محمدالعتيبي
26-10-2016, 08:16 AM
انا الجريح اللي من الوقت منصاب=ماعشت في دنياي لحظه سعيده
دايم جروحي ماتجي الا من اقراب=اعطي الوفاء واخذ بداله مكيده
اكبر جروحي جات من سيد الاحباب=بهذل كيان القلب واحرق وريده
خلاني امشي سكة الشوق مرتاب=مدري وش اللي من عذابي يفيده
عزالله اني معه ماكنت كذاب=صادق وصدقي مايخلص رصيده
العام يرسلي مراسيل الاعجاب=ويختار من در الكلام وفريده
يرسم لي قلوب(ن)على صفحة كتاب=كنه يمثل واقعه في قصيده
اشواق قلبه مثل نزل(ن)له اسراب=واشواق قلبي حر باول هديده
واليوم صد وصدته مالها اسباب=حتى الرسايل ماتجي من بريده
مدري زعل ولا ملامات وعتاب=خلاني اخمن امور(ن)عديده
حتى منامي بعد فرقاه ماطاب=اسامر نجوم(ن)عليه شهيده
حالي من الفرقى تنصته الاتعاب=هم(ن)يباري هم واخر حديده
طيفه معي والله ماليل قد غاب=وشريط ذكراها يمر واستعيده
ان كان هو عن وصلي اليوم قد تاب=ينشد عن ذنوبي شيوخ العقيده
وش يفرق ذنوبي عن ذنوب الارقاب=مدام روحي من فراقه فقيده
ياقلب مالك غير باب الصبر باب=اصبر وربك يفعل اللي يريده
محمدسعدالعتيبي
دايم جروحي ماتجي الا من اقراب=اعطي الوفاء واخذ بداله مكيده
اكبر جروحي جات من سيد الاحباب=بهذل كيان القلب واحرق وريده
خلاني امشي سكة الشوق مرتاب=مدري وش اللي من عذابي يفيده
عزالله اني معه ماكنت كذاب=صادق وصدقي مايخلص رصيده
العام يرسلي مراسيل الاعجاب=ويختار من در الكلام وفريده
يرسم لي قلوب(ن)على صفحة كتاب=كنه يمثل واقعه في قصيده
اشواق قلبه مثل نزل(ن)له اسراب=واشواق قلبي حر باول هديده
واليوم صد وصدته مالها اسباب=حتى الرسايل ماتجي من بريده
مدري زعل ولا ملامات وعتاب=خلاني اخمن امور(ن)عديده
حتى منامي بعد فرقاه ماطاب=اسامر نجوم(ن)عليه شهيده
حالي من الفرقى تنصته الاتعاب=هم(ن)يباري هم واخر حديده
طيفه معي والله ماليل قد غاب=وشريط ذكراها يمر واستعيده
ان كان هو عن وصلي اليوم قد تاب=ينشد عن ذنوبي شيوخ العقيده
وش يفرق ذنوبي عن ذنوب الارقاب=مدام روحي من فراقه فقيده
ياقلب مالك غير باب الصبر باب=اصبر وربك يفعل اللي يريده
محمدسعدالعتيبي