحاضـي
ياليـت كانـت حبتـي فـي معنـه **** يوم العيون عن الخوامل غواضـي
يامن يعاوني علـى وصـف كنـه **** اشقـح شقـاح ولاهـق بالبياضـي
الريـح لازفـرة ولاهـي مصنـــه **** ريح النفـل بمطمطمـات الفياضـي
نهديـن للثـوب الحمـر شولعنـه **** حمر ثمرهـن واقفـات غضاضـي
والخـد ذابـوح القلـوب المرنــه **** براق مزنٍ لاعـق اللـون ياضـي
ياليت لو سنـي علـى وقـم سنـه **** بايـام مابينـي وبيـنـه بغـاضـي
أيـام جلـد الذيـب عنـدي محنـه **** نصبح وزرق الريش لهن إنتفاضـي
ياجرح قلبـي جـرح وادي وطنـه **** غر المزون اللي وطنـه وفاضـي
البيـض قبلـي محسـنٍ عذبـنـه **** ونمر على وضحى جرا له عراضي
والبيـض كـم ٍ واحـد ٍ يبسـنـه **** يبسة شماشيـل العـذوق النفاضـي
عـزي لمـن غـر الثنايـا كونـه **** واركن على كبده كوايلٍ عراضـي
الا ارتـوى بستـان قلبـي سقنـه **** واخضر جنابه عقب يبست الحاضي
القلـب غضـات الصبايـا شعنـه **** بنت الشيـوخ مخدميـن الحياضـي
شوفـي بعينـي والخـدم يركبنـه **** على زعاع يـوم قوطـر وناضـي
فوق اشقح من زمل ابوهـا مضنـه ****ركبة عليه اتشنطـح ٍ باعتراضـي
وامشجر من سـوق هجـر مغنـه **** على خياطة نابي الارداف راضـي
وين انت يامشفـي علـى طردهنـه **** انا طويت ارشاي وقفيـت قاضـي
انـا صـدرت ووردهـن عقبـنـه **** على العـدو مشرعـات الحياضـي
احد بوسـط النـار واحـد بجنـه **** وترى البخيت اللي له الرب راضي






ويقال بعد مارجع الوضيحي ندم على مافعل وقال
:








ياليتنـا مـن حجنـا سالميـنـا
كان الذنوب اللي علينا خفيفـات
رحنا نبي نخفف ذنـوب علينـا
وجينا وعليها كثرها عشر مرات








اتمنى ان تنال اعجابكم
.

[محمد الروقي]

لايمه عماا الله يلوم الي يلومه

هههههههه تسلم ياسلطان لك تقدير(ن)

من دغبج الى حاذه ههه ماهو طويل بس ماعاه زين

سجل مروري يالذيب وحترامي

[غازي العتيبي]

سلطان ماهو الضاهر الا اكيد هذا الصيد الثمين
يعطيك العافيه على النقل المميز

[نوف]

سلطان

مشكور على القصه الجميله يعطيك العافيه

[حنين الذكرى]

القصه تجنن بصراحه
والردود ضحكتني اكثر !!!!!!!!!!!!!
هههههههههههههههههههه
يعطيك العافيه اخوي سلطان

[خالد ابن هجيره]

سلطان المحقني


يعطيك العافيه وبيض الله وجهك
تحياتي لك

خيك
خالد ان هجيره

[عناوين الشموخ]

سلطان المحقني
مشكور اخوي على القصه رووعه
لاعدمنا جديدك احترامي لك وتقديري
تقبل مروري

[حسين السبيعي]

أحسنت أخي العزيز/سلطان المحقني على هذه القصة

ورحم الله الشاعر الكبير/بصري الوضيحي الشمري وغفر له

ودمت بسلام وسعادة وحب وألق أيها الأخ والزميل العزيز

[سلطان المحقني]

الله يعافيكم والف شكر على

مروركم العطر لاهنتو

أرق التحايا

ثانياً اخوي محمد الله لايهينك ماعيه المسافة قريبه بس اللي يجي منك
عسل لاهنت