ديواني / عزف القوافي (1)

[ماجد بن رتيق]

قحطاااان دولة
https://www.youtube.com/watch?v=86_DSFnHFz0
و هذا مونتاج آخر
https://www.youtube.com/watch?v=EMLFGDy6xKE


دنّ القصيد و شـــــــارد الفكر ترفان
وامسى ترفرافه غنا مع تلاحــــين

يلعب على االسامر و اجاريه نشوان
واجاكر طيور الحــــــروف المفاتين

قام يترنّمني على جزل الألحــــــــان
واطلق سـراح الشــاردات المساجين

واقبل يداعب سارح الفكر شــــيطان
واعـتذت بالله من جميع الشــــياطين

ثم اختلفني مــــــارد الشعــر عَــتبان
يطلب وعَـــــــــيّت طلـبته منّي اتبين

جا من اقاصي الأرض هادر وشرهان
في كفّ سيف و شـــال في كف سكين

من حوله جيوشه عفاريته و جــــــــان
وانا ورحمة خالقي منه تحمـــــــــــين

فج المدار و هَــــــــــــــجّ للقاف بيبان
واطلق جزيلات الشــــــــوارد شياهين

دندن و صديته و جازيته احســـــــان
وصبيت فنجالي علوم الشــــــــــــليين

زمجَــر ولا ادري ليه بالحيل غضبان
ثمّن ســــئلني وش على بالك أيحـــين

يا من عزفت القــــاف في كل الألوان
و اسرفت في عزفك بكــــثر التلاوين

في لابتك جد و اجزل بوصف قحطان
في مهجــــــتك وش يازنون القحـاطين

أنثْر لي اللي بالحــشى هـــــــــاته الآن
والمستكــــــنّ أبغى ترفرافـــــــه الحين

ما يدري بقـــــــــيس الغلا ما له اوزان
و قحطان ما يازن مداهـــــــــا موازين

ما يدري بساس الفخر أني انســـــــان
من ترثة الشـايب فريد المحاســــــــين

سلطان نجد و كل ما حولها كـــــــــان
كل الشوارد في وصوفه مساكــــــــين

محمد ابن هادي دوا كل طيشـــــــــان
نسل الأســــــــــود اللي حكم للميادين

هلي بني جحــدر على الجــهل بركان
لا ثارت الهيجا لفـــينا براكــــــــــين

جحادره والســــــــــاس بالطيب ريان
من جدّنا ابن ســحيم للعـــــــزّ راوين

هذا و ربعي جيش قحطــــــان يا فلان
في صيتهم قدهم عَدَوا من ورا الصــين

في كلّ قحــــــــطان النقا القاف يزدان
لن الفخر قحطان دار النقــــــــــــــيين

لو قلت لي نصف العرب فأنت غلطان
قم واستعذ يا مارد الشعــــــر في حين

ربعي عوال مضيم للجــــــود صيوان
من طورها للهــــــــور دار الأصيلين

ربعي بحر واللي يعــــــــــاديه غرقان
والسبع عمره ما يهاب البعـــــــــارين

قحــطــان صيت و للطويلات سـلطان
و شــــــــيوخنا في كل منحى سلاطين

قحطـان محزم للفخَـــــــــر دوم مليان
لو صفّـوا جيوش الجــــــــزيلة ملايين

في وصفهم شفت الجَــزل صابه جـنان
و كل الشـــــــــوارد في سماهم مجانين

قحــطان دولة و القحاطـــــــــين سكّان
عزّ و شـــــــــموخ و كل ابوهم ميامين

قحطان شعب و فيه الأجـــــــواد بلدان
رمز العروبة في جمـــــــــيع المواطين

قحطان دار و للنقا جمــــــــــلة اكـوان
دايم على راس الطـــــــــــويلة طويلين

قحطان واسئل عنّها كل الأزمــــــــــان
وفي وصفها قحطان نحتاج ل اســــنين

هي للمعالي دار و الجـــــــــــود أوطان
يشهــــــــــد لها الحضران ويّا البداوين

من حينها قحطــــــــــــان للطيب ديوان
و في وصفهـا تعجــــــز ألوف الدواوين

قحطــــــــــــــان و العليا لنا دوم عنوان
بين المعــــــــــــــــالي دايم الدوم عالين

حنّا بني قحطــان للجـــــــــــــود ميدان
للي على وضح النقـــــــــــا دوم وافـين

ذا فارس و هـــــذا على الطيب صنيان
وهذا نقا منقى جــــــــــــــزيل العناوين

وهذاك في منهل هل الجـــــــود بطران
واللي يمـــــــــــــــيني دايم دروبه يمين

وذالا على كل العـــــــــدا طير حوران
حي الحبيب و سقم كل المعــــــــــادين

أطفالنا من شــــــــــــقة الناب شجعـان
منبت نقا في فيظة الطــــــــيب رابين

و من حولنا كل العـرب عالي الشــــان
ربع و رفاقة للجـزيلة نياشــــــــــــــين

كل القـبايل شانها عندنا شــــــــــــــــان
ومن حُـولنا العـــــــربان بالطيب راقين

دمّ و نسب جيران واحباب و اخـــــوان
أوطان جود وفوق الأســـــــماء رفيعين

كلّن على هامــة ســـــــــــموّة له أمزان
شــــعبن سعودي يعشق الأرض والدين

ما نختلف عرق و مشاعر ووجــــــدان
بالله و حكّــــــــام الشـــــــــريعة قويّين

شـعبن وحكّامه وطن داخل انســـــــــان
جينا جسد واحــــــــــــــــد وبالله غنيين

دستورنا الإسلام و الشــــــــــــرع قرآن
و لخـــــــــادم البيتين لبّيه و آآآآآآآآآآمين

ماجد بن رتيق

[ماجد بن رتيق]

https://www.youtube.com/watch?v=ih0z-y-0dSE


ما عليّ خلاف
(أرشيفية)


تدنّ الشاردة بين الشعــــــــــــور ويستهيض القاف
وانا ما غير اقلّبها على ما يشـــــتهي قـاااااااااااافي

أشـــــيل الآف واردف بالجـــــــزيلة فوقها أف آف
ودمع القافية ينزف جــــــــــزيلاته على آآآآآآآآآآفي

تهَيّظني واشـــــــــــــوف ان السّـمينة سيلها رعّاف
وانا وان بحتها روحي قتلها جُـــــــــــــــور رعّافي

تناوطني شجوني للحـــــــــــزينة و الهموم عجاف
تخابطني جداها تشــــــــــــتهي من حزني عّجــافي

على موقد حطب روحي تجي قافيتي هفهــــــــــاف
تشعـــــــــلل في معـاليقي بدون أيّات هفهـــــــــافي

وانا لا شــــــفتها هاجـــــت هواجيسي لها عسّــاف
أعوســـــفها ولا عمــــــــــر الجزيل يكون عسّافي

أقلّب جمرها بين المعاني والفكــــــــــــر شفـــــّاف
واطربلها شجن يم القراح العـــذب شــــــــــــــفّافي

أورّدها على قاع الخفــــــــــــــوق الكايف الرواف
واغمّسهـــــا بعطــــــــــر الروح ميلافي و روّافي

واصدرها مجانين الشعـــــــور واعكس الأوصاف
وادن دن للشجَـــــن عني على قـــــــيثارة اوصافي

واسامر حلوتي و ادهل شعـــــوري بآخر الميهاف
واترجمني مشاعـــــــــــــــــر للحبيبة فوق ميهافي

أنا ون ســـلهمتني نجلتيهـــــــــــــا ما عليّ اخلاف
قَسَـــــــــــــم و ان ما لفتني يتفق مع سقمي خلافي

ســـــــلام الله على بنت الشجون و نبضة الميلاف
جناين بهجتي روعــــــــــــــة حياتي روح ميلافي

أدندنها أماني بينها شـــــــــوقي لها خفخـــــــــاف
تَهَجولني وله تختَفّني وتبعــــــــــــــــــــثر الخافي

على فكري تجي عصف و تجي في لهفتي إجحاف
وانا وان قلت اســــــــولفها يجي في قافي اجحافي

تجي حوريتي فوق الشـــــــعور وعشقها إعصاف
وانا في عشـــقها روحي تجي مع شوقي إعصافي

أبيها كل ابيهـــــــــا ب احـــتويها وانطوي لفلاف
وابيها تحــــــتوي روحي تعلــــــــبَش في تلفلافي

وبيها من تطوّتني و كانت للخفـــــوق لحـــــــــاف
تنومس بين احاســيسي و تسكــــــــن دافي لحافي

وابيها تندلق في عشــــــــقها لي كلهــا ب إسراف
وانا في ذمتي ما غيرها يستشــــري اســــــــرافي

أبيها تغرف اشــــواقي و عمري ساني و مغراف
وانا قلبي لها جُــــــــــودي و روحي نبع مغرافي

و ابيها أيه ابيها للعـــــــــــــيون النور و الأطياف
وانا ما بينهــــا يا نظــــــــرتي في كــونها اطيافي

أغنّيها عى آف و حــــــــنيني للحـــــــــــبيبة داف
والحّنهــا معــــــاني و الشــــــــــــوارد ليلها دافي

واناديها حـياتي يا حـــــــياتي نظرتك إســـــــعاف
تعالي سلهمي في مهجتي و احتفلي اســــــــــعافي

ترنّمتك غزل بين الشجـون و خافقــــــــــن دفّاف
على طاري جنابك يا جـــــــنونه دوم دفّــــــــــافي

أحبّك أيه أحبك لعن أبوها جــــــــــــــورها طفّاف
تطفّف مهجتي واعلن عَصِيف الشـــــــوق طَفّافي

أحبك مثلها ما بالوجـــــــــــــود و كبرها ما شاف
أحبك كثرهـــــا كُــــــوني فلا هـو يا غلا شــــافي

عَزَفْ بالشــــــــاردة بين الشعور وشَدّ عَزم القاف
وانا ما غير اقلّبها على ما يشــــــــتهي قااااااااافي

ماجد بن رتيق

[ماجد بن رتيق]

https://www.youtube.com/watch?v=ynRWw9V-bt0

نامي على جفن الخفوق اللي هواك بساعته
واتوسّدي بذراعها اشجاني و غطيني حنان

فلي شعورك في مداري واسبي استطاعته
واتبختري قلبي وروحي واقتداري والكيان

نامي هِنا في مهجـــتي وسط الحشى وداعته
واستلهمي عشقي شجون وسلهمي فيني مكان

أملي شــــعوري من بهــاك و شَبّعي مجاعته
و اتغنّجي في عنفـــــواني و ملكي كلّي أوان

قلبي واشـوفك في صماصيم الحشى بتّاعـته
نبضه تقاسـيمك وتكـــوينه شجون و عنفوان

من أولك فيني غرامك ســـــهدي اختراعته
ثمّ ابتكـــرتي من شجوني واشتياقي هيلمان

يا سيدة قلبي طبوعه . ربعــــــه و جماعته
كلي ينادي لك تعالي و ينك أنتي من زمـان

قلبي صغيرك والرضيع ألله أمَر رضاعته
لا تفطمي قلبي شجونه من عبيرك أقحوان

دلّه دلا له كلّــها رَجْـــــــــــواته و قناعته
سهده تفاصيله أمانيه و مشاعــر مهرجان

فيني وله جاير تبدّد و اسّــــرفَتْ فضاعته
واصدر قرارات اشتياقي و الوله فيني بيان

فارع تفرعن بالشجن واسْتَشْــرَتْ افتراعته
ماسك لأحاسيسي بيدّينة بيان و صولجـــان

يصدر أوامر من شجوني واستجيب لطاعته
واتوسّلك فيني تعالي واســـــــرحيني إمتنان

نامي على جفن الخفوق اللي غرامك ساعته
و اتوسّدي بذراعها اشجاني وعيشيني حنان

ماجد بن رتيق

[ماجد بن رتيق]

https://www.youtube.com/watch?v=cyd1deYTNcg

أنا الأعمى على شاطي جمــوح القافــية رحال
عيون الشـاردة فكـري وجــزلي نور ترحـــالي

يقدّيني وانا بين المشاعـــــــــر فارس و خـيّال
على هام الشجـن حرفي فرس والقــــاف خيّالي

أصايل من بنات افكـاري و عمــري لها منزال
تسامَـر بين احاســــيسي وهي للــروح منزالي

اجي لبحــورها الفكــرة واحط جبال فوق جبال
على هام الشعــــــر يرقى بفكري نايف جــبالي

يمشّـيني على كيف الشعــور و كيفها الأحـوال
على مركب شجـن عمري مجاديفي من احوالي

وانا ما بينها امواج الشعــــور وفكري الســيّال
يجي قاافي مطر يحـيي شجــونن دوم ســــيّالي

أكرع في مســــاييل الشجـــون و عذبهــا زلاّل
تساكـــــبني نغـــــم قافـــن جزيله سِـــيل زلاّلي

وانا وان ما روت روحي فرات الشارد الهمّال
جمعت من الشوارد جيش للعذبات همّــــــــالي

وجيت لمتحفة فكــــري وعشقي ساطي و قتّال
دخيل عيونها والشـــــــــــــوق سلاّبي و قتّالي

ألملمها من اعماقي وابعثرها بجـــــــوف البال
واكبكبني وله فيها وتملى فكـــــــــــري و بالي

فريدة جيلها بنت الخفوق العاشق المخـــــــتال
قَسَم من حسنها روحي على الخفاق تخــــتالي

أناديها تعالي من شــــجــوني يا مـــــنار الفال
تعالي بينهـــــــــــــــم كل المشاعر أطيبه فالي

تحـدينا أنا ويّا المحـــــاني منهو المـــــــــــيّال
لقـيتك في حشــى روحــي و قلــبي دوم ميّالي

لقيتك فيني النور و لقيتك أبهــــــــــج الآمــال
ولقـيتك فيني اعمــاقي و عمري و اكبر أمالي

أنا يا أنتي او أنتي أنا يا حـال حـال الحـــــــال
يحبونك ســوا قلبي وروحي حلّي و حـــــــالي

أنا الأعمى على شاطي هيامي مغــرم و رحال
حياتي بينها عيونك مسافــة عمــــــر ترحـــالي

مـاجــــــد بن رتـيـق

[ماجد بن رتيق]

http://www6.0zz0.com/2016/10/28/22/716742060.jpg (https://www.0zz0.com)

من سالفة عمري تعلــمت انا شوي

واخذت من جزل العلوم الوســيعــه


من بطـــنها الدنيا ظَهَـر كل مخــفيّ

شيَّ ب اذيع و شي ما اقدر اذيعـــه


من أوّل ايامي و انا اصيب واخطيّ

ومن بعد ما عمري تعَـــــدّى ربيعه


فيها فهـمــت ان البشر حيّ مع حيّ

روحً شرار وروح منقى وديعــــــه


روحً همـاج وروحً أعذب من الميّ

روحً عَبُوس وروح تَرفَهْ مطيعــــه


أرواح لكن تخـــــتلف ذيّ عَن ذيّ

ذا يشــــبهه هــــذا وهــذا تبيعــــــه


أحــــدً إلا شفـــــــــــته أبد ما تدانيّ

كرْهَهْ من الله للمفارق ذريعـــــــــه


ما يتبعك أو تتبعــــــــــــه لو توافيّ

وان صادفك جات الخطاوي سريعه


وأحدً ولا له بالبشـــــر يشبه و زَيّ

تبذل له الغالي و ما تستطيعـــــــــه


أحدً يجي فوق المعـــــالي معــــاليّ

واحدً تجي دنياه وحل و خميعــــــه


ذا ضيغمي لكنّ ذا دايم هْـــــــــــفَيّ

وهذا من اطياب النفـــــوس الرفيعه


هذا تشُـــوفه كل علمه ســــــــماويّ

والآخر اوصافه دنوّ و وضيعـــــــه


أشـباه واشكـال ومظاهــر وأسـاميّ

كــلّن له سلوم و علوم و طبيعــــــه


بعض البشــــــــر منهم لنا الله يكفيّ

أوصافهم بين المعاني شنيعــــــــــــه


أحـــــــــذر تجي مرباعهم يوم يا خَيّ

بَحّك عن اللي جود علمه شفيعـــــــه


واحرص على راع التقى خلّه وخَيّ

واللي عصى ربه أبد لا تطيعـــــــــه


واحذر من اللي يلحق الصوت بالغي

و اللي يلوُق المعــــرفة بالخديعــــــه


ومن لا يعـــــــدّك شيّ عدّه ولا شي

واللي وفاك اصحى أبد لا تبيعـــــــه


واللي شراك و خــــــــوّته شمسها فَيّ

شلّع به العَـــــليا و كن بالطليعــــــه


أرقى ســـــنود ودنيتك كن لها ضَيّ

بيع الردي ببلاش يالقَــــــــرم بيعه

ماجد بن رتيق

[ماجد بن رتيق]

قصيدة فاخرة للشاعر الجزل
عبدالله بن علّوش الهاجري القحطاني

(بعض البشر ودك حدود المعرفه معهم ســـــلام)


https://www.youtube.com/watch?v=2b3HtRtV-os


على حســب ما مـرني ومن تجــــــارب لاولين
وجهــة نظر ويجــوز فيها الإتفــــاق و لانقسام


اترك مســــــــــــــافه كافيه بينك وبين الاخرين
بعض البشر ودك حدود المعرفه معهم ســـــلام


اصمت ولاتحرص على كثرالكلام الصمت زين
اللي سكوته ساتره يمكن يعــــــــــرّيه الكــــــــلام


واذا تكلمت احذر تكون اطول المتكلـــــــــمين
السالفه لاطولت يضعف معاها الاهتمــــــــــــام


وامزح ومزحٍ باللســــان اخير من مزح اليدين
مزح الرجال العاقله على حدود الاحـــــــــترام


اضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام


واكرم وبيبان الكرم واجد ولا يحـــــــــــتاج دين
وترى الرجال إكرامها ماهوب في كثر الطعـــام


واحلم ولا تعجل ولا تغضب ولا تشــــــري بدين
وشاور ولو رايك معك لا شرت عدّاك المـــــلام


واذا شريت بدين لاتبطي على المتجـــــــــــــملين
كلٍ حلاله غاليٍ عنده لو انه مايســـــــــــــــــــــام


ولاجاك مديونك معه بعض الوفى وبعضه لحين
فأســـــــــــــــتد باللي جاك وش دراك لله الدوام


وترى التغافل فيه لذه وانشد المتغافــــــــــــــلين
لا جات كلمه توجــع اطلقها معى سرب الحـمام


وارضى ليا جاك الرضى لو العذر ماهو سمين
وترى التسامح ميزة الساده رفيعـــــــــــين المقام


وصادق واذا صادقت ماجـربت ماصادقت لين
اما يطول بك السهر والا يطيب لك المــــــــــنام


واصدق مع نفسك وتلقى نفسك من الصادقـــين
والنفس خيل ابليس لاتعطيه نفســــــــك واللجام


وليانصحت انصح خفى لاتفضحه فالحاضرين
ترى الرجال يقودها لين الحكي قــــــود الخطام


ولا اتواضع في حضور العالم المتكـــــــــبرين
تكلم بنفس الطريقه معهــــــــــــم ونفس النظام


واخلاقك وتواضعك عامل بها المتواضعـــين
ونصف الادب مجامله جامل ولاتجـــامل لئام


واذا تسولف عن طموحاتك مع المتفــــــرغين
كنك تسولف للنصارى فالحلال و فالحـــــرام


والعمر ماهو فرصةٍ وحده ولاهـــو بفرصتين
مع كل مطلع شمس لك فرصه وخطوه للامام


هذا ولازلنا تعلمـــنا الليالي والســـــــــــــــــــنين
والعلم اخِير من الجهل والنور جـلاي الظـــلام.


عبدالله بن علوش الهاجري


--------

صدي مشاعري

حيّ الجــــزيل الوافي الترف المعاني و الرزين
من نايف القاف المصفّى معتلي راس الســـــنام


يا مرحبا تعــــــداد منهم للإله موحّــــــــــــــدين
وعدادها أفـــواجً تطوف بداخل البيت الحــــرام


وانا على ما مرني منها علوم الســـــالفــين.
ومن تجارب دنيتي في كل يوم و كل عـــــــام


خلك قريب من القـــــروم الكايفــــين الوافـــيين
لن البشــــر ماهم ســــوا والطيب مرباع الكرام


بالمعرفـــة ســولف وخلك في صفوف الأولين
لن الإفـــــادة مـــا تجي لا من سكت كل الأنام


هرجـــك عناوينك معه علمك يزين او ما يزين
ان زان زنت ولا هفى هرجك على الدنيا السلام


و مزحك حــــدوده لا تعدّى منطقك علمك يشين
مزح الرجــــــــال العاقلة ماهو مثل مزح اللآم


وأطلق حجاجك وابتسم بالبســـــــمة القاسي يلين
لنّ العْبوس بوجه اخوك المسلم اجحاف و حرام


واجزل سخاك و لا تحاول تســـــتعير و تستدين
الجـود من ماجودك وجودك لضيفـــــــــانك لزام


للحلم ميزانه وحذرااا بالمراجل تســـــــــــــتهين
واَخــــذ المشــــورة من خيار الناس للعلم التمام


ولا تشــري بدين وتهاون في ســداد المقرضين
أوفي حقوق اللي تجـــــــمّل لوحقوقه خيش خام


ولا تعسر اللي استدانك وان تأخــــــــر بالمدين
رب البشر فرّاجها واحــــــذر إلا ضمته تضام


لا لا تدقق في هروج العالم و تمـــسي حــزين
بعض الهروج ان فجتها ما يلحقك غير العـدام


و خَل الرضى نبراسك ومنهو خطى لا لا تهـين
خَل التســـامح عادتك وارقى على هام الغمـام


واختر صديقك بالتأني واكســب الشهم الأمين
لا تتّبع غير الصدوق الوافي الحــــــرّ القطـام


ولا تختلف مع نفسك و خلك صدوقً تستكــين
معها و صادقها تشـــوف العاقبة برد و سلام


وخَلّ النصيحــة ديدنك والســــامية للمنصحـين
ولا تحـرج اللي تنصحه بين الملا .كي لا تلام


وجــنّب دروب العــالم اللي دوم اهم متغطرسين
خل التواضع نهجك و جنّب عن دروب الرخام


بأخلاقك و تواضعك تكسب جمـــيع الجالسين
يسمو سمــوّك بالأدب بين المشـــايخ و العوام


ولا لا تسـولف عن طموحاتك بفوج الفارغين
ما يجلب الفارغ ســـوى كثر الفوارغ للمـــهام


وأغنم حـياتك بالتقى و ازهى بهــــا دنيا و دين
واكسب رضى ربك تلاقي راحتك دوم و دوام


واجزل تقاك و خالق الدنيا إلاهك لك معــــــين
بيصخّــر دروبك وتلقى خطــوتك دايم أمـــــام


هــذا وتمّت بالولي الله رب العالمـــــــــــــــــين
صلّوا عليه المصطفى والف التحـايا بالخـــتام


ماجد بن رتيق

[ماجد بن رتيق]

لا أعلم ما سأكتب
فقط أتمنى قبولها كما هي من قلب قلبي
فهي قطرات من دموع ألم الفراق
حاولت تدوينها قبل أن تغرقها دموع أخرى
فتختلط أكثر و أكثر ف
أعجز عن مجاراة مشاعري
الحزينة جداً

_____


سنايدي وين انت يا محزم الروح
وينك دخيلك وين انا وانت ويني

بتروح خذني وين ما أنت بتروح
دونك وانا يا محــــزمي منتهيني

-------

منصور يا عين الغلااااااااا والمــــودّة
بأمـــــانة الله ودَّعَــــك قلــــب مغـليك

باح الكنين و بيّح الحـــــزن سَــــــــدّه
قلبي وروحي والأحاســـــــيس تبكيك

أدري غــيابك دوم من غــــــــير رَدّة
في رحمة الله من عذابه تنجّــــــــــيك

يا محـزمي والمـــــــــوت محــدً يردّه
هذا وراك و ذا له ايام و يجــــــــــيك

حياتنا بابً نهـــــــــــــــــــــجّ و نرده
والمهـــــــتني اللي حــــــــياته لواليك

آجااااااااااال مكتوبة و مُدّة و مُــــــــدّه
أقدار حال وما كتب ربك يجِـــــــــيك

نرجي إله الكـــــــون لطفـــــــه و مَدّه
يحني على روحك وعطفـــــه يساقيك

حزني كبير ولا يجي شيّ قَـــــــــــدّه
وامسيت اشوف الكون ياخوك ينعيك

قدّم عزاه و خافي حــــــــــــــيل شَدَّه
ثم اعتصر روحي حزن والعزا فيك

فقدك يابو تركي كياني يهــــــــــــــدّه
يا والله اللي هــــــدّني منّك إيلـــــــيك

منصور حزني كثر الأزمـــــان عَـدَّه
روحي معاك و دوم نفسي حــــواليك

جنين روحي منزلك من يســــــــــــدّه
فيني و كيف أحيا معك ما أ ألاقــــيك

كيف أوصلك فيني وله واســــــــتردّه
وارجع واشوفك وأستشيرك واحاكيك

يا كيف ابقوى فقدك و أستعــــــــــــدّه
يا مسندي من يشــــــــبهك أو يوازيك

فقدك مصيبة لا قَسَم ألف شِــــــــــــدّه
في راحتك خذها معك روح مغــــليك

ماجد بن رتيق ~الآن حصري

[ماجد بن رتيق]

http://www13.0zz0.com/2016/10/27/21/487254760.jpg (https://www.0zz0.com)

وش بلاها

وش بلاها ما تحنّ وّ ما تعبّر لي سؤآلي

ما تبالي

تهتوي همّي لحالي

حيرتني والسؤال بّلا إجابة

آآآهـ يا هَمّ الكتابة

و اعذب حرّوف الكآبة

والشعر أصل اغترابه

وانكسارات الصبر

والغياب ابلا عذر

و لمواعيدي غدر

واحتمالي جيتي فوقه إحتمالي

غاية آمالي و بالي

والسهر وّيا الليالي

و اعتلالي

آآآهـ ما منك مفرّ

يا حياة وّ يا قدر

للمئاسي مختصر

أنتي أنتي

أسألي نفسك و قولي وش بلاها

وشهو اللي في سنى الدنيا رجاها

وين قولي يا وله روحك هناها

أو غلاها


أو لأشواقك هواها


أو رجاها

والمشاعر يا غلا وش محتواها

هالعنيدة وش وراها

دايم أسأل وش تبي

بس هذا مطلبي

واستدارات تّعَبي

والهنا في مشربي

بس قولوا وش بلاها

وش بلا قلبي ولا لحظة سلاها

أو نساها

أو تناسى وادعى أنه من اشوقه محاها

وش بلاها

وش بلاها

وش بلاها

ماجد بن رتيق

[ماجد بن رتيق]

http://www3.0zz0.com/2016/10/25/21/690147192.jpg (https://www.0zz0.com)

من شفتها حبيتها

والقلب نبضاته وله لبّيتها

لميتها

و باقصى مشاعرها غلى صبّيتها

فديتها

***

لا لا و ربي قبل أشوف

كانت كذا كل الطيوف

كانت كلامي والحروف

كانت معاني في كياني عاصفه

كانت مع اللهفة بقلبي والفه

من كل وجد وّ عاطفة

حبيتها شوق وّ مشاعر نازفة

أحيااا بها في كل حين

طول السنين

و قلوبنا متوالفه

*****

كانت جسد عمري مداراتي و انا

في ذمتي كانت أنا

كانت عبيري و المنا

كانت مشاعرها غدير

كانت كياني والهجير

هي شيّ لا يمكن يصير

هي في أحاسيسي أثير

وازهى فصول السالفه

*****

يا سامعي ياكثرها فيني الفصول

في وصفها حرفي يباريه الذهول

منها وانا اللي نازفه

***

هذا هو الفصل الأخير

كانت سوالفنا خيال

قالت رومنسي قلت يا تاج الجمال

مثلك خلق ربي محال

أنتي معالي للخصال
يالنادره و النايفه



ثم ضْحَكَت

ثمّن ضَحَكْت وقلت أعاتبها مزوح

في شي واضح ما يبي أيّة وضوح

في شيّ نتعاند عليه

دايم ونسنا نشتريه

نمزح بلا شكوى وليه

و من قلت ليه

في ثانية

باعت سنيني بالعناد

و من غير ليه !

قالت بعادك اهتويه

لا لا أنا اتوجّد عليه

حتى وجودي ما تبيه

من غير ليه ؟
أنسى معاي السالفه

كانت لنا مسك الختام

و ايضااااااا على الدنيا سلام

باعت ولا هي آآآآسفه

ماجد بن رتيق

WIDTH=1 HEIGHT=1

[ماجد بن رتيق]

بسم الله الرحمن الرحيم



تمت دعوتي لأمسية خاصة جداً قبل زمن

وقد أحرجوني أصحاب الأمسية بالمايك لإلقاء جديدي

(رغم أني لم أكن ببرنامج الأمسية)

لأني معزوم فقط

والشعراء ماشاء الله جزالة و عدد

وأثناء ذلك سمعت أحد الجلوس يسأل عني وبكثر ملفتة و استنفار

فهو لا يعرفني مطلقاً

وقد كانت طريقته في سؤاله .... لم تعجبني و مستفزة نوعاً ماء!
امتنعت عن الشعر و لكني نتظرت حتى الإستراحة
وذهبت إلى سيارتي حيث وجود اللاب توب
و كتبتها سريعاً (كيبورد) أثناء الإسـتراحة الشعرية
وألقيتها بنفس الأمسية بشرط عدم تسجيلها

هي(مجرد تفريغ شعري فقط)

أترككم معها و أفخر بحكمكم عليها
ومالكم بالطويلة


عفاريت القوافي

http://www4.0zz0.com/2016/10/29/15/983071866.jpg (https://www.0zz0.com)

لي بين ريضان القــوافـي عـفـــــاريت
والقافـية مـــــــيزانها بألف جــــــــــنّي


أقدح فتيل القــاف من دون كــــــــبريت
كنّي بوادي عبقــــــــر اليوم كــــــــــنّي


من سَـــــــدّ مأرب لْي بنايات تكـــــريت
شــــعري يغني و الهجــــــــيني يعْـــنّي


ألعب على الفكرة على كـــــــيف ما ريت
خَيّالها فكـــــــــــــــــــري وهي تنفــــتنّي


كل الشــــوارد من حـــــــروفي مباخيت
حيث انها من صنع قلـــــــبي و فَـــــنّي


لنّي على صدق المشاعـــــــــــر تربّيت
القاف طرق الـــــروح من صغــر سنّي


هذا أنا يا ســـامــعـي كانك أوحــــــــيت
شـــعري توطّنته و حــــرفي و طَـــــنّي


يا ناشـــــــــدً عَــنّي على ما تمـــــــنّيت
هـــذا أنا و ارجـــــــــيك لا تمتحـــــــنّي


ماجد أبن صالح على الصيت لي صيت
مجــناي جـــــــودي وانشد الطيب عَنّي


ماجـــد وفي جـــــــزل المعاني تساميت
والعالـــية فوق الســــــــــــــما لي تدنّي


الساس قحــطاني و إلا من تعــــــزويت
روس القـــــبايل بالنقــــى تحـــتضـــني


كل العَـــــــرب ناسي بهم كـــم تباهـيت
والقاف في وصف المــعالي شْـــطَـــنّي


هذا أنا يا من بعلـمي تهقـــــــــــــــــويت
لا لا توهَّق لو خـــــــــــــيالك يطــــــنّي


من شايبي ســـــقت المراجـــــل بخاتيت
و اثمر جــناها والبخـــــــت لي يهَــــنّي


من فيض جــــــــوده أرتويت و تروّيت
واهـرقـــــت ريضان القــوافي تجَـــــنّي


أكتب على ما جــــــــاتني كيف ما جيت
والحــــرف يكتبني ويقــــــتات مَـــــنّي


اشــكّـــــله و آكـــيّفـــــــه بيت فــي بيت
و اطــوّع المعــــنى له الــروح كــــــنّي


ألعَـــــب على كــــــــيف الوله لا تعنّيت
و انزف طــــــواريق انكسار التعــــــنّي


وان قلت اوصّف زاهي القــــــدّ سوّيت
من معجــــــم المعــــــنى فـريدات منّي


زادي جــــزيلي والمعــــاني تغَـــــدّيت
أشـــرب نقاها وارتويها و احــــــــــنّي


وانثر ورود العـــــاطــفة وسط شـربيت
وكل القوافي للعـــــــبق يرشفــــــــــــنّي


تصهل حــــــروفي و الثريّا تعـــــــدّيت
والقاف كـــــــيفه من معامــــــــــيل بنّي


يا ما و يا ما من جـــــزيلة تقهـــــــويت
أقـــــــدع ســـــــــمينه وارتكي له واثنّي


و ياما ســــجـعت وعالي الصوت غنيت
دايم علـــــى ليلى مـــرامي أغَــــــــــنّي


أرســـــــم على شعري بفكري زغاريت
و امـطر دموعي لو غــرامي شــــجــنّي


واكتب على درب القوافي حـــــــــواديت
فيها المشاعـــــــــــــر تســــــــتفزّ التمنّي


ماهو غرور أو في كلامي تمـــــــاريت
في محزمي سيفي لحــــــــــــرفي يسنّي


ازعَــب من المعــــنى على ما تحــرّيت
و اســـــترسله واروي حـــــــنينه واونّي


في كــــــــل حالاتي حـــــروفي ثوابيت
دايم جزيلي ما يعَــــــــــــــــْرف الـــتأنّي


عـــازف قـــوافـي والمطايا مفـالـــــــيت
و الشـــــــاردة في مهجـتي ترجــــــهنّي


مؤمن برب الكــون والحـــــــي والميت
و اســــــتغفرة من كــــــــل زلّة و ظنّي


آســــــــبّح المولى ولرضاه صلّــــــــيت
منهوا ملك روحـــــي و حــــبّه ســـكنّي


و اعـــــوذ به من كل شــــيطان خرتيت
يبعـــــــــد إلهـــي كل وســــــواس عنّي


شاعـــــــر وشــعري بندقي و الديناميت
بارود فكري للشعـــــــر يستجــــــــــنّي


اذرف قصايد للجــــــزالة مــــــــــنابيت
لا من ســـــــــمعها ســـــامري يســتكنّي


أطــــير به في عـــــــالمــي وين ولـــيّت
واملك شــعــــوره بالجـــــــــزيلة كــأنّي


عالم جــــديد و في جـــــماله تمــــــاديت
حــــتى أنا يا ســـامعي قـــــــــــد فــتنّي


يرشــــــف شــعوري والقوافي عفاريت
والقــافــية مــيزانها بألـــــــف جْـــــــنّي

ماجد بن رتيق

[ماجد بن رتيق]

http://www.altawhid.org/wp-content/uploads/2011/04/1417.jpg

الله خلق كل المخـــــــــاليق من طين

لكن جعــــــــلنا طين عن طين يفرق

طينة طهور و طين ينبت شـــياطين

و طينة عطور و طين بالكير يشرق

طينة نقــا وايضا خلق طينة ال(ش)

جينا معـــــادن طين مطفي و يبرق

موزون والثاني قَلَب للمـــــــــوازين

وافي والآخر كحلها العين يســــرق

ذا من جـــــنوب و ذا شمالي ميادين

ذا طين مغــــرب يتبعه طين مشرق

ذولا حــظــــــــر لكنّ ذولا بـداويـن

هــــــامات تفـــرق و الأجاويد تفرق

ذولا بني عدنان و ذولا قحــــــاطين

والناس أعــــــــراق و منابيت تدفق

هذا فقير و شوف ذولا ســـــــلاطين

ذا يعــــــــــربي لكن هذا (شمردق)

هذا يهـــــــــودي مع صليبي مواطين

وهـذا عبد له نار للشــــــــرك تحرق

و هذا تغطرس لين ما عميت العــين

واللي تواضع للبشــــر شمس تشرق

جـينا بني آدم و حــــــــــــوا عناوين

أفواج لكن كل واحـــــــــــد و منطق

من عهد ابونا آدم ولين هالحـــــــــين

كلن وله منحى و مخـــــرج و مفرَق

نفرق لكي نعرف بعض زين ما زين

و نخــتار من طين البشر منهو اخلق

ما نجــــتمع يا كــود في صفوة الدين

ســـنّة محــــــــمد والتقي دايم أصدق

ذي حكــــمة اللي كلـنا له مناجـــــين

الحَـقّ رب الكــــــــون و الحق للحق

يوم الأمـــــــــانة شـالها منبت الطين

قم يا بني آدم لمـــــــــــولاك والحــق

قم جـــــــنّة الفـردوس تنده من سنين

وين انت عن دارن لها الروح تشـفق

دار الخـــــــلود و كل ما لذّ والعِــــين

مالا رأت عينك و لا قــــد تحــــــقق

مالا خطر في بال مخــــلوق مسكين

من نطفة اصبح حَــي يا حــي ينطق

الله خلق كل المخـــــــــاليق من طين

لكن جعــــــــلنا طين عن طين يفرق

ماجد بن رتيق

[ماجد بن رتيق]

https://www.youtube.com/watch?v=NikVhr7BVX4


عمـر الجمــل ما حمل قَش

هَــلّ الجـــــزيل وبلل اعمــــــاقي و رشّ
واهمـــل على قاع الفكـــر طيب رشّــــه

وامطر على روض الحشى بي ورشرش
جمــــــــلة أحاسيسي ولا شي خشّـــــــــه

نعنش خفوقي و استدار و تنعــــــــــــنش
واسهب على روحي عبيره يرشّـــــــــــه

سَـــــيّل محــــادير المعــــــاني و روّش
نبت الخفــــوق و فيض روحي مرشّـــه

أزهر فياضي والربيع يتنغمَــــــــــــــــش
نش الحشى في زاكي الطيب نشّــــــــــه

جاني غـذا ما شــــــفت مثله تنهمـــــــشّ
قلّطت فكري قلت سَـــــــــمّ و تعشّــــــه

شفته من اجناب السمـــــــــينة تعرمشّ
عرمش ســـــــــــــمانيها ولا شي طشّـه

قام يتفنن بالجــــــــــــــــزل و يتبشـبش
نوبن أغني له و نوبن أهشّـــــــــــــــــه

أداعـبه شواردي و آتنشــــــــــــــــــنش
وآهـدّ سْــــــــــــــــــبّاقه جزيلي و أكشّه

واهشهشــه طير الفكــــر هيت مع هَشّ
واعانقه وأحب راسه و ابشّـــــــــــــــه

يومي ترفرافـــــــه مـع الروح و يدش
ما فيه شيّ بمهجتي ما يدشّــــــــــــــــه

يوقد حطب فكـــري وَنَس يوم ما غَش
لين اقبلت من قاصي اقصاه غْشّـــــــه

قلت آتدارك حلقـــها اللي تعكـــــــرش
قامت تسد اللي تطوف و تدشّـــــــــــه

و ارزم على فكـري و حـاس وتخربش
غَص الحشى جَــزّ الخَظار ابمحشّــــــه

زمجـــر شعوري و الفكـر طشني طش
وشــــوش خيالي قلت افتّح و امشّــــــه

شفت العرب في حال حش الحشا حش
و طير الحكي طارت به الريح عشّــه

قمت آتحـاور و الجـــــــــــزيل آتنبّش
عن يعربي السالفة و ش مطشّــــــــــــه

وعن وضعنا يومي ســـــــــئلته تكلبش
لا ما عرف حال العـرب وش مغشّـــه

ألا النقي اللي ولا قد تخشخــــــــــــش
منهـو سقى روض المعاليق رَشَّـــــــه

قامت على شاشة شعوري تغــــــــــبّش
صورت عروبتنا تغلّ و تفشّـــــــــــــه

وقامت موازين المعــــــاني تطشــطش
تبكي جزيل و دمعها ما تخشّـــــــــــــه

وامست تشــــــــوف الكل بالكل ينهشّ
غابة و كلّن يملك اللي يقشّــــــــــــــــه

كلً على همه سرى و يتعـــــــــــــلبش
حتى الأخو عادي شقيقه يغشّـــــــــــه

أحدً زمانه غَش واللي لقى غَــــــــــشّ
راحت حياته في دروب المغشــــــــه

واحدً من افكاره مريض و تدشـــــدش
تومي به و في قاعها تستطشّـــــــــــه

واحدً على هام النميمــــــــــة تراعش
هش و قليلة لو يسمّى مهشـــــــــــــــه

ذا يقتفيك و ذا بالاعراض ينهَـــــــــش
وهذا سقيمً ذمته في محشّــــــــــــــــــه

ياللي بنى قصره على موقـــــــعً هش
ما تنبنى عشّــه على أرض هشّـــــــــه

والغـدر آلامنه مع السالفــــــــــــة دش
غَــرّق ثقيلات الحكي في مدشّــــــــــه

من حــالنا حتى الكلام يتناحـــــــــــــش
جـــار الزمان و صابه الوقت وشّــــــه

بالذيب نفخر والغدر فيه نخــــــــــتش
شيٍ نخش و شي وينه مخشّـــــــــــــه

و أعدائنا مثل الأفاعــي تحـــــــــربش
ما بيننا سْـــــــــــــــــمّ المنايا ترشّـــــه

سَووا و قالوا لكن آقولهــــا مَـــــــــــشّ
أكتم قهر و اللي تبا اليوم مشّــــــــــــه

عند العرب عمـر الجمــل ما حمل قَش
و اللي قصم ظهر الجــمل كان قشّــــه

ماجد بن رتيق

[ماجد بن رتيق]

http://www13.0zz0.com/2016/11/10/01/110224924.gif (https://www.0zz0.com)


إهداء إلى شريكة حياتي

يامسا الأنوار يا نور المســااااااا
يا بعدهــم كلـم هــــــذي و ذيك

يا صباحي والندى يتنفســـــااااااا
يشرب أنفاسك و روحي ترتويك

يا مسااا فيني مسا يستأنســاااااااا
ودي أسهر عمر و املأ ناظريك

وآتربع في خفوقك واجلسااااااااا
واستحلّك و استبيحــــك كلّ أبيك

و آتفيّا في شجونك و ارمساااااا
و آتنفّس عطـرك و روحي تبيك

نسنسي فيني غرام ينسنساااااااااا
واكتبيني عالمـــك منك افــــتديك

و ارتعي فيني عبير يونّساااااااااا
والبسك عمري حياتي واحــتويك

لو يصفّون النسااا كل النسـااااااا
لك شجوني والوله مـنّك و فيــك

لك بأحاسيسي ونفسي مجلسااااااا
بك أعـيش و دوم انا ميت عليك

لا غفى وجه النهار و عسعسااااا
نورك انتي للمســـااااا من يبتديك

يا مسا غير الأماسي يهمسـاااااااا
أحــتويني واللي يرحـــــم والديك

واكتسيني يا عمر فيك أكتساااااااا
واحضني قلبي وروحي تكتســـيك

يا مشاعر بين يا علّ و عساااااااا
يا عســـاني ما خلا من نجــــلتيك

مركبي تايه وفي شطّك رساااااااا
حلمي أنتي والعمر في راحــــتيك

بخته اللي راحتك لو يلمســــااااااا
والعيون اللي تشـــوفك تقــــــتديك

جوري الهرج و عبير النرجسااااا
غار ديباج الوصــــــايف من يديك

والشـوارد من بهاك تغطرســـــااااا
والجــزيلة من حــــلاتك تلــــتويك

مَدرسة واللي يشوفك يدرســـــاااااا
تمــلكي قلبه و فكـــــــره ينطــويك

في شجونه لهفته لك يغرســـاااااااا
يهــــــتويك و يبتديك و ينتهـــــــيك

وسوسة عشق وشعور يوسوساااااا
دايم قبالي و انا دوم احــــــــتريك

ما نسيتك و الفكر لهفة نســــــاااااا
أنك بعيني و اخـــيلك و أرتجـــيك

من يلومه لو لهى فيك المســـــاااااا
والعــــذارى كلهـم هــــــذي و ذيك

ماجد بن رتيق

[ماجد بن رتيق]

أغنية راقية لأخي و صديق قلبي
الفنان / وليد الشامي
وكلمات الشاعرة الألق / أصايل

ذهب ذهب معــــدنك في عيني و يا عز الطلب
معدنك يغنيني في هذا الكون عن كسب الحِلي

لو يزعل العالـــــــم بتبقى في نظر عيني ذهب
يوم المعــــــــــــادن مَصْلَحَة لأيام تطليها طلي

غلاك نقش الســـومريّ اللي وسـط قلبي إنكتب
كل ما خفق قلبي يطيرلك حـــــــمام |ن | بابلي

و إذا سلوني الناس عن حــــبك أقول بلا سبب
ماهو ضروري أقنع العالم بشيً جـــــــــــاز لي

يا اللي تنام بمقلة عيوني و غطاك الهــــــــدب
رمشي غطاك و فرش هارون الرشيد المُخملي

و إحســـاس قلبي أبجـر الشداد في حبك هذب
كصم صخر| ن |جابه الوادي و حدر من عُلي

و أناعليك أغار و إن حــرك طرف ثوبك مهب
و أغار من كف الهوا لا شال عطرك وإنت لي

ياأصدق من عيوني إذا هالكــون بعيوني كذب
يا مبتدا يا منتهى يا آخـــــــــــــــــري يا أولي

أحتاج لك حاجة شتا جسمي على شـب الحطب
و أحتاجلك حاجة بدو للنجــــــم ضاعوا رُحَّلي

يا كل حاجاتي بهذا الكــــــــون أنا عندي طلب
ما أملكـك لكن تعطـــــــــــــــيني عهد تُبقى إلي

يا صوتك اللي بداخلي في حسبة أشواقي لعب
لبيه يا بحــة حــــــــــــبال الشوق يامشتاق لي

و إذا جبرني الوقت في حبك أنا أختار الصعب
لن الذهب يبقى ذهـــب و لن الحُلي تُبقى حُلي

______ألشاعرة / أصايل_____

~~~~~~~

فقلت أنا

http://www12.0zz0.com/2016/11/14/19/370383652.jpg (https://www.0zz0.com)

[ماجد بن رتيق]

https://www.youtube.com/watch?v=LG3AGu7ObIc

حبيبي يا حبيبي

يطير النوم من عيني حــبيبي لا خَطَـــفْ طـاريك
وأطَـيّر لك حــمام الشوق من قلبي و من عـيني

حبيبي في دجــــــى ليلي أنادي جعلـــني مابكــيك
تعال امرح وســــــط عيني ولَحّفني و غَطِّـــــيني

حبيبي والعمـــــــــر حبّك و قلـــبي تملكَــه بيديك
وعشقي مع سهادي و اشـــتياقي هُـم عـناويني

حبيبي كلّنا ليل و مشاعــــــــــر ذايبة نرجـــــيك
تجينا تتحـف السهرة و تمطــــر في بســــــاتيني

حبيبي كلنا عشــق و ســهارى هايمـــينًً فـيك
نبي عـــــينك فَلَك عـــــــــيني و يَدّينك بيدّيني

حبيبي ظمّها روحي بقلـــبك ربي يخــــــــــــــليك
تعال اعـزف على قلبي و ترجمــــني و غَـــنّيني

حبيبي والفضى بأسـمك هَــــتَف يتْرَنّم يغــــــنّيك
ينادي لك قمر عمـــري تعال و نَوّر ســـــــــنيني

حبيبي حتى هالكلمــة تذوب بشــــهدك و حـاليك
وعذبات المشاعــــــــر من فراتك تمـتلي فـــيني

حبيبي يا سـنى كل الشـــــعور ولهفته مغلــــــيك
تعال اســــمع تناهـــــــــــيدي هِنا مابيني و بيني

حبيبي واقلط بروحي و عمري ربي مّحَــــــــيِّيك
على فيض المشاعـر طوف واسرح في مياديني

حبيبي والوله فـــــــــــيني فيافي نسنست زاكيك
و هَـــــبَّت من شذى عطرك على كلّي و تكويني

حبيبي يا حبيبي يا حــــــــبيبي من خَطَفْ طاريك
غَـدى عمري حــمامة شوق من قلبي ومن عيني

ماجد بن رتيق

[ماجد بن رتيق]

http://www9.0zz0.com/2016/11/20/09/978606109.png (https://www.0zz0.com)



هاض القصيد و في رواسي نجـــد فاح احساسيه
واهمل على فكري جزيل الشــــاردة عذب النشيد

قمت اتحاور و الجزل من راسيه لا راســـــــــيه
نطرق جديد و كل ما يومي لي أبدى من جـــــديد
َ
في روضة افكاري تبخـــــــــتر حرفي بمجلاسيه
شعّت حروفه بالنقــــا وابرق لي الدرّ الفــــــــريد

بين الخزاما والشمطري و النفل وانفاســــــــــــيه
قامت ترانيم الشجن بين المعاني تستقـــــــــــــــيد

قامت قرانيس الشعـــر تفتل جزل من راســــــيه
ما غير أطيّرها وهي أجـــزل معانيها تصـــــــيد

بين السـموّ اهمل خيالي واحـــتوى جلاّســـــــــيه
ما بينكم نايف و نوف الشـــــــارد يروم الهــــديد

ما بينكم طاب القصـــيد و طاب لي نوماســـــــيه
وامست تراديدي نشـــــــيد و كل احاسيسي قصيد

يا روضة الفكر النداوي يا ســــما حواســـــــــيه
شـــلالها اعماقي تدفّق و الغــــــــلا نبض الوريد

يا مرتع الجـــزل القراح الراسي و مراســــــــيه
مني ســـلام الله عليكم من قريب و من بعــــــــيد

ألكم بأحاســــيسي مرابع وبكياني راســـــــــــــيه
مقــداركم فيني ســـموّ وكل ما اخفـــــــــيته يزيد

من فيضة أعماقي غرفت وقلت ابملا كاســـــــيه
واهملني العذب الفرات وصحت أنا هل من مزيد

قم يا قصيدي وانهمل بين الربوع و ناســــــــــــيه
و قبّل جبين الشارد وجزل المعــــــــــاني زيد زيد

وانثر شعوري في سما نجد و على رواســـــــــيه
واعزف مسافاتي شعر كيف المشاعـــــر ما تريد

ماجد بن رتيق ~ الآن

[ماجد بن رتيق]

http://www7.0zz0.com/2016/11/22/08/374257379.jpg (https://www.0zz0.com)

غَــــلآبَهْ

ياللي تقول ان الهـــــــــــوى حيل غلاّب
عز الله انّا بالمحـــــــــــــــــــــــبة غلابه

لا يعترف في جاه او طولة اشــــــــــناب
فيه البشر من قوّ باســــــــــــــــــه تشابه

يمّ التوجّد يفــــــــــــــــتح ابواب و ابواب
ويله يا ويل اللي وقع و انكفــــــــــــــا به

هذا امير و خافقـــــــــــــه حيل منصاب
رغم الثرى شوقه لخــــــــــــلّه سطى به

وهذا فقير وفزّع اقراب واجــــــــــــناب
يبكي غرامن طلّعَــــــــــــــــــه من ثيابه

و ذيا متيم صاحــــــــــــــــبه دوم لعاب
حبه تسالي ودته للكــــــــــــــــــــــــــآبه

كلن على همه ســــــرى يضرس الناب
يلعي على ليلا و ضيع شــــــــــــــبابه

قلبه شباب ولكن العمـــــــــــر قد شاب
راحت حياته يتبع اللي غـــــــــــدى به

يومه وقع في وادي الحــب وش جاب
غير الولع في بعــــــــــــــــده و اقترابه

ان هي معه مرتاب و ان غابت ارتاب
شـوقه ســــــــــــــببها حيرته و ارتيابه

ان هي لفت حَــــدّر لها سيل الاعجاب
و غرَّق خفوقه بالغـــــرام و جرى به

و ان هي على ليل الوله صكت الباب
هج السهــــــر وفي وجه الاشواق بابه

الحب موت و ميت الحــــــب منصاب
بين المحاني رجفــــــــــــــــته والتهابه

علقم واشوف ان العسل داخــــــله ذاب
تغوي تفاصيله و يغــــــــــــوي شرابه

يدمي خفوق اللي شكى الحب وانصاب
سهم الهوى من جاير الوجــــــــد صابه

للحب جور وراعي الحـــــب ما طاب
ما ينفـــــــــــــــع اللي جاه كثر الطبابه

ينبض خفوقه في رجى سـيد الاحباب
حتى السحـــــــــــــابة يشتكي للسحابه

ميت غرام و سـاطي الحـــــــب نهّاب
ينهب معاليق المشاعـــــــــــــر انْهابه

يسطي واشـــــــوفه للوله دوم طلاّب
والمشـكل انّا نعشــــــــــــــقه ما نَهَابه

حيل الهوى غلاب و الشــوق غلاب
و احنا بشــــــــر و الكل فينا غــلابه

ماجد بن رتيق

[ماجد بن رتيق]

http://www2.0zz0.com/2016/11/24/22/267454448.gif (https://www.0zz0.com)



ارحبوا ثم ارحبو ســـلم قحطـــاني

في رواسي نجد شال السامــــــريّة


طَيّر الشارد على الطرق اليمـــاني

وانثني جزل الحكي للشـــــــــاهقيّة


من عواليها سقى الراســــي أغاني

حيّ منطوقه بعد يا حيّ حَــــــــــيّه


يا هلااااا يا مسهلا قاصي و داني

من خفوقي دندنتها عارضـــــــــيّة


تومي بروحي وتمطرني مـوااااني

تجزل الترحاب واعماقي هـــــدّية


أقلطوا شعري وغوصوا في كياني

يا رواسي نجد يا نجـد العَــــــــذيّه


من أواخر راســــــــية ليما مكاني

أرحبووو ترحــاب ما مثله و زيّه


زان داني قلت أنا يا ليل دااااااااني

مرحبا يا مرحــــــــــــــبا يالنايفيّه


هملل الشـــــارد وأنا جيته سواني

سالني ترحاب و اهملني تحــــــــيّة


من هماليه رواني و اكتســـــــــاني

راعديّه ســــــــــــاقني في راعديّه


وأنهملني مرحـــــــــباي و أمتناني

و انحدر شلااااااااااّل ترحابي نقّيه


فاض بي ســـــــيله نقا ثم أمتلاني

وانسكبني والمعاني ماجـــــــــــديّه


ارحبوا ثم ارحبو ســـلم قحطـــاني

في رواسي نجد شال السامــــــريّة

ماجد بن رتيق

حصري كيبورد الآن

[ماجد بن رتيق]

http://www4.0zz0.com/2016/11/30/18/496324783.jpg (https://www.0zz0.com)


البارحـــــة شفت الفرزدق مع جـرير
والشيخ ابو تمّـــــــــام ويّا الباهــــــلي

جـوني ســـــوا معهم ابو الطيب يسير
والجَــــزل ابو نواس ويّا الزركـــــلي

والبحــــــتري و ابو العلا معهم خشير
و الأصمعي معهــــــم و نَوَّر منزلي

و اســياد قومٍ شوفهم سَــــــــرّ النظير
كلن و منطوقه يقول الأجـــــــــــزلي

ذا فارس و هذا على قومــــــــه أمير
و هذا مهــــــــار القاف بيده تصهلي

سمرة نقاء والطيب مرباع و ســــفير
نشرب قراح الشــــــاردات الممـــتلي

شعر و غزل و فكار لا يمكـن تصير
بيني و عقلي مع شــعوري و جّهَــــلي

كلّن بدى طَــــرقه وانا توّي صغـــــير
أســمع جـــزايلهم و عقلي مشـــــــغلي

يا كيف اجــــاريهم و انا ماني كــــبير
و الشــــعر اشـــوفه للشـــعور يزلزلي

قالوا لي اقــــدح فكرتك لالا تحــــــير
قلت الســـــموحـــــــة ببتدي من أولي

لي بالشعـر صولة و جولاتن كــــــثير
ما بينكم تصغر و يصغــــــــر مدخلي

لولا الحَـــــيا عصفورها افكاري يطير
ويغَرّد المعــــــــــنى بصـــــوتي بلبلي

أسجع مطر واسمع صدى حرفي خرير
و الغيم اشوفه للشعـــــــــــــــور يهلهلي

خرجي مليته نادر الدرّ الوفـــــــــــــــير
انثر فرايد فكـــــــــــــــرتي من محملي

ديباجــة حروفي لها ملمـــــــس حـرير
و اسـتبرق اعمـاقي جواب لّجـــــــاهلي

أطرق بحر ليما البحـــر لي يستخــــــير
واعسف مهار الشــــــاردات بمنجَـــلي

تتللألا حــــــروفي و جــــــــزلاتي تنير
كل العَتَم لامن لفـــــــــــــــــــيته ينجلي

لي بالغـــزل ديوان مقطــــــوع النظـير
من معجمي شـــــــوارد الشعـــر الجلي

شـهد العســــل في ساحلي يهدر هدير
من ذاقه امرَح ما يفـــــارق ســــاحلي

يشرب معـــــاني فكرتي كاســـة نقير
و منهــــــــو يلومه لو يذوب و يثملي

ازعب من المعنى على الطرق المثير
و سنيورة افكاري تنوف و تعـــــتلي

تتمَلّك احساسي وب اعماقي تغِـــــير
تقدح شجوني والهــــــــــــيام تشلشلي

هي منيتي هي عشـقي الجَـــــمّ الكثير
ما هَمّها الاّ للشعـــــــــــــــور تفلفلي

فيني شذاها والوله نفحـــــــــــة عبير
و منها خفـوقي بالغـــــــــــرام مدلّلي

والمشكل اني للولَه دايم أســــــــــــير
مسجونها فيني و هي في معقــــــلي

عشــقي لها طاغي و شوقي زمهرير
شَــــبّ بحشاي و بالمحاني يصطلي

تشهق بها انفاسي و هي تزفر زفير
في مهجتي يا ســـــامعي يغلي غلي

جـاير و انا يا ســـادتي ماني غرير
وأَشـــرَب هواها واشتياقي منهـــلي

يا سـادتي و امر الهوى فيني خطير
وين الدوا من قبل اشــــــوفه مقتلي

ماجد بن رتيق

[ماجد بن رتيق]

http://a.top4top.net/p_342t7gfx1.jpg (http://up.top4top.net/)

سلطنة فكري

أبرسم في جدار الشــوق من قلب الأسى مسمار
واعلّق به تناهـــــــــيدي و آهـــــــــاتي و ونّاتي


واعاتب حظي القاسي واقول لعالمـي وش صار
متى تقبل على قلبي ســــعادة ترســــــــم اشفاتي


أحاتي حبي الجــــاير واحــــــــاتي قلبي المحـتار
قضى عــــمري و انا دايم أحاتي ثمّن آحـــــــاتي


حبيبي يا بعد عــمر السنين و آخـــر المشـــــوار
أبي تقـــــرا عـــباراتي يا عـــلّك تقـــــبل و تاتي


حبيبي كثر حـــبي لك أشـــوف أنّه زمـــاني جار
منعني شـــوفة عـــــيونك و توّهـــني بعــــبراتي


لك الله كيف انا دونك أعــيش وكـــيفها الأقــــدار
بدونك عالمي موحـــش يناجـــي همّــي العــــاتي


أبيك اقـــرب من اهدابي لعيني و اهــتويك امرار
تنام بداخــــــل اجـفـــاني وتزهي كــــــل لـيلاتي


وابيك لعالمي كل الشــــــــــروق وروعة الأنوار
وابيك تلمّـــــني لهفــة و تنهـــــي كل مأســـــاتي


و ابي شـــوقك لي لحالي و ابيك الفارس المغوار
بقلبي تهـدم اصروح التعاســــة مع تنهّــــــــــاتي


و ابي منّك تفصّلني على كيفـــك غــلاك اخــتار
تملّكــني وكــــــيّفني و ترجــــمها عـــــــباراتي


أنا يا ســلطــنة قلبي و تفكــــيري مع الأشـــعار
أحبك من هِنا لآخــــر مدى فيها ســـــــــماواتي


أحبّك لأخـــــر العــالم و احـــبّك مثلها ما صار
قــــــراراتي مســــافاتي بدايات نهــــــــــاياتي


وابرسم فوق مسمار الأسى من صورتك تذكار
أيا نبض السعـــــد فيني و أطيبها حـكــــــاياتي


ماجد بن رتيق

[ماجد بن رتيق]

http://www13.0zz0.com/2016/12/21/15/302423937.jpg (https://www.0zz0.com)


عفاريت القوافي

عفـاريتي تعالوا نلهب السهرة على قنديل
ونوقـد صافي الفكرة ونسمر حول قنديله



نبي نبحر على قاف المعاني من على برخيل
و نوقض شـارد المعنى ونشطح فوق برخيله



وابي مجلس نقانا بالجـــــزالة طعم كيفه هيل
و ابي خـــــــــــنّة كلامي تعبق ببنّه معا هيله



تعالوانقطف غصون السـوالف صوتها تهليل
على عذب الفرات الحـرف يصدح في تهاليله



تعالوا والفكـر شعشع و جاب الســـالفة تفـتيل
يصيد الشـــــــاردة ما بين نقـض وبين تفـتيله



هِنا في مجلسي طفت المـداين وارتويت النيل
على برخيلها الفكرة سرى فكـــري على نيله



وزرت الهند و المغرب و طفت وجبتكم تذليل
أبي منكم تجــــــــــــــيبونه حبيبي دون تذليله



وأبي منكم هَنا صفين نلعــــب في ظلام الليل
نشــيل السامــرية وِيتنَكّــــــــــس ليلي و ليله



وابي منكـــم عفاريتي لرأي اللي سرى تبديل
وابيه يحبني مثلي و حـــــــــــبي عاف تبديله



أبيه يطوف في كوني يشــــوف بعينه التهبيل
أبيه يشوفها اشـــــــــواقي ضناها زود تهبيله



تكوّن في تفاكيري و كَـــــــــــوَّن للوله تعليل
سَـــهَر فيني قمـــــــر ليلي و غندرها تعاليله



إلا منّي تعللته أشـوف انّ الشعور يســــــــيل
احسّ انّه جسد روحي حياتي نبضي يسِــــيله



أجي كلّي على جاله كســـــير و أمنياتي حِيل
ويجبر خاطري طيفه و قلبي شـــــوفته حيله



عفـــاريت القوافي من عصر قابيل مع هابيل
من أول سالفة للحـــــب والعشـــق و مهابيله



تعالوا نلهب الســهــــرة عفـاريتي على قنديل
و نوقـد صافي الفكــرة ونســـمر حول قنديله

بن رتيق

[ماجد بن رتيق]

http://www3.0zz0.com/2016/12/21/11/707519235.jpg (https://www.0zz0.com)

يا هَـــــــمّ وخّر ما أبي منك طاري

يكفيني اللي صابني منك يا هَـــــــمّ


أمرحت فيني غصب دون اختياري

تســــتوطن انفاسي وفكــري تناهمّ


قل وش تبيبي وابتعــد عن مساري

شف دنيتي عقبك سواد و تجاهَــــمّ


دمعي هــــــدرته والمآسي طواري

من سبّتك حزني للأعماق داهــــــمّ


كانك نويت بعبرتي اخــــــــــتباري

عزّ الله اني والحزون انتساهــــــــمّ


نوبن حزوني تهـــــــــتوي انتحاري

و نوبن على قلبي تلزّ و تداهَــــــــمّ


و نوبن تقلّبني على جـــــــمر ناري

ونوبن تجيني كل ابوها تواهَـــــــــمّ


عَــوّد وراك و لا تقــــــــرّب دياري

ياكــم تمنيتك رجل و انتفاهَـــــــــــمّ

ياكــم تمنيتك رجل و انتفاهَـــــــــــمّ

ياكــم تمنيتك رجل و انتفاهَـــــــــــمّ

بن رتيق

[ماجد بن رتيق]

بين جـِنّ الشعور

إهداء إلى شريكة حياتي



http://www6.0zz0.com/2016/12/25/12/148396409.jpg (https://www.0zz0.com)



بين جن الشعور وّ عشق مجنووون فيك

ســاح عطر الهياااااام وباح وجدي معاااه


يندلق بي جـنون الوجــــــد منك و إليك

فيك اموت و هواك يمدّ طوق النجاااااااه


ينسكبني مشاعـــــــــر ذااااااااايبة تنتهيك

تبتدي في عيونك والجـــمااااااااال و بهاه


بس تعالي ب اشــــوفك والشعور التويك

و آتلفــلف شـجـونك و انطــــوي في دفاه


أقبلي كلّ احاســيسي تســـــــــــمّي عليك

يا خـــرافة زمــاني واقــــعي و الحــــياه


بخـــتري خطّوتك و اتمــايلي بي و أبيك

توصلي بالشــجـن في مهجــــتي منتهاااه


يا فريدة و حــــيدة و الحـلاااااااا يرتويك

أملح الخلــق و ابهاهـــم جــــمال و حلاه


متعي عمــــري اللي من زمن يحـــتريك

تمطري في شجــوني من شجونك شـذااه


ذاب عطر الحــــياء والذوق في وجـنتيك

و انهمــــر بي غرامك يالعــــبير و عذااه


جـِـيت جـبري احــبك أو حـــياة اسـتويك

جـِـيت عمــري و انا ميت وله في رجاااه


موت احـبّك و احـبّك و اعشــقك كُلّ ابيك

لك أنا كُلّ أبي و العشــق لك كُــلّ ابااااااه


كُلّ ابوهاااااا حــياتي و الخفـوق يّعَـــديك

يلهــثك يستجــــــــيرك عجلي في دوااااه


أمطري في كياني ب اشـــربك و احـتويك

و اسكنك و استكنك يالخفـــــوق ومناااااه


فيك جَنّ الشعور وّ حَــــنّ مجنووون فيك

ســاح نهر الهيااااام وباح وجدي معاااااه


بن رتيق