كلمة من عندي وبيت شعر من عندك~

[شموخ المشاعر]

السلام عليكم ورحمة الله وبركاته

الموضوع : كلمه من عندي وبيت شعر من عندك

شرح الموضوع :

يختار العضو الأول كلمة
ومن يأتي بعده يأتي ببيت شعري يتضمن هذه الكلمة المختاره

ثم هذا العضو يختار كلمة ، ومن بعده يأتي ببيت شعري يتضمن هذه الكلمة
وهكذا ...


مثال :
الكلمة " طير المعاليق "

البيت الشعري :

‏ياصاحبي بنشدك والدمع همال
‏اللي كسير القلب يآكيف جبره
‏
‏خلى الدهر قلبي للأوجاع مدهال
‏وضيّق على طير المعاليق وكره

وسلامتكم..

الي بعدي

يستخدم كلمة (( أشكي غيابك ))


شموخه~

[محمد الغنامي]

الشوق ياخذني ليا حد بابك=والعشق ويدفعني على طقت الباب
ياصاحبي وشهوله اشكي غيابك=دامك تقول انا وفيين واحباب



شموخ
تسلم ايدك ويسلم ذوقك
نقل جميل ورائع
اتمنى التفاعل من الجميع

[هزاع محمدالعاصمي]

موضوع جميل يعطيك العافية شموخ
طيب البعد محمد وش يكتب عنة حط شيء نكتب عنه محمد

اجمل تحية

[هماليل]

موضوع جميل شموخ
تسلمين على الطرح الرّاقي

[محمد الغنامي]

هماليل

[شموخ المشاعر]

وأناديك ودموعي هماليل وفي الصدر تنهيده و حرّه
أحبك وما للحب تأويل ولا شفت منك إلا المضرّة

زمان اول

[شموخ المشاعر]

منورين ❤️

[هزاع محمدالعاصمي]

كنت بزمان اول كما الضي توضي ..بوسط قلبي مامعك حي ثاني

اللي بعدي ...عن العيون

[شموخ المشاعر]

كم من قريب لا يستطاب به
وكم من بعيد عن العيون حبيبُ


(الصبر)

[شموخ الوايليه]

الله يسعدك ياشموخ
موضوع جدا جميل
وفيه حركه وتشغيل مخ
تسلمين يالغلا لاخلا ولاعدم
تقديري يالغوالي

[شموخ المشاعر]

نورتي يا قلبي

[البدر الراسي]

الشتاء

[شموخ المشاعر]

البدر

كتبت قبل الصبر *_*

وين بيت الشعر..

[مهرة يام]

للصبر حد .. ووحشتك مالها حدود
ياللي غلاك أصبح مع الوقت عاده
أشتاق لك مع سايق النفح والنود
وأوله عليك أكثر .. واحبك زياده
الشوق

[شموخ المشاعر]

‏يطيب لي بـ الشوق ذكرك وطاريك
‏واسرح وافكر فيك وادرس صفاتك
‏لو جيتني مشتاق تدري وش اعطيك
‏قل لي ابي روحك وانا اقول جاتك

عذب الصفات

[البدر الراسي]

البدر

كتبت قبل الصبر *_*

وين بيت الشعر..

🙈 م انتبهت شموخ ههههه

[شموخ المشاعر]

هههه حسّيت ولا يهمك عاد نبي نشاط ^_^

[سجين الرواسي]

مشكوره شموخ على الموضوع الرايق وصراحه بديت فيها قبل بس انشغلت في صفحه ثانيه


عذب الصفات اللي عليه المووايل
تسمع صداها وانت باقصى البلادي
ضف الجديل اخاف تفنا المحاصيل
وانا من الايام محدود زادي
يا مل قلب كل ما ادلج الليل
خدي علي كوعي وعفت الرقادي

الليل...

[صـدووودٓ]

‏الله الله روعة شموخ
يعطيك العافيةة

جو الشتاء بادي على أول الليل
‏يالله عسى مبداه خير وسعاده !


الصدود *_^

[البدر الراسي]

مافي الصدود لمن يهواك مزدجر
فاكفف فاني كما اذنبت اعتذر


الحنين

[الجووهره]

موضوع رائع كروعة حضورك شمووخه

يعطيك العافيه على جمال طرحك

ونشاطك الملموس من البدايه

تم تثبيت الموضوع

[الجووهره]

الأماكن كلها مشتاقة لك
والعيون اللي انرسم فيها خيالك
والحنين إلي سرى بروحي وجالك
ما هو بس أنا حبيبي
الأماكن .. الأماكن
الأماكن .. كلها مشتاقة لك

[الجووهره]

الجوووهره

هههههههههههه

[سجين الرواسي]

افا

وانا متحمس ههههههههه

من دعاكن يا هجوسي من دعاكن
ما بقى منكن لباكرنا بقيه
كل ما غنيت له لحن الاماكن
قال عطنا من اللحون السامريه
جادل حرك بجوفي كل ساكن
ليتني ما جيت حي العقربيه

المزنه العقربيه

[الجووهره]

موو على كيفك سجين

انا قبلك ههههههههههههه

[شموخ المشاعر]

السيل يا سدرة الغرمول يسقيك
من مزنةٍ هلت الماء عقربيّه

كم ليلةٍ جيت ساري في حراويك
عجلٍ واخاف القمر يظهرعليّه



شموخ

[شموخ الوايليه]

الشموخ مع الركاده والثقل ..
في مفاهيم البشر صارت غرور
أحمد الله كامله كلي_عقل ..
واثقه في خطوتي شيخة حضور


.. الفراق ..

[صـدووودٓ]

ماتصورت الفراق وماتخيلت العذاب
ماتخيل ان بعدك عندي اكبر مشكله


ظنيت

[شموخ المشاعر]

ظنيت ترسل بس شفتك تأخرت
والقلب عيا ما تحمل غيابك
مجبور أسامح لو اشوفك تغيرت
وان جيتني لا أصيح وأصرخ هلا بك

همس الوفا

[البدر الراسي]

الجوهره اكلتوها ؟؟؟؟

الجوهـره وشلـون تمـشـي عـلـى الـقـاع .. حسبـي علـى اللـي جابـهـا مــن بحـرهـا
اثـر ألبنـي فيـهـن تشاكـيـل وانــواع .. فيهن جمـال وفيهـن إللـي الله سترهـا
بعض ألبني تشري الذهب يوم ينباع .. تـبـيــه يـســتــر حـالــهــا ويـعـمـرهــا
وبعض ألبني مثل الذهب يلمـع إلمـاع .. يـضـيــع لـيـامــن إنــحـــط بـنـحـرهــا
الـجـوهـرة غـطــت عـلــى كـــل الانــــواع .. وشـهـي ديـانـا يـــوم تـنـشـر صـورهــا
لـوأشـرت يـــم الـكـواكـب بـالاصـبـاع .. كــــل الـكـواكــب حــولــت مــــع قـمـرهــا

[شموخ المشاعر]

كفيت ووفيت البدر^^

[شموخ المشاعر]

همس الوفا*

[محمد العواد]

صح لسانك يالبدر
والجوهره تستاهل
وطرت علي هالابيات هه


أغلـى الجـواهـر جوهرة عقد الالمـاس

كــل الـبـشــر لـولا ثـمــنـهـا شـروهـا

والنـاس تفـرق بالطبـايـع والاجنـاس

حـكـمـه قـديمـه اسـمـعـو وافـهـمـوها

بعض البشر عندي مثل باقي الناس

وبعض البشر يسوى البشر كل ابوها

➰نديم القوافي➰


(همس الوفا)

[شموخ المشاعر]

صح لسانك العواد

وهمس الوفا ههههههههه

[محمد العواد]

ههه

همس الوفا بيني وبينك حبيبي
تقراه بحروفي وبحروفك اقراه

اما انت تصبح يالغلا من نصيبي
ولا ترى غيرك من الناس ما ابغاه

نديم القوافي


((( وين انت )))

[شموخ المشاعر]

وين انت قبل اللي مضى من سنينـي
يـا مسعـدٍ باقـي حـيـاتـي بـالأفـراح

ما قـول قبلك في حيـاتي ضنينـي
ولا نيب مع غيرك من الناس مرتـاح



مممممم



جار الوقت

[محمد العواد]

حظي تردى وجار الوقت وظروفي
تحول بيني وبينك يا هوى بالي

اليوم ما بين قل الحيله وخوفي
امسيت باسوار سجن غيابك لحالي


نديم القوافي


((( كتبت لك )))

[البدر الراسي]

كتبت انا في تالي الليل بيتين .. لعيون من يسوى جميع الخلايق
اللي معاهدني على الزين والشي .. وللي بشوفه يصبح الفكررايق


(( البدر ))

[شموخ المشاعر]

أســـتخبرُ البدرَ عنكم كُلما طلعا
وأســــــألُ البرقَ عنكم كلما لمَعـا

أبيتُ والشوقُ يطويني وينشرني
براحتيهِ ولم أشـــــــكو لـهُ وَجـعـا

الفؤاد

[البدر الراسي]

فؤادي بين أضلاعي غريب .. ينادي من يحب فلا يجيب
أحاط به البلاء فكل يوم .. تقارعه الصبابة والنحيب

(( الشموخ ))

[مهرة يام]

الشموخ مع الركاده والثقل ..
في مفاهيم البشر صارت غرور
أحمد الله كامله كلي_عقل ..
واثقه في خطوتي شيخة حضور
عيونها

[البدر الراسي]

وعيونها في مسايير المنايا سبب .. الله على جفونها لا رفت جفونها

تموت الناس مابين الهدب والهدب .. ماضيع العالم الا نظرة عيونها.


(( سلسالها )) وبشرط من كلمات ابن حويل هههههه

[مهرة يام]

داعبت فمها وارتشف منها فمي
رحيق يشف الروح من سلالها
ولقيتها صدري وجريت نسمي
وضميتها لين انقطع سلسالها
شعور البعد وتكون لابن حويل ههههه

[الجووهره]

الجوهره اكلتوها ؟؟؟؟

الجوهـره وشلـون تمـشـي عـلـى الـقـاع .. حسبـي علـى اللـي جابـهـا مــن بحـرهـا
اثـر ألبنـي فيـهـن تشاكـيـل وانــواع .. فيهن جمـال وفيهـن إللـي الله سترهـا
بعض ألبني تشري الذهب يوم ينباع .. تـبـيــه يـســتــر حـالــهــا ويـعـمـرهــا
وبعض ألبني مثل الذهب يلمـع إلمـاع .. يـضـيــع لـيـامــن إنــحـــط بـنـحـرهــا
الـجـوهـرة غـطــت عـلــى كـــل الانــــواع .. وشـهـي ديـانـا يـــوم تـنـشـر صـورهــا
لـوأشـرت يـــم الـكـواكـب بـالاصـبـاع .. كــــل الـكـواكــب حــولــت مــــع قـمـرهــا


شفت شلون البدر ههههههه

الله يسلمك ويرفع قدرك

وصح لسآنك مليون ولا يسدون

ربي يسعدك

[الجووهره]

صح لسانك يالبدر
والجوهره تستاهل
وطرت علي هالابيات هه


أغلـى الجـواهـر جوهرة عقد الالمـاس

كــل الـبـشــر لـولا ثـمــنـهـا شـروهـا

والنـاس تفـرق بالطبـايـع والاجنـاس

حـكـمـه قـديمـه اسـمـعـو وافـهـمـوها

بعض البشر عندي مثل باقي الناس

وبعض البشر يسوى البشر كل ابوها

➰نديم القوافي➰


(همس الوفا)




ت تسلم شاعرنا وتستآهل الطيب

وصح لسآنك مليون ولا يسدون

ربي يسعدك

[الجووهره]

شعور البعد



يـــــــا شـــعــــور الــبــعـــد قـــبــــل الــســفـــر حــــســــك مــخـــيـــف
فلـــــســـــفـــــتـــــك الــــــــمــــــــؤرقـــــــــة تــــــــــــرهـــــــــــــق بــــفــــلــــســــافـــــهـــــا
لــــــو دريــــــت الـــلـــي ورى الــغــيــب فـــرقـــاً مـــــــا تــشــيـــف
كـــــــــــــــان لـــــــحــــــــاق الـــحــــســــايــــف قـــــــصــــــــر حـــســــافــــهــــا


لمهدي بن حويل



صدفه

[صـدووودٓ]

‎صدفه لقى ماهي مثل باقي الوعود
‎فيها صدق احساس فيها محبه


غيابي

[شيخـــة الغــيــد]

/

جيت انا من بعد ما طوّل غيابي
والغلا والشوق يزهر في حشايا

الشعر يسأل وزود في عتابي
كيف ابحيا اليوم وحروفي ضمايا

خلني اروى وسط جنة روابي
وخلني لحنٍ على اشفاه الصبايا

جيت به وله تسطر في خطابي
جيت من ارض العطش لأقصى مدايا

التمس دربي وسط عجة ضبابي
وساقني عذب النسيم اللي ورايا

/


المواصيل
-

[خيال مطير]

رسايلك توحي بقطـع المواصيـل
الله يبيح اللـي رعـاك ويديمـه
ماهو كذا تقفـي وذودي مباهيـل
وتهل دمعك مثـل دمـع اليتيمـه
جرحتني توك وانا جرحي محيـل
وهزمتني وانا ماعـرف الهزيمـه

الرموش

[شموخ المشاعر]

خلني بين الرموش اللي وقوف
تحت منثور الشعر فوق الجبين

لجل عينك يا حبيبي ما تشوف
غير زولي كل وقت وكل حين


عيونها

[خيال مطير]

بــعــيـونــهــا زان الـنـقـاب واحــلى عيون عيونها
فــيــهــا ســحــر فـيـهـا عـــذاب سود العيون بلونها
شــدتـنـي انـظــر يــمـهــا وهــي ابـــد ماهمها آآآهـ
تــخـطـف الـنـظـرمـا تـهـاب مـا يـنـعرف مـضـمونها

ألشوق

[شموخ المشاعر]

‏يا وله يا حب يا عمرى يا ذوق
‏كل ما فينى انا يا ذوقي شوق

‏تدرى ليه غنيت لك يا شوق شوق
‏هذا من زود الوله وكثر الحنين


ذكرى

[خيال مطير]

ياصاحبي من شوفتك صرت ممنوع
واللي بقى لي منك ذكرى قديمه
حبل الرجاء في شوفتك صار مقطوع
و الـحال من فرقاك ربي عليمـه
صار الحزن في داخل القلب مزروع
مـصيـبة الفـرقا عليـنا عظيمـه

ألنسيان

[شموخ المشاعر]

‏أتذكر أيامك بـ أدق التفاصيل
‏أنا مع النسيان عندي مشاكل


الوعود

[شموخ الوايليه]

لا خير في وعدٍ إذا كان كاذباً
ولا خير في قول إذا لم يكن فعلُ
.
.
.
الوداع

[شيخـــة الغــيــد]

/


رَعى اللَهُ مَن لَم يَرعَ لي حَقُّ صُحبَةٍ = وَسَلَّمَ مَن لَـم يَسـخُ لـي بِسَلامِـهِ
وَفي ذِمَّةِ الرَحمَنِ مَن ذَمَّ صُحبَتـي = وَلَـم أَكُ يَومـاً ناقِضـاً لِذِمـامِـهِ
وَإِنّي عَلى صَبري عَلى فَرطِ هَجرِهِ = وَقُـربِ مَغانيـهِ وَبُعـدِ مَـرامِـهِ
يُحاوِلُ طَرفي لَحظَـةً مِـن خَيالِـهِ = وَيَشتاقُ سَمعي لَفظَـةً مِـن كَلامِـهِ
وَيَـومَ وَقَفنـا لِلـوَداعِ وَقَـد بَــدا = بِوَجهٍ يُحاكي البَـدرَ عِنـدَ تَمامِـهِ
شَكَوتُ الَّـذي أَلقـى فَظَـلَّ مُقابِـلاً = بُكايَ وَشَكـوى حالَتـي بِاِبتِسامِـهِ
بِدَمعٍ يُحاكـي لَفظَـهُ فـي اِنتِثـارِهِ = وَعَتبٍ يُحاكي ثَغرَهُ فـي اِنتِظامِـهِ
فَما رَقَّ مِن شَكوايَ غَيـرُ خُـدودِهِ = وَلا لانَ مِن نَجـوايَ غَيـرُ قَوامِـهِ



الجـــــــــــــــرْح

[رحيل]

هون على نفسك إذا ضقت وتهون
لا تنشغل بالشرح { والجرح } جرحك

اللي يبي كرهك بيكرهك من دون
واللي يحبك ماهو محتاج شرحك

[رحيل]

الضيق

[شموخ الوايليه]

تسولف لي عن الضّيقة وأنا كلّي ألم وأحزان
وأنا من وين ما ناظر بعيني شفـت ضيقاتـي
تسولف لي عن الضّيقة وأنا عنوان للحرمـان
دخيلك لا دخيل الجـرح لا تكشـف معاناتـي
دخيلك لا تشجّعني أسولف وأكسـر الكتمـان
تعبت من السّكوت اللّي تعود يسكـن بذاتـي

.
.
.
الغياب

[رحيل]

ضاق صدر الليل وأوجعه الحنين
شوف وش سوى غيابك ويش جاب

حتى صاح الصبر خلف الغايبين
يا الله عفوك ..... كلبو هذا غياب



العهد

[خيال مطير]

نبي منك العهد لاعاد تجفانا ولا نجفاك ... ابي اكمل مطاليبك وكملي مطاليبي

وانا قلبي وروحي والعيون ومابقى يفداك ... جزا لك ماملكت فداك يازين التعاجيبي

شعرك اشقر وعينك ناعسه حورا حلو ماحلاك ... تحتك اخضع مطيع مريع والاقدار ترميبي

رمتبي تحت اقدامك مقادير ولاتخفاك ... إلي مني ذكرتك جر قلبي بالكواليبي

خلف هذال

الموت ؟

[شموخ المشاعر]

للموت فينا سهام وهي صائبة
من فاته اليوم سهم لم يفته غدا


صمتي

[رحيل]

يالله عونك لاغدى صمتي كلام
وعجزت حروفي تجمع شتات الألم


والنور في دنياي عانقه الظلام
والليل حالك .. وإنتصاري منهزم

الانتظار

[شموخ المشاعر]

رحمة الله عليه يا قلبي


أُحبكَ مهما طالَ انتظاري
لأنكَ لستَ قدري ولكن اختياري


حلم

[رحيل]

امين جزاك الله خير حبيبتي ..
عدلتها (:

[شموخ المشاعر]

اخـاف اغمض عيوني وان رمشت افقدك
واخـاف افـتح وتـصبح حلم ولا التقيك


روح

[الجووهره]

فدوة عيونك لو غدت روح مغليك
وش عاد لو راحت لعينك عشاير

أبيع مايغلى على الكون واشريك
واسوق لى جتني علومك بشاير




الغلااا

[سجين الرواسي]

لو لا الغلا ما جيت يا شوق ناصيك
شوق الفقير اللي ربح له عماير

الشوق

بقلمي

[شيخـــة الغــيــد]

/


يغصبني الشوق يم رضاك وأطيعه
مع إنك اللي تواصلني وتقطعني

أذيع حبي ولو ماودي أذيعه
الود ود الهواء والقلب يدفعني



الجـــفآء
/

[رحيل]

ياصاحبي ليه الجفا عني ابطيـت
وش جاك مني ماترد المراسيـل

غالي لو انك يالغلا مـا تغليـت
وشلون لي ترضى العنا والبهاذيل

..
غلاك

[عابره]

غلاك بداخل عروقي ولا يوصل غلاك إنسان
يمر الوقت ويثبت لك .. غلاك إن الله أحياني
بضحي بعمري لعيونك .. تنام إنتا وأنا سهران
وأنادي جروحك ل قلبي وتجي واحد ورى الثاني


ياخوي

[شيخـــة الغــيــد]

/

ياخوي لك عندي معزة وتقدير
ولك الغلا في وسط صدري اشيلة
لجلك حروف الشعر جني طوابير
ونقيت من بحر القصيد الجزيلة
لو ان طيبك فاق كل التعابير
لكن على ماقيل رد الجميلة
ربيتني من عادني طفل صغير
واصبحت رجل ورايم للطويلة
قديتنالدروبنا والمشاوير
يامرشدي يم الصواب ودليلة
زرعت فيني الطيب من بذرة الخير
وارويتني من جمتك بالفضيلة
شامخ بفعلك كنك طويق والنير
مثلك يفاخر دام هذا حصيلة
خذني يمينك بالرخا والمعاسير
خذني شطير من السيوف الصقيلة
انقاله الله ماتذوق المخاسير
وانا سندك اللي تبي ترتكيلة
هذي حروفي جتك باحلى تصاوير
ابيك تقبلها ولوهي قليلة


[[ الخفوق ]]

[البدر الراسي]

فز الخفوق وقلت يا الله عسى خير .. أثر الليالي عاد غايب قمرها
يا ناس أحبه والمحبة مقادير .. هذا هوى نفسي وهذا قدرها

المشاعر

[شيخـــة الغــيــد]

/

بصب لك كل المشاعر واقهويك
اروع قصيدة أمطرتني تهاني

ادري تراجف للقصايد أمــانيــك
وادري تحب تشوف شاعر يعاني

تبي القصايد او تبيني انا اجيك
بأبيات ارهف من سحابة حناني

على العموم بكل الاحوال يمديك
يجيك كل اللي تبي في ثواني

ياسيدي تامر وأنا اقول لبيك
اليوم يومي والمحبه تفاني




[[ الله حسيبك ]]

[ملكة الرواسي]

الله حسيبك على الضيقه معودني
ياكاسر الخاطر اللي شوفتك جبره





تطلب وانفذ اآبي قربك وتجهلني
كني طلبتك تحفر البير بـ الأبره ..!


/ القلب /

[البدر الراسي]

قلبٍ يحبك يا هناه وربيعه .. لا غبت عنه شوي زاد التياعه
والعمر موحش والليالي مريعه .. قبلك واحسب ان الثواني بساعه

الحنايا

[ملكة الرواسي]

ناس تـدس الهـم بيـن الحنايـا
وناس وربي مادرت وش صاير
هذاك حظه مثل بيـض الثنايـا
وهذاك حظه مثل سودالضفايـر

.. الروح ...

[شيخـــة الغــيــد]

l

جيتي يآغلآ الروح (سحآبة) عشق وآنا ظـميآن
ارجوك بلي ظمآي وآروي عروق القلب وشرياني
يرتجـف لكـ بدآخلي عـرق(ن) عآشقك وشفقآن
ويرتفع صـوت (آهـ) المحبه بين روحي

[[ الأنفاس ]]

[الجووهره]

ياغايةٍ بالذوق يا عطر الانفاس

ممزوج بين الحاضرة والقديمة



فيك الحلا يطغى على كل الاجناس
وازكى وصوفك فالغواني عديمة



الــورد

[محمد العواد]

الورد من وصفه بوصفك وصايف
وفعلاً صحيح ان الغلا ماله اسباب

انا معاك اليوم زي منت شايف
توي عرفت اللي يسمونه اعجاب


تعال

[شيخـــة الغــيــد]

/

تعال اسكن وسط صدري وبدد وحشة الوجدان
واذا حسيت بالغربة تسلى رتب ضلوعي
...
تعال اسكن بصدرٍ ماتمتع في دفاهـ إنسان
سوى اللي من عرفت وحبهم بالقلب مشروعي
...
هلا بك وسط صدري وانتبه للقلب والشريان
ماهو خوف عليه الا غلاكم فيه مزروعي


[[ لاتواعدني ]

[شموخ المشاعر]

لاتوادعني وتعلن برحيل
ماتحمل شوفتك يوم الوداع


قاعدة أسمعها :(:(



المستحيل

[الجووهره]

من كثر حلمي, عشقت المستحيل
............... والأماني .... بس أماني .... ما تطيب

إنْ تباعدنا .... كلامك لي : تعال
............... وإنْ دنا الموعد ..... مَعَ المغرب تغيب



وينك

[سجين الرواسي]

طولت وينك يا حشاشة جوفي
ما تدري ان البعد ولع ناره


البعد

[الجووهره]

دخيل الغلا اللي راح واللي وقف مرتاب
بسميه عشق وانت مدري وش تسميه

ودخيل العيون اللي عليها الحلا جذاب
تشوف الولع فيهن ولا تدري اش تاليه

ودخيل المكان اللي جمعنا ولا هو اعجاب
اذا لي معزه طاري البعد لاتطريه

[الجووهره]

السهر

[شيخـــة الغــيــد]

/

ليت السهر يقفي من العين وارتاح،
وتسلا عيوني من سنا النور وتبات،
وليت الفكر ماهـوب طير له جناح،
واطرد هواجيس السهر كل ماجات


[[ الشّدآيــد ]]]

[شموخ المشاعر]

ﺍﻟـصـﺎﺣﺐ ﺍﻟلـﻲ ﻣـﺎﻳـﻮﺩك ويغليك
ﺃﻛـﺘﺐ ﻋﻠـﻰ ﺁﺧـﺮ ﺣـﺮﻭﻓﻪ ﺧﺴﺎﺭه
ﻭﺍﻟﺼﺎﺣـﺐ ﺍﻟلـﻲ في ﺎﻟﺸﺪﺍﻳﺪ ﻳﺪﺍﺭﻳـك
ﺃﺣﺴـﺐ ﺣـﺴﺎﺑﻪ ﻭﺍﻋـﺮﻑ ﺍﻧـﻪ ﺗـﺠﺎﺭه


الوقت

[شيخـــة الغــيــد]

/

إليا صفالك زمانك علِّ ياظامـي ..
إشرب قبل لايحوس الطَّين صافيها

الوقت لو زان لك ياصاح مادامِ ..
ياسرع ماتعترض دربك بلاويهـا

حتَّى وليفك ولو هيَّم بك هيـامِ ..
سيَّور الايَّام تجنح بـه عواديهـا




[[ مــرّنـــي ]]

[الجووهره]

مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة


قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

[الجووهره]

الذكريات

[البدر الراسي]

يا شين تقليبك بالأوراق شيناه .. تلقى بقايا الذكريات القديمة
طول الزمن ما حال دون ذكراه .. الزين حتى ذكرياته غنيمه


(( الغياب ))

[شموخ المشاعر]

خلد غلاك وبادل الطيب بالطيب
عشان تبقى حاضر في غيابك


سألقاك.

[الجووهره]

سَألقَاكِ يَوماً ورَاء السَّديمِ
ضِفَافاً منَ الضوءِ

يَختالُ فيهَا شَمِيم العِرَارِ
ونَكْهَة مَاءِ المَطَرْ



الغيم

[شيخـــة الغــيــد]

/

جو المطر و الغيـم وأنا وزانــــك
يحـي حشيـم عـروق قلـب "ن" يبـــاريك

قلــب"ن" يحبــــك صدق ويعز شانــك
وما يصــدق الهرجـات لاذي ولا ذيـك

[[ القلب ]]

[ملكة الرواسي]

القلب قربك من دواعي سروري
فيه الفرح ولقيت كل المسرّآت
مني لك التقدير وباقات جوري
واهديك قبلاتي بشوقٍ وآهات

*
الروح

[عابره]

يالطيف الـروح عاملنـي بلينـك
التغلـي صعـب والفرقـا فجيعـه

اذكر الماضي وحطه نصب عينـك
ولا تحملنـي بحمـلٍ مااستطيعـه

الهجر

[شيخـــة الغــيــد]

/

( الحب قآتل ) .. دآمـه اليوم .. نسآك
والهجر ظآلم .. بـ / المحبة .. وأنشهد
تعآل شفني .. كلمآ قلت .. ( أبنسآك )
أكذب ليآ من قلت .. ( بنسآك ) من جد
أفـآرق ( الدنيـآ ) .. ولا أعيش فرقآك
لكن على .. ماقيل .. شكرآ على الصد !



[[ لاتسألنــي ]]

[شموخ المشاعر]

لا تسالني عن حالتي وعلومي
الحال دونك يا مودي شين


عابر

[سجين الرواسي]

عابر سبيل ورحلتي مجهوله
يا عالم المجهول ويش أخرها

يا المجرمه انتي ترى المسئوله
عن قلبي اللي وجنتك صورها

المطر

[شموخ المشاعر]

قلت المطر قالت من اليوم ديمه
مابه رعد لا برق ما غير هتان

صوت النديم اللي يعاتب نديمه
صوت المطر كنه تعاتيب خلان


طيفك

[سجين الرواسي]

طيفك يناجيني وطيفك يكفين
ملك فريد ومالكه ربي اعطاه

الله عطاه الذوق والثقل والزين
وعطاه قلب ما يفكر بفرقاه

سجين

الذوق

[ملكة الرواسي]

الذوق ذوقك وانتي الذوق كله
وشلون ذوق اللي لها الذوق ذواق
انتي كما نجم السماء في محله
وانتي كما الورده على كف عشاق

.

السعادة

[الجووهره]

عسى السعادة ماتفارق حناياك ,,
مرسومة في مبسمك ماتخليك ,

, راحةوفرحة ياعسى ماتعداك ,,
تستوطن احساسك وتسكن نواحيك ,,

ولعل كل ماحس خاطرك واشقاك ,
, يزول بأمر الله ولاعاد يشقيك


والله يسعدكم جميعااا


الوقت

[شموخ المشاعر]

يا ظروف الوقت يا الوقت الغريب !
ضاقت الدنيا و فالدنيا سعه ؟

خاب ظني يوم ظني ما يخيب
خاب ظني يوم الليالي موجعه !


الليالي..

[وافي الحرف]

كم ليلة عوى ذيب الفيافي
اساهر العيون من هجر ذيبه
ياذيب راح وقتك يازمن الجافي
فعولك تضرب لها أمثال الريبه

الوفى

[ملكة الرواسي]

الوفي يبقى وفي مهما الزمن عاداه ..
ما يترك أبد صاحبة لو بالجفا جازاه ..
مهما بعد صاحبي لا يعتقد أنساه ..
كنز الصداقة صعب لو ضاع ما نلقاه..
.
العطاء

[وافي الحرف]

كل العطا انت ياكامل الذوق
اعطيتك القلب اجمل هديه
المشاعر في طلتك تفوق
اتابع بصمت واحفظ الرمزيه

الود

[ملكة الرواسي]

والودِّ طبعي
وعيَّا الطبعِ لايخرج مِن الرَّوح
والحُبِ شلَّش عليَّ والحِسايف مِتعبتني
هم علَّموني بضحِك السَّنِ حتى صِرت مجروح
وأستقصدوا الصَّدِ والهجران وأوَّلها مزوحِ

*

القلب

[وافي الحرف]

ياقلب خلك عايش هناك بعيد
ما اكتفيت من قسى وجروح
انا عارف انك من نوع فريد
تحسب نفسك عالي صروح
وش جنيت وانت لحالك وحيد
غير الحزن وضيقه الروح

التجاهل

[سجين الرواسي]

ما ذبحنا يا غلا كود التجاهل
لين رحنا ما تلقينا اجابه


الجنوب

[ملكة الرواسي]

افتخر إني من ارضگ ي آلجنوب
ديرتي تسوى بلآد ب رسمها
كل مانسنس من اقصاها هبوب
ينشرح صدري والبي ب اسمها ♡"

.
السعادة

[سجين الرواسي]

السعاده دونها صاحب سعاده
كافر بالحب ذو باس شديد

البعد

[الجووهره]

دخيل الغلا اللي راح واللي وقـف مرتاب ....
بسميـه عشقٍ وأنت مدري وش تسميه

ودخيل العيون اللي عليها الـحلاا جذاب ....
تشوف الـولع فيهم ولا تدري وش تاليه

دخيل المكان اللي جمعنا ولا هـو إعجاب ....
إذا لـي مـعزه طـاري البعد لاتطـريه

[الجووهره]

الليل

[سجين الرواسي]

انا والليل اصحاب وحبايب
اسوق اسراري بغبة ظلامه

الين اصبح من عداد القرايب
والين اصبحت من جملة نظامه

سجيييين

التغلي

[ملكة الرواسي]

صح لسانك سجين

منقول
ليه التغلي بين ا لاحباب مكتوب
دام الحز ن يشعل مع اثنين جمره



وكلن يذوق المر في ليل ويذوب
ودموع عينه سا يحه في مقره
.
غيمة
هههههههههه

[عابره]

أثر آلمفآرق صعب .. غيمه سوآد وليل ...
أنسآك هذآ الصعب .. لآ مآبقى بي حيل ! .،



عطرك

[سجين الرواسي]

ريح الشمطري لا امتزج مع عطرك
قبل يتطاير ليلك وانسامه

اوقد بصدري جمرة يا كبرك
في عين من اعلن لك استسلامه


سجيين


النار

[تهآآآآآآآآآآويل]

بعض العرب ,, في شبة النار يحتار
يجي الشتا ويروح ما شـب نـاره



تعـــــــــآآآآآآآآآآآآآآآآل

[الجووهره]

ممكن تصير تعآلي ههههه

تعالي مِن جسور الَّليل .. تعالي ضيّ
تعالي في هجير الشَّوق .. تعالي فيّ

[الجووهره]

الصبر

[الجووهره]

البعد وظروف الزمن هدت الحيل*
وغير الصبر م فيہ للشخص حيلهہ*

اللي بقى شعر و قصيد ؤسہر ليل*
بعض الاماني صايرههہ مستحيلهہ ؟

[الجووهره]

الايام

[الجووهره]

ورآآكم مطنشين الموضووع هههههه

من بآدي الوقت وهذا طبع الأيآمي
عذبآت الايام ما تمدي ليآليها

[الجووهره]

الغيم

[ملكة الرواسي]

هههههههههه لبي قلبك جوجو

احب اسافر مع سحاب تعلى .. واحب فوق الغيم لمع البروقي
يا مدور الهين ترى الكايد احلى .. وسأل مغني كايدات الطروقي
الزين غالي لاكن الأزين اغلى .. والكل شراي بضاعه وسوقي
النو عالي والسما فوقه اعلى .. ولافاق علم جاه علم يفوقي

.

الحياة

[محمد الـفراج]

من لي بعد زولك وضحكة اشافيك
ترى الحياه ابدون وصلـك فضيعه

ياليتنـي قلبـك وياليتنـي فـيـك
أنبض غلا (http://forum.imageslove.net/pic150763/)ما أنبض فراق وقطيعه

الورد

[الجووهره]

لبى كلك ملووكه




بعض القلوب النادرة تشبه الورد


لا زارهــا احســاس المحـبة رواهــا

[الجووهره]

المحبه

[ملكة الرواسي]

يا اهل الهوى كيف المحبه تهون
كيف النوى يقدر ينسي العيون
نظرة حنين وأحلى سنين
عشناها ياقلبي الحزين
.

غرام

[الجووهره]

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

[الجووهره]

البــرد

[شموخ المشاعر]

ويجرحني البرد وتدفيني عيونك



المطر~

[الجووهره]

قلت المـطر . . قالـت من اليـــوم ديمــــه
ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه
فـيّض على صدر الثـرى دمع الأمزان
هــمس النديم .. الــلي يعـاتب نـديــمه
صـوت المطـر .. كـنه تعاتـيـب خلان

[الجووهره]

الوفآء

[محمد العواد]

لولا الوفاء ما ياثق انسان بانسان
ويشطب من القاموس مبدأ الأمانه


نديم القوافي





الصوت

[الجووهره]

صح لسآنك شآعرنا




لآضاق صدرك (http://www.almotmaiz.net/vb/32288-%D9%84%D8%A2%D8%B6%D8%A7%D9%82-%D8%B5%D8%AF%D8%B1%D9%83-%D8%B9%D8%A7%D9%84%D9%8A-%D8%A7%D9%84%D8%B5%D9%88%D8%AA-%D8%AC%D8%B1%D9%87/) عالي (http://www.almotmaiz.net/vb/32288-%D9%84%D8%A2%D8%B6%D8%A7%D9%82-%D8%B5%D8%AF%D8%B1%D9%83-%D8%B9%D8%A7%D9%84%D9%8A-%D8%A7%D9%84%D8%B5%D9%88%D8%AA-%D8%AC%D8%B1%D9%87/) الصوت (http://www.almotmaiz.net/vb/32288-%D9%84%D8%A2%D8%B6%D8%A7%D9%82-%D8%B5%D8%AF%D8%B1%D9%83-%D8%B9%D8%A7%D9%84%D9%8A-%D8%A7%D9%84%D8%B5%D9%88%D8%AA-%D8%AC%D8%B1%D9%87/) جره
لو كان قلبك ما يطاوعك مسرور


دنياك لو تسوى من الحِزن ذرّه
ما كان تاليها توابيت وقبور


وما كان للكافر بعمره مسره
وما شفت في ملكه ملايين وقصور


العمر يمضي بين حلوه ومره
والموت حق وقابض الروح مأمور


دام الحياه الفانية مستقره
ورزقك يجيك وبين الأجواد مستور


لاتنشغل بالوقت برده وحره
واحذر تصير بقسمة الناس مقهور



وحكم القدر لاجاك خيره وشره
أشكر عظيم الشان والذنب مغفور



والمجلس اللي يزعجك لا تمره
خله تراك بشوفته منت مجبور



والرجل سقها في صحاصيح بره
ومد النظر مابين ريضان وزهور



لا صار وجه القاع ما فيه جره
والمشي حافي والثرى توممطور



ساعات صمتٍ ما وراها مضره
تسوى الكلام اللي به إذنوب وإشرور



أطلق خيالك وأترك النفس حره
وخل الطبيعه في حياتك لها دور



وبالليل لا بانت نجوم المجّره
أذكر بديع الخلق بـِ إحـساس وشعور



واسجد لرب الكُون مره ومره
وإحفظ لسانك وأترك الكذب والزور



وفروض ربك خلها مستمره
وطاعتك لا يدخل بها نقص وقصور





آعجبتني القصيده نقلتها كآمله


نجد

[شموخ المشاعر]

أَلاَ هَل مِن البَينِ المُفَرقِ مِن بُد
وَهَل لِلَيَالٍ قَد تَسَلَّفنَ مِن رَد

نَوَى أُم عَمرٍو حَيثُ تَغتَرِبُ النوى
بها ثُم يَخلو الكاشِحُونَ بها بَعدِي

وظني بها وَالله أَن لَن تضيرني
وُشَاةٌ لَدَيها لاَ يَضِيرُونَهَا عندي

وَقَد زَعَمُوا أَن المُحِب إِذَا دَنَا
يَمَلُّ وإََن النأي يَشفِي مِنَ الوَجدِ

بِكُل تَدَاوَينَا فَلَم يُشفَ مَا بنَا
عَلَى أَن قُربَ الدارِ خَيرٌ مِنَ البُعدِ

هواي بهذَا الغَور غَور تهَامَة
وَلَيسَ بهَذا الحَي مِن مُستوَى نَجدِ

فَوَ الله رَب الَبيت لاَ تجدينني
تَطَلّبتُ قَطعَ الحَبلٍ مِنكُم عَلَى عَمدِ

وَلا أَشتَرِى أَمراً يَكُونُ قَطِيعَةً
لِماَ بَينَنَا حَتى أغيّب في اللحدِ

فَمِن حُبهَا أحببت مَن لاَ يحبني
وَصَانَعتُ مَن قَد كنتُ أُبعِدُهُ جهدي

/


نـاي

[الجووهره]

يـا عازف الـ ناآي.. قصّر بحّة النبرة

صحيت جفن الحزن من مدّة أنفاسك.!

[الجووهره]

المسآآآفه

[محمد العواد]

مشتاق لك بس المسافه طويله
بيني وبينك ما اقدر آصلْك وآجيك


الشِـعِـرْ

[ثنائي القطب]

ياهاجس الشعر جعل يموت شيطانك
ماعيشتني سعيد امهارن اعسفها
الناس واعجابها وصح الله لسانك
ماهي بتشفي جروح ولاتخففها



الوحده

[هماليل]

أنا والصمت والوحدة وحرف بالعتب مجبول
قصايد ليل سطرها السهــاد بلونه الدافي


دروب

[ثنائي القطب]

دروب القاك فاخرها تعيد الروح للمقتول
اجي واغفى فحرفك كل مااثقل شوقي اكتافي

[ثنائي القطب]

دروب القاك فاخرها تعيد الروح للمقتول
اجي واغفى فحرفك كل مااثقل شوقي اكتافي


شعور

[محمد العواد]

لو كان شعري ما يعبر شعوري
عزلت نظمه واعتزلت الكتابه

محمد العواد


" شوق "

[الجووهره]

الشوق ! مايرحم ولافيه حيله
لا جاك مايقبل تصاريف وعذار

لاجاك حمّلك الحمول الثقيله
حتى لو انك جامد القلب تنهار



العيد

[محمد العواد]

الله على الابيات يالجوهره
صح ذوقك

بعيد عن عاداتنا والتقاليد
في وقتك الراهن وحاضر سنينك

العيد ماهو معايد الناس بالعيد
العيد يا حطيت عيني بعينك


الكتابه

[الجووهره]

تسلم شاعرنا وماعليك زود

وصح لسانك


تعال اتعبت الشعر والكتابه

غنيت بك اروع قصايد ولا جيت

طال السؤال ولهفتي للاجآبه

ما قلت لي انسا ولا قلت حييت



الظروف

[خيال مطير]

لاتقول ان الليالي فرقتنا...لاتقول ظروفنا عيّت علينا
الليالي يوم ودك جمعتنا...يوم ودك كل شيٍ في يدينا
ياسقى الله ليلةٍ بك عرفتنا...في شعيب شهار عن غيرك سلينا
من مغيب الشمس حتى طالعتنا...عن هل الدنيا نزعنا واعتلينا

ألتغلي ~

[الشامخه]

لاجيت لك مشتاق قابلني بشوق
وإفرش لي ضلوعك ورحب وهليّ"

وإيآك ( تتغلـى ) ليـا جيت ياذوق
مافرق ( العشآق ) غيـر التغليّ



الخيانه.

[الجووهره]

الخيانه راس مالك والغدر منك وفيك
وانتا ماتحمل بقلبك غير غدرك والخيانه
لاتقول اني هويتك واني احبك وابيك
كيف وانا الغدر منك ذقته لحد الاهانه

[الجووهره]

السفر

[خيال مطير]

ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات




الربيع

[قرناس الحرار]

اتاك الربيع الطلق يختال ضاحكا
من الحسن حتى كاد أن يتكلما


الفراق

[الجووهره]

ياليت ربي ما خلق حب وفرآق

والا خلق حب على غير فرقآ

[الجووهره]

السهر.

[قرناس الحرار]

ابادع نجوم السماء واسهر الليل
وأثر السهر أثر على نور عيني

خرابيط النوم هههههه


الوجع

[الجووهره]

أعظم (وجع) بالحب لا صرت تشتاق
لـاللي تحب ولا أنت قادر تشوفه!
يكويك "جمرٍ" داخل القلـب حـرّاق
زودٍعلى نـاره تهـدّك طيوفـه
لا مرّ بعيونك كمـا نـوض بـرّاق
مالـك مجـال إلاّ تسايـر ظروفـه

[الجووهره]

الفجر

[خيال مطير]

يازينها قهوة الفجر وأنت مرتاح
ولا أنت في طرد المقفـي معنا
ينعشك ريح الهيـل والبـن لا فاح
في مجلس مافيه قال وسمعنا



ألعصر

[الجووهره]

مافيه أحد يبقى معك طول الطريق

حتى ظلالك يتركك بعد العصر


الليل

[خيال مطير]

أحب الليل والسهره على شاطي بحر هادي

على ضوء القمر نجلس واسامر صوتك الشادي

سواد الليل بقرونك وموج البحر بعيونك ...

ولون البدر من لونك في ضوه طاب مقعادى


المغرب

[الجووهره]

مسكت ع الاوقات خيال هههههه

حزينه حزة المغرب غروب الشمس ودعها

تكابر ودها تضحك ولكن حل مغربها

حزينه تكسر الخاطر تسليها مدامعها

تبي شمس. السما تشرق عشان تشوف غايبها


الضحى

هههههههه

[ناصر الهواوي]

لو ينشكي حبه على الطير ما طار= اضحى الضحى في ماكره مستكني(منقول)
منقول
<
<
<
<
وجداه

[الجووهره]

هلا بك شاعرنا القدير الهواوي

منور القسم ويعطيك العافيه ع المشاركه

وجداه ياللي عليك الكبد ضميانه

وجد البخيلين لا كثرت خسايرها

اون الك يا ثمر قلبي وبستآنه

ونّت كسير عظام الساق جابرها

[الجووهره]

الوقت

[رحيل]

الوقت هذا لو يحدك على أقصاك
حاول تكون بكل الاوقات هادي

أضحك تبسّم فلّها عيش دنياك
خذها ببساطه واقلب الوضع عادي (:

[رحيل]

الصد

[الجووهره]

ما ادري من الصد والحرمان وش بالقى

لكن مقاديري اقشر من مقاديرك

اللي لي انك تسامحني على الفرقى

واللي لك اني ما عاد احب أحد غيرك

[الجووهره]

الوفاء

[رحيل]

يبقى غلانا رغم كل _ الحواجز
بيني وبينك فالضلوووع النحيفه

دام الوصل عن لم الاحباب عاجز
يبقى الوفا نبض القلوب النظيفه

[رحيل]

الايام

[الجووهره]

من بادي الوقت هذا طبع الايامي
عذبات الايام ماتمدي لياليها ...

[الجووهره]

الصمت

[خيال مطير]

يازين لزم الصمت فـي بعـض الاوقـات .. فـي حينهـا لـو كـان يـشـري شريـتـه
من شأن مايلحق على النفس لومات .. واقــول وســط النـفـس لـيـتـه ولـيـتـه

[خيال مطير]

المهايط

[الجووهره]

خيال جمدت الموضوع بالكلمه هههههه

والله ما حصلت الا هالبيت



المرجله لا صارت هياط و شعر
ما عاد ابيها لعنبوها مرجله....


وفكينا الأزمه هههههههه

[الجووهره]

الكلمه

الشتآء

[خيال مطير]

جانا الشتاء والمفارق ماهو بـوقته
ياحرّ صدري على قربك ويابردك

لو يرجف العمر في فرقاك صدقته
لا تترك البرد ( ياخذ راحته ) بعدك

[خيال مطير]

الطريق

[الجووهره]

"الزمن" لا صار ضدك واحتوى درب المصايب..
لا تحاول( تنكسر له) لا تزيد الطين طينه..

للزمن حكمه غريبه تحكم بدرب الصعايب!!
ويا كثرمن ضيع الفرصه وهي فرصه ثمينه...

(عز نفسك) في زمانك لا تقول ((الحظ خايب))
وسق عمرك للمعالي وأكسر النفس الحزينه

والطريق اللي تشوفه يرسم للدنيا عجايب..
.مد يدك في طريقه لين ما تمسك يمينه

والرفيق أن طال وقته لا تحاتي وكل غايب...
حجته دايم معاه ولا تقول فلان وينه؟!!

ولا تكابر بالمصيبه لا حكوا بأغلى الحبايب...
.قول غالي وكل غالي ((تكرم لعينه مدينه))

والبلاوأكبر مصيبه "لا تناسوك الحبايب"
وتصبح الدنيا ظلام وتصبح ،،اللحظه لعينه...

وقتها لا عاد ينفع لا عتاب ولاطلايب...
والزمن والحظ الاقشر لاتلعنه ولاتلعن سنينه...؟

[الجووهره]

الغيآب

[خيال مطير]

هات الغياب وروح واقصر كلامك
* مافيه داعي تخلق لغدرك اسبـاب

* *مابي اعاتب واسالك وش علامك
* دامك نويت البعد ماينفع عتــــاب

[خيال مطير]

الرمش

[الجووهره]

الله أكــبر كـــيف يـــجرحن العيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

[الجووهره]

الغلاا

[رحيل]

لا تخدعك دمعة و لا يخدعك بوح
بعض الغلا أحيان ماله معاني


السهر

[خيال مطير]

يحرم عليّ النوم يا بعد كل غالــــي
ماذاقته عيني ولا لامس أهـــــــــــــــــــداب
اصارع الياس والرجاء فيك حــــــالي
مثل الذي متعـــــرض لعظّة الـــــــــــــــداب



الذهب

[الجووهره]

مثـل الذهب ماغيرتني سنيني
أزيد ماأنقص وإذا طحت غالي

من حطني بعينه أحطه بعيني
ومنهو خسرني لا يـدور بدالـي

[الجووهره]

الغآلي

[خيال مطير]

الغالي اللي بالمفارق طعني ,,,,, واقفى وخيب هقوتي يا خساره




الفضه

[وافي الحرف]

غالي ويعتبر مقدر عند هل الاعراف
في وقته كلن يسميه عليه غالي

النبض

صادق الحرف#

[خيال مطير]

سلام مرفق من لقاء شبوة عتــــق **** من منطلق حرصي على درب المسير
من هاهنا حيث الوحوش الكاســـرة **** من شبوة التاريخ والخير الوفيـــــــر
شبوة صناديد الرحال الاوفـــــــــياء **** شبوة هواجس نبض قلبي والضمير
قال الجنوبي يارسالة رابعـــــــــــــة **** من ملتقى يزخر به الجمع الغفــــــير




االغدر

[وافي الحرف]

اقسى من الموت وموت الحي
طعنة قفى جرحه مالها علاج

العبره


صادق الحرف#

[خيال مطير]

حياتي كلها غربه تعيـش الحـزن والحرمـان
رجيت اللي يواسيني وأشوفـه طـول غيابـه
اخفي عبرتي واضحك وأنا في خاطري زعلان
وأداري خاطـر عيَـا عزا...الأيـام يسلابـه


العيون

[الجووهره]

العيون اللي لعب فيها الحنين

ذابت من الشوق واعماها النعاس.."

[الجووهره]

الشوووق

[وافي الحرف]

في ضجيج الصدر حكاية اماني واحلام
عاشت سكون المشاعر واستباحت كوني
اضيع واغني موال الشوق بصوت الغرام
واكتب حروف القصيد من حبر عيوني

الضياع

صادق الحرف#

[وافي الحرف]

الضياع اللي ما بعده ضياع هو انا
كل ليله اشتاق واتمنى اشوفه

الحقيقه


صادق الحرف#

[الجووهره]

كل ما اقفيت ناداني تعال
وكل ما أقبلت عزّم بالرحيل

الحقيقة غدت مثل الخيال
هو عدوّي وهو أوفى خليل



العتآب

[وافي الحرف]

العتاب اللي ما يجيب نتيجه ابتعد عنه
كثر اللوم يعذب القلب ويرهق عروقه
كم حكينا وقلنا ولا نبي من وراه منه
نصحناه ولا فاد به وسبب حزن عوقه

الجفا


صادق الحرف#

[الجووهره]

من علمك طبع الجفا بعد الغرام
ليته يعلمك الوفا بعد الرحييل !'

[الجووهره]

الوفآء

[وافي الحرف]

قسم بالله انه صدق من قال
مايعرف وفاي الا من ايامي

جرح وعذاب والحال هو الحال
على ضفاف الوجد اجبر هايمي

الثقه

صادق الحرف#

[خيال مطير]

أين من عيني حبيبُ ساحرٌ .. في نبل وجلال وحياء
واثق الخطوة يمشي ملكاً .. ظالم الحسن شهي الكبرياء
عبق السحر كأنفاس الربى .. ساهم الطرف كأحلام المساء

[وافي الحرف]

الحنين

اغراب وان عشنا في وقتنا نبقى اغراب
واحزان تعصف بنا عن كل لحظه تموت
من يجهل القرب حنا نسوق له راكب
على جرح الزمن ونزف القصيد بصوت

الغلا

صدق الحرف#

[الجووهره]

الأخلاق نعمہۧ .. لاعطاها الل‘ـہ المخلـوق


ويابخت من يكسب غلا الناس.. بـ أخْلاقہ

[الجووهره]

السفر

[هزاع محمدالعاصمي]

سافر وترجع ياحبيبي على خير..واشوفكم عقب السفر بالسلامة
عسى السفر لك ياعيوني مسافير..يكفي عن التوديع منك ابتسامة

اللي بعدي ..الذكرى

[خيال مطير]

على ذكر المواجع والسفر والحل والترحال
طويت آخر ورق عندي بداخل دفتر أحزاني
طويته وإنكسر قلبي وصوتي بالمواجع سال
ودريت إن الظلام إللي تحت كف السهر جاني


ألظلااام

[وافي الحرف]

كنت اظن الظلام هو ستري وسري
اهل العبرات بعيد عن درب المخاليق

لقيت نفسي مع الاطياف وعمري
كيف يخون الطيف وينقض المواثيق


صادق الحرف#

الكفايه

[خيال مطير]

كفانى يا قلبى سيرا
فاطريقى شوكٍ وحِراب
كفانى يا قلبى أمل
فسمائى غيومٍ وضباب
لن يطرِقُ بابى أحدا
فسأرصِدُ كل الأعتاب
من حاولَ فتحه عَمدا
ويلٌ من قهرٍ وعذاب
كفانى يا قلبى حبا
قد ضاعَ صبا وشباب
كفانى يا قلبى لهواً

وداعاً دونَ عِتاب




الجفاء

[نهر]

الجفا من بين الاصحاب عيب من العيوب
والصداقة من بنا بيتها مايهدمه



السماح

[نهر]

المعذره غلطان واطلبك السماح
اصغر من ذنوبي انا وأنت الكبير

[نهر]

ميلاد

[وافي الحرف]

ميلادي بدا مع اول نبضه فيني
نبض احساسي صادق ولك عهد

#صادق الحرف


الوصل

[خيال مطير]

https://www.youtube.com/watch?v=Z0bLx4BPku4

[خيال مطير]

الحب ذل الوصل عار لا صار تاليها هوان
ياللي تقول أخبارك أخباري بدون مجاملة

زعلان منك اي نعم زعلان من شهر رمضان
ما تشوف جرحي لي ثمان شهور وانا حامله

رغم قساوة جرحك بقلبي لكن قلبي ما خان
يصحى الى منه صحى وان نام جرك نام له

فتنتني لين اكتشفت ان اكثر الحب افتتان
واتعبت من مسك القلم كف تجيد انامله

صياغة التعبير في جملة يخلدها الزمان
تصويرها يثبت بان الناس ماهي بكامله

خلاص بطلنا غلا احسن لنا نبقى اخوان
ويعاملك قلبي طبيعي مثل ما انت تعامله

صديت منك مثل ما صد الشجاع من الجبان
واحرمت من وصلك أحاسيس الخفوق الشامله

لا صرت دون احساس ما تقدر تقدم لي حنان
لان القلوب بحسها وبعطفها متكاملة

انت على طيارة الهجران حاجز لك مكان
وانا ف مطار مواصلك ناطرك ساعه كامله


رااااقة

[وافي الحرف]

كيف العين تروق وانت بعيد عنها
وش لي بالشوف دامك تبخل علينا

والله تبطي يازمن ما تحرمني منها
معي الامل والامال بربي ما تبعدنا

#صادق ىالحرف

الغلا

[الجووهره]

قلبي على ذاك الغلا ماتغير..
مايلتفت شوقه على غيرك إنسان..

كن الغلا في وسط قلبي مسير..
يمشي "بدربك" بس لو كان ماكان..

كنت أحسب أني في غرامك مخير.
وأثر الغلا في غيبتك هز بركان

[الجووهره]

الشوق

[وافي الحرف]

الشوق شيد فيني مدينه وعلا اسوارها
ورسم على صدر المواجع اول من فقدها

كنت للشوق ملك والشعب نفى ادوارها
واعلن التنحي وراح الحكم يشكي سندها

#صادق الحرف

[الجووهره]

وين الكلمه الوآفي
هههههه

أنا باقول

الليل

من ظلآم الليل جيتك يـ الصبآح
....... و آلأمل فيك أنت بعد آلله .. كبير !

بدد بـ نور الأمل خضر آلجرآح
....... و قلّي إن اليوم هذآ .. يوم خير..:


الزمن

[وافي الحرف]

هههههههههه تصدقين اني نسيتها

لك الله وشكثر صبرت على ضيم الزمان
مير الوقت له وقفه بين ظالم ومظلوم

جيتك من قسى الاحزان ضامي وعطشان
تعبت المر وانا على صدر المواجع مرسوم

#صادق الحرف

الهموم

[الجووهره]

لاضاقت الدنيا عليك وتشاويت

وخلق الله اللي في الرخا كان واجد

ومن العرب والصوت والثوب مليت

وقامت عليك هموم بقعا تراجد

فارفع يديك لخالقك لا توضيت

وادعو تراك اقرب اليا صرت ساجد

البعد

[وافي الحرف]

مالي امل غير ربي ورب العباد
ما تخيب امالي على بعد الايام

صحيح البعد قدر في حب العناد
راضي بنصيبي لو عشت الاوهام

#صادق الحرف


الحلم

[شموخ المشاعر]

غريبة كل حلم يمر برقادي تزورينه
و الأغرب كيف أحلم الحلم و ارجع و احلمه بعدين؟

قبل يومين شفتك بالمنام .. و قمت من حينه !
ونمت أمس ، ورجع نفس المنام اللي قبل يومين


_

العمر

[الجووهره]

ليت العمر شريط تسجيل ينعاد..
وأعيد أجمل مامضى من حياتي..
أعيد لحظات قريبات وابعاد ..
لحظات تحمل أجمل ذكريآتي

الذكرى

[المهره العلي]

الـعـبث مع ⁧‫الذكريات‬⁩ قـبل الـنـوم
‏يُـشـبه العـبثَ ب قـطعَــة جَمـرٍ مـلـتـهـبـة

عبث

[شموخ المشاعر]

هناك في العبث الذي لا تدركينْ
ستظلُ ساعتك الانيقةْ
تلهو بأغنية عتيقةْ

/

هتان

[الجووهره]

قلت المطر قالت من الـيوم ديـــمه.... ما به رعد لا برق ماغير هـــــــتان
عشق جمع ما بين قـاع وغيمــــه.... سيّل علي صدر الثري دمع الامزان

[الجووهره]

الجفااا

[وافي الحرف]

اهديتك الغلا وانت اعطيت مر الجفا
ليه تحرق الشوق قبل يكون وليدك

التوق


#صادق الحرف

[الجووهره]

اممم ما فهمت الوافي
الكلمه.
التوق. او أتوق
او ممكنً فيه خطأ كيبوردي
هههه

[وافي الحرف]

التوق او اتوق

كلها نفس المعنى

ولكن انا ابد فيها

اتوق فيه واكمل شتاتي واتوق
واتحمل ليل السهر وانتظر لقاه

ارقا مع خياله واعيش معه فوق
اوهم نفسي فيه المجهول اتحراه

الود

#صادق الحرف

[الجووهره]

اهاا مشكور الوافي ع التوضيح
وصح لسااانك

[الجووهره]

الود.
تذكرت هالشيله
الليل والود والهاجوس لاحبابي
حلوه وأحبهااا
تغيير. ههههه
https://youtu.be/3dUyqosVrUM

[وافي الحرف]

صح ذوقك ونقلك الراقي


طيب وش الكلمه

[الجووهره]

اسمع الشيله ونسيت
هههههه

الوفاء

[لقيت روحي]

الود سايد وللتواصل اصولي ::::: في كل صدر له ثمار ومحصول


الكلمه

لقيت


<<<<<<<<<< يبغيهم يجيبون اسمه في بيت شعر

[لقيت روحي]

ياهلا باللي مع اشواقي يسير ::::: حافظ عهد المحبه بالوفا
حالفا ما انساه لو وصله عسير :::: كل جوي في محبتها صفا


لقيت

[وافي الحرف]

هذي لكلمة الوفاء
صرت للوفاء عنوان واسمي على مبداه
وانا صادق الحرف واحساسي لها يقول

الله اعلم كم اسقاني المر ولا ابي جزاه
لو خذا طهر الاشواق والطيب مجمول

#صادق الحرف

[وافي الحرف]

وهذي لكلمة لقيت


لا تقول اني لقيت روحي معك بالغرام
الروح من سنين عيت تعرف وش الجواب

ابني لك طيب الخاطر وانت تبي الهدام
والسؤال ضيع الدرب والجواب كله اغتراب


السؤال


#صادق الحرف

[الجووهره]

صح لسآنك لقيت
وصح لسانك الوافي

كم سؤال حير اقلام الكتابه ؟!
كم اجابة صارت اشبه بالمحال ..

السؤال يضيع ما يلقى إجابه
والإجابه تنتظر طرح السؤال ..

والسؤال الي عجزت القى جوابه !
ليه احبك كثر حبات الرمال ؟!

العمر

[شموخ المشاعر]

يسعد مساكم جميعاََ


فدوَة عيوُنك لوُ غدَت روُح مغليِك
وش عاد لوُ راحتْ لعيِنك عشايِر
أبيع مايغلَى على الكوُن وأشريِك
وأسوُق ليِ جتنيِ علوُمك بشايِر
وأزعل جميِع الناس بالحيِل وأرضيِ
وأصبِر ولوُ دارت عليّ الدواير
وآخذ من أيامي لِك أيام وأعطيك
وإن راح عمرِي لِك فلا هوُ خسايِر

دايم السيف



الكلمة (السحاب)

[وافي الحرف]

ليت طهر السحاب فــي بعض القلوب يكون
ما كان عرفت كذب روحها وعانيت جروحها

برقً لمع بعيني وانا لضماء شوقها مزون
عشقي للغيم عشق الروح لشوف فروحها

الكلمه ( الليل )

#صادق الحرف

[شموخ المشاعر]

تـســهــر الـلــيــل كــلـــه والاوادم نـــيـــام
والسبايـب قـسـا قلـبـك علـيـك اشتكـيـه

قلـبـي الـلـي تـولـع فـيـك صـابــه هـيــام
كم حاولت انصحه وانهاه وازريت فيه


نداء الغيداني

(الوصل)

[وافي الحرف]

ما يجرح الوصل الا طول الانتظار
يخاف الموت يكون بحضن الغياب

انشهد ان عزته ما تقبل الانكسار
يعيش الحزن حتى لو شال العتاب

العطر

#صادق الحرف